Íþróttafélagið Vestri - Allar fréttir

Vestri með þrjú lið á N1 mótinu á Akureyri

Thu, 09 Jul 2026 13:05:00 +0000

Hið árlega N1 mót KA fór fram á Akureyri 01.-04. júlí sl. Mótið sem hefur verið haldið frá árinu 1987 er fyrir drengi í 5.flokki. Vestri sendi þrjú lið til keppni sem verður að teljast vel af sér vikið.

Um sannkallaða fótboltaveislu er að ræða og léku Vestra drengirnir listir sínar fyrir norðan og nutu hverrar mínútu.

ÁFRAM VESTRI

</article>
<article>
<h1>Vestri kominn heim eftir vel heppnað Orkumót.</h1>
<p>Mon, 29 Jun 2026 16:24:00 +0000</p>
<p>Drengirnir í 6.flokki tóku þátt í hinu árlega Orkumóti í Vestmannaeyjum 24.-27. júní sl.<br /><br />Stóðu drengirnir sig virkilega vel en Vestri sendi að þessu sinni tvö lið til leiks.<br /><br />Bæði lið fóru í úrlistaleik í sinni keppni. Vestri fékk svo merkilegustu viðurkenningu Orkumótsins sem eru að sjálfsögðu HÁTTVÍSI verðlaunin. Vestra drengirnir voru sannarlega vel að þeim komnir hvar þeir sýndu frábæra frammistöðu og voru til fyrirmyndar bæði innan og utan vallar.<br /><br />ÁFRAM VESTRI <span class=

⚽️

Hálfdán Breki Jónsson valinn í U15 drengja

Wed, 24 Jun 2026 10:06:00 +0000

Ómar Ingi Guðmundsson, landsliðsþjálfari U15 karla hefur valið Hálfdán Breka Jónsson leikmann Vestra til úrtaksæfinga dagana 25.-26.júní 2026. Æfingarnar fara fram á Avis vellinum í Laugardal.

Um er að ræða eftirfara Hæfileikamótunnar KSÍ og N1 og þar með fyrsta landsliðshóp í árgangi 2012 drengja.

Til hamingju Hálfdán Breki og ÁFRAM VESTRI.

Tækninámskeið Vestra fyrir börn fædd 2016-2019

Wed, 24 Jun 2026 09:22:00 +0000

Um er að ræða tvö tækninámskeið fyrir öll börn fædd 2016-2019.

Námskeið 1: 29. júní - 02. júlí.
Námskeið 2: 02. - 09. júlí.

Verð kr. 10.000 per námskeið.

Skráning er í Abler

Dagskrá:
Mán - Fim kl. 09.00-12.00

Markmið námskeiðsins:
Þjálfa færni og sköpunargleði hjá leikmönnum.
Gera leikinn skemmtilegan í æfingum og í leik.
Þjálfa góðan íþróttaanda og virðingu innan sem utan vallar.
Bjóða upp á lærdómsríkt umhverfi sem mætir best þjálfunarmakmiðunum.

Yfirþjálfari er Heiðar Birnir.
Aðrir þjálfarar koma frá knattspyrnudeild Vestra.

Allar æfingar fara fram á æfingasvæði knattspyrnudeildar Vestra á Torfnesi.

ÁFRAM VESTRI ⚽️

7. flokkur tók þátt í Norðurálsmótinu á Akranesi 19.-21. júní

Wed, 24 Jun 2026 08:29:00 +0000

Dagana 19.-21. júní sl tóku drengir og stúlkur í 7. flokki þátt í hinu árlega Norðurálsmóti á Akranesi. Um er að ræða eitt fjölmennasta mót landsins og sendi Vestri 3 lið( tvö drengja lið og eitt stúlknalið) til keppni að þessu sinni.

Blíðskaparveður var á Akranesi og eyðileggði það sannarlega ekki upplifun keppenda af mótinu. Vestra krakkarnir stóðu sig frábærlega og gáfu hinum liðinum ekkert eftir í tilþrifum og leikgleði

6. flokkur stúlkna komnar heim af Króksmóti

Tue, 23 Jun 2026 08:12:00 +0000

6. flokkur stúlkna hjá knattspyrnudeild Vestra(9-10 ára) tók þátt í hinu árlega Króksmóti um sl helgi. Eins og nafnið á mótinu gefur til kynna fór mótið fram á Sauðárkróki.

Leikið var laugardag og sunnudag í veðri sem bauð upp á ýmislegt. Sól, rigningu og allt þar á milli :). Okkar stúlkur stóðu sig frábærlega enda mjög áhugsamar og verður spennandi að fylgjast með þeim í framtíðinni.

ÁFRAM VESTRI ⚽️

Vestra liðin um helgina.

Fri, 19 Jun 2026 09:39:00 +0000

Það verður nóg um að vera hjá yngri flokkum knattspyrnudeildar Vestra um helgina.

Drengir og stúlkur fædd 2018-2019(7. flokkur) fara á hið árlega Norðurálsmót á Akranesi. Mótið hefst í dag og stendur fram á sunnudag.

Stúlkur fæddar 2016-2017(6.flokkur) taka þátt í árlegu Króksmóti á Sauðárkróki laugardag og sunndag.

4. flokkur drengja leikur tvo leiki í Íslandsmótinu fyrir sunnan. Annarsvegar gegn Uppsveitum á Laugarvatni á morgun laugardag, og hinsvegar gegn Fjölni í Grafarvogi á sunnudaginn.

3 og 4.flokkur stúlkna leikur á heimavelli í Íslandsmótinu og morgun laugardag. Stúlkurnar taka á móti Víking Reykjavík og fer leikurinn fram kl. 16.00 á Kerecisvellinum.

Á morgun laugardag leika svo 2. flokks leikmenn Vestra með Harðarmönnum gegn liði Afríku í 5. deild karla. Leikurinn fer fram á heimavelli Þróttar í Reykjavík og hefst kl. 13.00.

Við minnum svo á heimaleiki meistaraflokka Vestra á Kerecisvellinum um helgina. Meistaraflokkur kvenna tekur á móti KFR kl. 14.00 á morgun laugardag í 2. deild kvenna, og meistaraflokkur karla tekur á móti Aftureldingu kl. 14.00 á sunnudaginn í Lengjudeild karla.

ÁFRAM VESTRI ⚽️

Frí á æfingum 17. júní og fjölmennum á viðburði meistaraflokka Vestra

Tue, 16 Jun 2026 09:30:00 +0000

Miðvikudaginn 17. júní verður frí á öllum hefðbundnum æfingum hjá yngri flokkum knattspyrnudeildar Vestra.
Við hvetjum alla að fjölmenna á viðburði meistaraflokka Vestra 17. júní.
Meistaraflokkur kvenna heldur sitt árlega kökuhlaðborð á Logni kl. 14.00. Allir að mæta og styrkja stelpurnar í mikilvægri fjáröflun!

Meistaraflokkur karla leikur gríðarlega mikilvægan leik gegn Ægi í Lengjudeild karla kl. 15.00 á Kerecisvellinum. Allir á völlinn og styðjum strákana til sigurs!

ÁFRAM VESTRI ⚽️

5. flokkur stúlkna á TM mótinu í Vestmannaeyjum

Mon, 15 Jun 2026 16:02:00 +0000

5. flokkur stúlkna(U12) tók þátt í TM mótinu í Vestmannaeyjum dagana 10.-13. júní sl. Alls voru 18 leikmenn sem tóku þátt í mótinu fyrir hönd Vestra og stóðu sig frábærlega jafnt innan sem utan vallar. TM mótið(áður Pæjumótið) í Eyjum hefur verið haldið árlega í Vestmannaeyjum frá árinu 1990, og hafa margar af bestu knattspyrnukonum landsins tekið þátt í mótinu á sínum yngri árum.

ÁFRAM VESTRI

Sigurði og Gísla Jóni veitt silfurmerki HSV

Fri, 29 May 2026 11:51:00 +0000

Á ársþingi Héraðssambands Vestfirðinga sem fram fór á Þingeyri í gær, fimmtudaginn 28. maí, var þeim Sigurði Jóni Hreinssyni og Gísla Jóni Hjaltasyni veitt silfurmerki HSV fyrir störf í þágu íþróttahreyfingarinnar á norðanverðum Vestfjörðum. Íþróttafélagið Vestri óskar Sigurði og Gísla Jóni til hamingju með verðskuldaða viðurkenningu.

SIGURÐUR JÓN HREINSSON hefur um árabil verið virkur þátttakandi íþróttastarfi í Ísafjarðarbæ. Hann hefur verið öflugur í störfum sínum fyrir Blakdeild Vestra og þar á undan Blakfélagið Skell. Hann á að baki langa stjórnarsetu í blakinu og hefur verið formaður stóran hluta þess tíma. Sigurður hefur af elju og ósérhlífni sinnt flestum þeim störfum sem starfsemin krefst og sömuleiðis látið að sér kveða á keppnisvellinum. Hann sat um tíma í stjórn Blaksambands Íslands og Héraðssambands Vestfirðinga, þar sem hann gegndi embætti formanns. Sigurður var í undirbúningshópnum sem vann að stofnun íþróttafélagsins Vestra og var kosinn í aðalstjórn félagsins á stofnfundinum 16. janúar 2016. Átti hann þar sæti til ársins 2020 þegar hann tók við formennsku í blakdeildinni að nýju.

Sigurður Jón Hreinsson hefur verið lykilmaður í uppbyggingu Íþróttafélagsins Vestra og unnið mikið og óeigingjarnt starf í þágu félagsins. Að sama skapi er það hverju samfélagi dýrmætt að hafa innan sinna raða einstaklinga sem með sjálfboðastarfi sínu gera íbúum kleift að sækja fjölbreytt og faglegt íþróttastarf í héraði. Sigurður Jón Hreinsson er einn þessara einstaklinga og framlag hans til íþróttamála ómetanlegt og til fyrirmyndar.

GÍSLI JÓN HJALTASON hefur verið virkur þátttakandi íþróttastarfi í Ísafjarðarbæ um árabil. Hann var formaður knattspyrnufélagsins BÍ/Bolungarvík síðustu árin áður en félagið gekk inn í Vestra og sat í undirbúningshópnum sem vann að því að sameina íþróttafélög á svæðinu í eitt stórt fjölgreinafélag sem leiddi til stofnunar Íþróttafélagsins Vestra 16. janúar 2016. Á stofnfundinum var Gísli Jón kosinn í aðalstjórn félagsins þar sem hann hefur gegnt stjórnarstörfum fram á þennan dag. Gísli Jón hefur alla tíð látið sér annt um íþróttastarf á svæðinu og lagt sitt af mörkum til að það fái vaxið og dafnað. Fyrir íþróttahreyfinguna er hann mikilvægur liðsmaður og fyrirmynd í vinnusemi og samfélagslegri ábyrgð.