Styrkur til Vestra veitir skattaafslátt
Körfubolti | 19.01.2022
Kæra stuðningsfólk Vestra,
Í tengslum við áhorfendabann í körfubolta var hrundið af stað áheitakeðju meðal stuðningsfólks Vestra. Í því sambandi langar okkur að benda á eftirfarandi:
Körfuknattleikdeild Vestra er skráð á Almannaheillaskrá Skattsins og geta framlög 10.000 krónur og hærri veitt einstaklingum og atvinnurekstraraðilum skattaafslátt.
Þann 1. nóvember síðastliðinn tóku gildi ný lög. Þau fela í sér nýja heimild fyrir einstaklinga til að draga allt að 350 þúsund krónur á ári frá skattskyldum tekjum sínum utan atvinnurekstrar vegna framlaga til almannaheillastarfsemi. Þá er einnig kveðið á um tvöföldun á hlutfalli sem atvinnurekstraraðilar mega draga frá skattskyldum tekjum vegna slíkra framlaga og fer það úr 0,75% í 1,5%.
Þeir sem þegar hafa styrkt deildina í þessu átaki um 10.000 kr. eða meira fara sjálfkrafa á skrá.
Ferlið er einfalt:
- Þú millifærir upphæð að eigin vali á reikning 0556-26-1099 og kennitölu 651093-2449 og sendir tölvupóst með nafni, kennitölu, upphæð og greiðsludegi á gjaldkeri-karfa@vestri.is. Þar með verður framlagið áritað á framtal næsta árs.
- Að almanaksári loknu skilar Körfuknattleiksdeild Vestra upplýsingum um framlagið til Skattsins sem áritar frádrátt á framtal þitt.
Hér að neðan má sjá mynd til enn frekara útskýringar
Kæra Vestrafólk,
Nýtum tækifærið og látum gott af okkur leiða með því að styrkja uppbyggingu körfuboltans á Vestfjörðum.
Áfram Vestri!
Deila