Fréttir - Körfubolti

Strákarnir keyrðu suður

Körfubolti | 16.10.2009
Mynd - Helgi Sigmundsson.
Mynd - Helgi Sigmundsson.
Vegna óhagstæðs veðurs fyrir flug tóku strákarnir sig til og keyrðu suður. Þetta var gert til þess að þurfa ekki að fresta leiknum gegn Hrunamönnum. Það er alltaf vont að þurfa að fresta leikjum og eru bæði meistaraflokkur og drengjaflokkur að spila fyrir sunnan á helginni og það hefði verið erfitt að koma þessu saman ef ekki væri leikur í kvöld.

Meistaraflokkurinn er sem fyrr segir að spila gegn Hrunamönnum og hefst leikurinn á Flúðum kl.19.15.

Drengirnir eiga tvo leiki um helgina. Sá fyrri er gegn Stjörnunni í Garðabæ og hefst hann kl.16.00 á laugardag.

Síðari leikurinn er gegn Fsu og er á Selfossi kl. 12.30 á laugardag.

Við skorum á brottflutta Vestfirðinga að láta sjá sig og hvetja drengina.

Áfram KFÍ Nánar

Strákarnir suður á morgun

Körfubolti | 15.10.2009
Mynd - Halldór Sveinbjörnsson
Mynd - Halldór Sveinbjörnsson
Meistaraflokkur KFÍ og drengjaflokkur halda suður á morgun. Meistaraflokkurinn keppir við vini okkar frá Flúðum og er sá leikur kl. 19.15. Heimasíðan mun setja inn fréttir um leið og þær berast í hús.

Áfram KFÍ. Nánar

Slæm byrjun, en góður endir...

Körfubolti | 11.10.2009 KFÍ varð að hafa fyrir stigunum tveim gegn mjög sprækum strákum úr Þór frá Akureyri. Gestirnir voru með forystu í leiknum alveg fram yfir miðjan þriðja leikhluta og í stöðunni 44-54 settu þeir Pance og Craig í fluggírinn og settu 5 þriggja stiga körfur og náðu að minnka muninn í 1 stig 60-61 og allur fjórði leikhlutinn eftir.

Þetta nægði til þess að starta vélinni og við unnum fjórða leikhluta 21-11 og leikinn því 82-72 og fögnuðu leikmenn og áhorfendur okkar mikið í leikslok.

Pance fór í gang og setti niður 6 þrista í röð og kveikti heldur betur í strákunum sem fylgdu með í kjölfarið og leikurinn snerist algjörlega við. Pance, Craig og Matt voru að öðrum ólöstuðum menn leiksins, en Danni og Florijan stigu upp þegar á þurfti að halda. En þessi sigur var samt sem áður sigur liðsheildarinnar og sýndu strákarnir góðan karakter að gefast ekki upp.

Nánar

Þá er komið að því !

Körfubolti | 09.10.2009 Fyrsti leikur meistaraflokks KFÍ er á sunnudagskvöld klukkan 19.15. Það eru Þórsarar frá Akureyri með Baldur okkar Inga Jónasson í fararbroddi sem mæta í Jakann. Eftir langt og strangt undirbúningstímabil eru strákarnir klárir og óska eftir stuðningi þínum. Mætum öll og hvetjum þá til dáða.
Nánar

KFÍ spáð öðru sæti hjá þjálfurum 1. deildar.

Körfubolti | 07.10.2009 Þjálfarar 1.deildar tóku sig saman og spáðu um hvar liðin skipa sér í sæti. Haukar fara beint upp í vor ssamkvæmt spáni og KFÍ fær annað sætið og þá heimaleikjarétt í úrslitakeppni. Það ber þó að segja strax að um spá er að ræða og við pennarnir á kfi.is erum ekki alveg sammála. öllu nema að Haukar eru sigurstranglegastir og að Ármann/Þróttur verða ekki neðstir með Tómas Hermannsson vin okkar sem skipstjóra í brúnni. Nánar

Í mat hjá formanninum

Körfubolti | 05.10.2009 Leikmenn meistaraflokks mættu í árlegt matarboð hjá formanni KFÍ á laugardagskvöld. þó að lokaundirbúningur fyrir komandi tímabil sé á fullu þá gefa menn sér nú tíma til að borða hollan mat líka. Þessir drengir eru vonandi allir að stækka ennþá og því þurfa þeir að borða vel. Nánar

Gestrisni KFÍ of mikil gegn Breiðablik

Körfubolti | 04.10.2009 Drengjaflokkur KFÍ lék sinn fyrsta leik á Íslandsmótinu á laugardag. Gestir í þetta sinn voru drengirnir úr Kópavogi, Breiðablik sem fóru með sigur af hólmi 72-97. Breiðablik er með hörkulið og var oft gaman að sjá tilþrif þeirra, en það var einnig gaman á köflum að sjá til okkar drengja og eru þeir til alls líklegir í vetur. Nánar

Íslandsmótið hefst á laugardag

Körfubolti | 29.09.2009 Jæja þá er komið að því. KFÍ er með mjög öflugt starf í gangi og byrjar ballið á laugardag þegar drengjaflokkur tekur á móti liði Breiðabliks á Jakanum kl. 14.00 og eru allir hvattir til að koma og sjá þessa efnilegu drengi spila. Nánar

Foreldrafundur hjá 8. flokki

Körfubolti | 28.09.2009 Unglingaráð KFÍ stendur fyrir foreldrafundi í 8. flokki á morgun 29. september kl. 18.00

Fundarstaður : Íþróttahúsið Torfnesi

Fundarefni: Vetrarstarfið

Nánar

17. júní 2009

Körfubolti | 20.06.2009
Fjölmenni á Sjúkrahústúninu á þjóðhátíðardaginn.
Fjölmenni á Sjúkrahústúninu á þjóðhátíðardaginn.
Það hefur verið mikið annríki hjá KFÍ undanfarið en allt er það í góðu. Eins og hefð er fyrir hjá félaginu var mikið tilstand í tengslum við 17. júní hátíðarhöld Ísafjarðarbæjar. Nánar