Nebojsa Knezevic

Nebojsa er að hefja sitt sjötta tímabil á Ísafirði. Hann lék með KFÍ í úrvalsdeildinni tímabilið 2010-2011 þar sem hann var með 14,6 stig og 4,5 fráköst í 22 leikjum. Nebojsa var einn besti leikmaður 1. deildarinnar veturinn 2014-2015 en hann leiddi deildina í skotnýtingu og stolnum boltum auk þess að vera í topp 10 í stigaskorun, stoðsendingum og framlagsstigum. Mest skoraði hann 43 stig í sigurleik á móti Breiðablik en hann braut 40 stiga múrinn tvívegis og var með 24,7 stig að meðaltali í leik í deildinni.

Hann leiddi KFÍ aftur í stigaskorun tímabilið 2015-2016 með 18,8 stigum auk þess sem hann tók 6,7 fráköst og gaf 3,4 stoðsendingar þrátt fyrir að spila einungis um 24 mínútur að meðaltali í leik. Mest skoraði hann 32 stig í einum leik, en það gerði hann tvívegis og bæði skiptin á móti Ármanni frá Reykjavík.

Nebojsa var tilnefndur til íþróttamanns Ísafjarðarbæjar árin 2015 og 2016.

Tímabilið 2017-2018 leiddi hann Vestra í stigaskorun með 23,7 stig ásamt því að leiða 1. deildina með 7,3 stoðsendingum að meðaltali í leik. 

2018-2019 leiddi Nebojsa 1. deildina aftur í stoðsendingum en hann var með 7,1 stoðsendingu að meðaltali ásamt því að skora 19,1 stig og taka 5,9 fráköst að meðaltali. Mest gaf hann 17 stoðsendingar í sigurleik á móti Snæfell.