Fréttir - Körfubolti

Körfuboltabúðirnar komnar á fulla ferð

Körfubolti | 06.06.2019
Körfuboltabúðir Vestra 2019. Ljósmynd: Ásgeir Helgi Þrastarson
Körfuboltabúðir Vestra 2019. Ljósmynd: Ásgeir Helgi Þrastarson

Elleftu körfuboltabúðir Vestra standa nú yfir á Torfnesi á Ísafirði en búðirnar hófust á þriðjudagskvöld og lýkur með kvöldvöku á laugardagskvöld. Hátt í 130 iðkendur eru skráðir til leiks í stóru búðirnar en samhliða þeim er boðið upp á Grunnbúðir fyrir yngri iðkendur í Bolungarvík og eru nærri 40 iðkendur skráðir í þær.

Nánar

Vel lukkuð uppskeruhátíð körfunnar

Körfubolti | 03.06.2019
Stúlknaflokkur og 10. flokkur stúlkna Kkd. Vestra 2018-2019 ásamt þjálfurunum Yngva Páli Gunnlaugssyni og Nemanja Knezevic.
Stúlknaflokkur og 10. flokkur stúlkna Kkd. Vestra 2018-2019 ásamt þjálfurunum Yngva Páli Gunnlaugssyni og Nemanja Knezevic.
1 af 10

Margmenni var þegar yngri flokkar Körfuknattleiksdeildar Vestra hnýttu endahnútinn á vetrarstarfið með sinni árlegu Uppskeruhátíð, en hún var haldin á Torfnesi fyrir hálfum mánuði eða mánudaginn 20. maí. Að venju tóku allir iðkendur við viðurkenningum frá þjálfurum sínum og slegið var upp hinni hefðbundnu pylsuveislu körfunnar. Allir fengu síðan íspinna í boði Kjörís að hátíð lokinni.

Nánar

Flottir Vestrakrakkar í körfu á Akureyri

Körfubolti | 21.05.2019
Vestrakrakkahópurinn myndarlegi ásamt Gulla þjálfara og fararstjórum á Akureyri um helgina. Á myndina vantar Gumma þjálfara.
Vestrakrakkahópurinn myndarlegi ásamt Gulla þjálfara og fararstjórum á Akureyri um helgina. Á myndina vantar Gumma þjálfara.

Lokaumferð Íslandsmótsins í MB11 ára í körfuknattleik fór fram á Akureyri um helgina og sendi Kkd. Vestra glæsilegan hóp 19 keppenda til leiks, þrjú lið drengja og eitt lið stúlkna. Hópinn skipa iðkendur fæddir 2007 og 2008. Mótið, sem haldið var af íþróttafélaginu Þór, tókst í alla staði mjög vel en þetta er í fyrsta sinn sem lokamót beggja kynja í þessum aldurshópi er haldið á sama keppnisstað. 

Nánar

Nemanja valinn bestur á lokahófi

Körfubolti | 19.05.2019
Allir verðlaunahafarnir saman ásamt Yngva þjálfara og Ingólfi formanni.
Allir verðlaunahafarnir saman ásamt Yngva þjálfara og Ingólfi formanni.
1 af 10

Lokahóf Körfuknattleiksdeildar Vestra var haldið í beinu framhaldi af aðalfundi deildarinnar þann 24. apríl síðastliðinn. Að þessu sinni var sú nýbreytni viðhöfð að elstu iðkendum deildarinnar í yngri flokkum, frá 9. flokki upp í drengja- og stúlknaflokk, var jafnframt boðið til hófsins.

Nánar

Uppskeruhátíð yngri flokka körfunnar

Körfubolti | 17.05.2019

Hin árlega uppskeruhátíð yngri flokka körfuknattleiksdeildar Vestra fer fram í íþróttahúsinu á Torfnesi á mánudag frá 17:30-19:30. Að venju verður slegið upp almennilegri pylsuveislu samhliða því sem þjálfarar veita öllum börnum viðurkenningarskjöl og gera veturinn stuttlega upp. Við hvetjum alla iðkendur körfunnar og aðstandendur þeirra til að fjölmenna og fagna saman eftir góðan körfuboltavetur.

Nánar

Fundur um meistaraflokk kvenna

Körfubolti | 15.05.2019
Stór hópur stúlkna á aldrinum 15-17 ára æfa körfubolta með Vestra. Þessi glæsilegi hópur er grunnur sem deildinn hyggst byggja á til að setja á fót meistaraflokk kvenna á ný.
Stór hópur stúlkna á aldrinum 15-17 ára æfa körfubolta með Vestra. Þessi glæsilegi hópur er grunnur sem deildinn hyggst byggja á til að setja á fót meistaraflokk kvenna á ný.

Stjórn Körfuknattleiksdeildar Vestra ásamt barna- og unglingaráði deildarinnar boða til fundar um meistaraflokk kvenna. Fundurinn fer fram í félagsheimili Vestra (Vallarhúsinu), fimmtudaginn 16. maí kl. 18:00. Það er sérstaklega mikilvægt að allir þeir sem áhuga hafa á verkefninu mæti til fundarins og á það bæði við um iðkendur og foreldra en ekki síður aðra áhugasama um verkefnið.

Nánar

Yngvi á förum frá Vestra

Körfubolti | 14.05.2019
Ingólfur Þorleifsson, formaður Kkd. Vestra og Yngvi Páll Gunnlaugsson, fráfarandi yfirþjálfari Kkd. Vestra, stilltu sér upp í góðviðrinu á Ísafirði í dag eftir að hafa náð samkomulagi um starfslok Yngva. Eftirsjá er af Yngva, sem hefur stýrt faglegu starfi félagsins síðastliðin þrjú ár.
Ingólfur Þorleifsson, formaður Kkd. Vestra og Yngvi Páll Gunnlaugsson, fráfarandi yfirþjálfari Kkd. Vestra, stilltu sér upp í góðviðrinu á Ísafirði í dag eftir að hafa náð samkomulagi um starfslok Yngva. Eftirsjá er af Yngva, sem hefur stýrt faglegu starfi félagsins síðastliðin þrjú ár.

Yngvi Páll Gunnlaugsson, yfirþjálfari Körfuknattleiksdeildar Vestra, hefur ákveðið að láta af störfum hjá deildinni og hafa hann og stjórn félagsins náð góðu samkomulagi þar um. Yngvi mun áfram gegna starfinu fram eftir sumri eða þar til nýr þjálfari kemur til starfa. Ástæður brotthvarfs Yngva frá félaginu eru breyttir fjölskylduhagir en hann stefnir suður á höfuðborgarsvæðið með fjölskyldu sína með haustinu.

Nánar

Vel heppnað lokamót þeirra yngstu

Körfubolti | 01.05.2019
Eldri hópurinn (3.-6.bekkur) sem keppti á Húsasmiðjumótinu 2019.
Eldri hópurinn (3.-6.bekkur) sem keppti á Húsasmiðjumótinu 2019.
1 af 2

Það var svo sannarlega mikið stuð á körfuboltamóti yngstu iðkendanna í Kkd. sem fram fór í íþróttahúsinu Torfnesi á mánudag. Þetta síðasta innanfélagsmót vetrarins er kennt við Húsasmiðjuna, sem er einn af styrktaraðilum körfunnar, en einnig lagði N1 mótshöldurðum lið að þessu sinni. Yngstu aldurshóparnir eru nú farnir í sumarfrí frá hefðbundnum vetraræfingum þótt margt skemmtilegt eigi þó eftir að dúkka upp þegar líður á sumarið.

Nánar

Húsasmiðjumótið í dag

Körfubolti | 29.04.2019
Hið skemmtilega Húsasmiðjumót fer fram á Torfnesi í dag, mánudag.
Hið skemmtilega Húsasmiðjumót fer fram á Torfnesi í dag, mánudag.

Hið árlega Húsasmiðjumót fer fram í íþróttahúsinu á Torfnesi í dag, en það er innanfélagsmót Kkd. Vestra og Húsasmiðjunnar, ætlað krökkum í 1.-6. bekk. Allir kátir krakkar á þessum aldri eru velkomnir en um er að ræða hraðmót þar sem stigin eru ekki talin og fara allir heim með smáræðis sumarglaðning í boði N1.

Nánar

Konur í meirihluta stjórnar körfunnar

Körfubolti | 26.04.2019
Nýkjörin stjórn og varamaður Kkd. Vestra: Harpa Guðmundsdóttir, Ingi Björn Guðnason, Birna Lárusdóttir, Ingólfur Þorleifsson, Helga Salóme Ingimarsdóttir og Gunnlaugur Gunnlaugsson, varamaður.
Nýkjörin stjórn og varamaður Kkd. Vestra: Harpa Guðmundsdóttir, Ingi Björn Guðnason, Birna Lárusdóttir, Ingólfur Þorleifsson, Helga Salóme Ingimarsdóttir og Gunnlaugur Gunnlaugsson, varamaður.

Aðalfundur Körfuknattleiksdeildar Vestra var haldinn í Vinnuverinu á Ísafirði síðasta vetrardag, 24. apríl. Kosið var í stjórn og er hún að mestu skipuð fulltrúum sem hafa setið um nokkra hríð í stjórn deildarinnar. Konur eru nú í fyrsta sinn meirihluti stjórnar Kkd. Vestra.

Nánar