Nemanja Knezevic

Nemanja er 205 sentímetra hár miðherji frá Svartfjallalandi sem býr yfir góðri tækni og miklum hreyfanleika. Hann lék í þrjú ár ásamt Nebojsa Knezevic með Vojvodina Novi Sad í annari deildinni í Serbíu á sínum yngri árum.

Nemanja lék sitt fyrsta tímabil hér á landi veturinn 2017-2018 og leiddi 1. deildina í fráköstum með 17,8 fráköst að meðtaltali í leik. Hann missti af síðustu 5 leikjum deildarinnar og öllum 3 leikjum Vestra í úrslitakeppninni eftir að hafa meiðst illa á hné á móti Gnúpverjum 9. febrúar 2018.

2018-2019 tímabilið leiddi Nemanja deildina aftur í fráköstum, en hann var með 17,9 fráköst ásamt því að skora 19,8 stig að meðaltali í leik. Mest tók hann 28 fráköst í einum leik en sex sinnum náði hann að minnsta kosti 20 stigum og 20 fráköstum í sama leiknum.