Knattspyrnudeild Vestra bauð til heimsóknar

Ganga um Olísvöllinn

Stúkan við Olísvöllinn

Vel mætt

Vel mætt

Dren við Olísvöllinn rætt

Vanda Sigurgeirsdóttir tekur hluta úr vinnudeginum í Vallarhúsinu Við Torfnes

1 af 6

Knattspyrnudeild Vestra fékk í dag góða heimsókn á svæðið við Torfnes. Í hópnum voru aðilar frá öllum framboðum í komandi sveitastjórnarkosningum í Ísafjarðarbæ, aðilar úr knattspyrnuhreyfingunni, aðalstjórn Vestra og Vanda Sigurgeirsdóttir formaður KSÍ.

Tilgangur heimsóknarboðsins var að fá allt þetta öfluga fólk í heimsókn á svæðið og ganga með okkur um knattspyrnuvellina og æfingasvæðið og fara yfir sögu og stöðu svæðisins.

Fyrir hönd knattspyrnudeildarinnar þökkum við kærlega fyrir málefnalegt og gott spjall og virkilega góða mætingu. Við þökkum Vöndu einnig kærlega fyrir hennar góðu heimsókn og innlegg til málefnisins.

6.flokkur kvenna tók þátt í Goðamótinu á Akureyri

1 af 4

Stúlkurnar í 6.flokki kvenna gerðu sér ferð á Goðamótið á Akureyri liðna helgi. Þær stóðu sig hrikalega vel á mótinu og er ljóst að framtíðin er björt í kvennaknattspyrnu á Vestfjörðum.

Við sendum eitt lið til leiks að þessu sinni og lék það í keppni C liða. Liðið endaði mótið í 10. sæti.

Frábær árangur hjá stelpunum sem fengu nú að reima á sig takkaskóna í fyrsta skipti í langan tíma eftir vetraræfingar inni á parketinu.

Knattspyrnudeild auglýsir eftir þjálfurum

Knattspyrnudeild Vestra leitar eftir öflugum þjálfurum sem búsettir eru á norðanverðum Vestfjörðum í lið með okkur hjá yngri flokkum félagsins.
Reynsla, þjálfara –eða íþróttafræðimenntun og áhugi á þjálfun barna og unglinga í knattspyrnu er æskileg.

Við horfum fram á spennandi tíma hjá knattspyrnudeildinni og vonumst til að fá til liðs við okkur frábæra þjálfara. Konur jafnt sem karlar eru hvött til að sækja um.

Umsóknir ásamt ferilskrám óskast sentar á Margeir Ingólfsson framkvæmdastjóra knattspyrnudeildar á margeir@vestri.is. Nánari upplýsingar veitir Margeir í síma 6950143.

6.flokkur karla tók þátt í Goðamótinu á Akureyri

1 af 4

Drengirnir í 6.flokki karla gerðu sér ferð á Goðamótið á Akureyri liðna helgi. Þeir stóðu sig með mikilli prýði og voru sjálfum sér og Vestra til sóma.

Við sendum tvö lið til leiks að þessu sinni, sem léku í keppnum C og D liða. Vestri 1 lenti í 3. sæti í keppni C liða og Vestri 2 lenti í 20. sæti í keppni D liða.

Frábær árangur hjá strákunum sem fengu nú að reima á sig takkaskóna í fyrsta skipti í langan tíma eftir vetraræfingar inni á parketinu.

Jóhann Króknes Torfason sæmdur gullmerki KSÍ

Síðast liðinn föstudag var hópur öflugs fólks sæmt ýmist gull eða silfurmerkjum KSÍ. 

Okkar maður Jói Torfa var einn þeirra sem var sæmdur gullmerki KSÍ. Jói hefur verið viðloðandi knattspyrnuna frá unga aldri og hefur lagt sitt að mörkum til íþróttamála hér á svæðinu. Hann var formaður ÍBÍ og BÍ88. Hann hefur setið í ýmsum nefndum er varða uppbyggingu íþróttamannvirkja í Ísafjarðarbæ og gengdi hann formennsku félags við byggingu áhorfendastúku við Olísvöllinn á Torfnesi. 

Jói hefur verið gríðarlega öflugur í þessu starfi og eigum við honum, og ekki síður henni Helgu, mikið að þakka. 

Jói er vel að gullmerkinu kominn og viljum við óska honum til hamingju og í leiðinni þakka honum innilega fyrir sitt framlag til íþróttamála á svæðinu í gegnum árin. 

Aðalfundur knattspyrnudeildar Vestra

Knattspyrnudeild Vestra boðar til aðalfundar þann 16. mars klukkan 20:00.

Gunnar Heiðar Þorvaldsson er nýr þjálfari Vestra

Gunnar í leik með Norrköping

Gunnar Heiðar Þorvaldsson hefur verið ráðinn næsti þjàlfari Vestra.

Guðmundur Páll valinn í æfingahóp U17 karla

Guðmundur Páll Einarsson hefur verið boðaður á æfingar hjá U17 ára landsliði karla dagana 7. – 9. mars. Æfingarnar fara fram í Skessunni.

Við óskum Guðmundi til hamingju með valið!

Nýr yfirþjálfari yngri flokka og framkvæmdarstjóri knattspyrnudeildar

Margeir Ingólfsson hefur verið ráðinn yfirþjálfari barna- og unglingaráðs knattspyrnudeildar Vestra.

Margeir er uppalinn KR-ingur og starfaði þar sem þjálfari yngri flokka í fimm ár. Hann þjálfaði í knattspyrnuskóla Barcelona á Íslandi árið 2018 og tók einnig þátt í að þjálfa úrtakshópa KSÍ fyrir hæfileikamótun sama ár. Margeir er með KSÍ B þjálfaragráðu og er um þessar mundir við það að ljúka BSc námi hjá Manchester Metropolitan University í Community Football Coaching. Margeir kom fyrst til liðs við Vestra vorið 2021 sem þjálfari og féll ljómandi vel í okkar annars frábæra hóp.

Margeir tekur við yfirþjálfun af Jóni Hálfdáni Péturssyni sem hefur starfað hjá félaginu í mörg ár.

Knattspyrnudeildin hefur lengi látið sig dreyma um að hafa framkvæmdastjóra á sínum snærum, einhvern sem þekkir starfið vel, getur tekið á móti foreldrum, þjálfurum, iðkendum og öðrum, leiðbeint og gefið upplýsingar ásamt því að vinna að uppbyggingu félagsins. Sá draumur hefur nú ræst og mun Margeir einnig sinna starfi framkvæmdastjóra knattspyrnudeildar. Margeir hefur aðsetur í Vallarhúsinu og er með opnunartíma þar alla virka daga frá klukkan 10:00 – 14:00 til að byrja með.

Tölvupóstfang hjá Margeiri er margeir@vestri.is og sími: 6950143

Um leið og við bjóðum Margeir velkominn til starfa, þökkum við Jóni Hálfdáni innilega fyrir sín störf síðustu ár.

Fyrir hönd barna- og unglingaráðs knattspyrnudeildar Vestra

Tinna Hrund Hlynsdóttir Hafberg

Formaður

Jón Þór lætur af störfum

Jón Þór Hauksson hefur samið við ÍA um að taka við þjálfun liðsins.