Vestra liðin um helgina.

Það verður nóg um að vera hjá yngri flokkum knattspyrnudeildar Vestra um helgina.

Drengir og stúlkur fædd 2018-2019(7. flokkur) fara á hið árlega Norðurálsmót á Akranesi. Mótið hefst í dag og stendur fram á sunnudag.

Stúlkur fæddar 2016-2017(6.flokkur) taka þátt í árlegu Króksmóti á Sauðárkróki laugardag og sunndag.

4. flokkur drengja leikur tvo leiki í Íslandsmótinu fyrir sunnan. Annarsvegar gegn Uppsveitum á Laugarvatni á morgun laugardag, og hinsvegar gegn Fjölni í Grafarvogi á sunnudaginn.

3 og 4.flokkur stúlkna leikur á heimavelli í Íslandsmótinu og morgun laugardag. Stúlkurnar taka á móti Víking Reykjavík og fer leikurinn fram kl. 16.00 á Kerecisvellinum.

Á morgun laugardag leika svo 2. flokks leikmenn Vestra með Harðarmönnum gegn liði Afríku í 5. deild karla. Leikurinn fer fram á heimavelli Þróttar í Reykjavík og hefst kl. 13.00.

Við minnum svo á heimaleiki meistaraflokka Vestra á Kerecisvellinum um helgina. Meistaraflokkur kvenna tekur á móti KFR kl. 14.00 á morgun laugardag í 2. deild kvenna, og meistaraflokkur karla tekur á móti Aftureldingu kl. 14.00 á sunnudaginn í Lengjudeild karla.

ÁFRAM VESTRI ⚽️

Frí á æfingum 17. júní og fjölmennum á viðburði meistaraflokka Vestra

Miðvikudaginn 17. júní verður frí á öllum hefðbundnum æfingum hjá yngri flokkum knattspyrnudeildar Vestra.
Við hvetjum alla að fjölmenna á viðburði meistaraflokka Vestra 17. júní.
Meistaraflokkur kvenna heldur sitt árlega kökuhlaðborð á Logni kl. 14.00. Allir að mæta og styrkja stelpurnar í mikilvægri fjáröflun!

Meistaraflokkur karla leikur gríðarlega mikilvægan leik gegn Ægi í Lengjudeild karla kl. 15.00 á Kerecisvellinum. Allir á völlinn og styðjum strákana til sigurs!

ÁFRAM VESTRI ⚽️ Nánar

5. flokkur stúlkna á TM mótinu í Vestmannaeyjum

1 af 2

5. flokkur stúlkna(U12) tók þátt í TM mótinu í Vestmannaeyjum dagana 10.-13. júní sl.  Alls voru 18 leikmenn sem tóku þátt í mótinu fyrir hönd Vestra og stóðu sig frábærlega jafnt innan sem utan vallar.  TM mótið(áður Pæjumótið) í Eyjum hefur verið haldið árlega í Vestmannaeyjum frá árinu 1990, og hafa margar af bestu knattspyrnukonum landsins tekið þátt í mótinu á sínum yngri árum.

ÁFRAM VESTRI

Aðalfundur knattspyrnudeildar Vestra

Aðalfundur knattspyrnudeildar Vestra fer fram á mánudagskvöldið 30.mars kl. 19:30. Fundurinn verður haldinn á efri hæð í vallarhúsinu við Kerecisvöllinn.

Farið verður yfir ársreikning félagsins og kosið í stjórnir.

Allt Vestra fólk hvatt til að mæta.

Vetraráætlun 2025-26

Æfingaáætlun fyrir veturinn 2025-26 er komin í Sportabler.

Allar æfingar fara enn um sinn fram á gervigrasvellinum á Torfnesi.

Styrktaræfingar fyrir 2.-4. flokk hefjast í október.

Æfingatímar 5.-8. flokks eru á þeim tímum sem okkur hefur verið úthlutað í íþróttahúsunum og færast því inn í íþróttahúsin þegar þar að kemur í haust/vetur og munu þá fara fram bæði á Ísafirði og Bolungarvík.

ÁFRAM VESTRI

Rey Cup og Króksmót

Dagana 23.-27. júlí sl fór fram í Reykjavík hið árlega knattspyrnumót Rey Cup.

Mótið hefur verið haldið síðan árið 2002 af Þrótti Reykjavík og samanstendur af bæði innlendum og erlendum liðum í 3.-4. flokki drengja og stúlkna.

Vestri sendi fjögur lið til keppni þ.e. eitt lið í hverjum aldursflokki. 

Um sl helgi fór svo fram á Sauðárkróki hið árlega Króksmót fyrir drengi í 6.-7. flokki.

Alls voru 5 lið frá Vestra sem tóku þátt í mótinu :)

Það er búið að vera mikið af mótum og leikjum þetta sumarið sem fyrr.  Tímabilið er aldeilis ekki búið og nóg eftir af leikjum í flestum flokkum.

ÁFRAM VESTRI

Æfingafrí 23. júlí - 05. ágúst

Æfingafrí verður í 3.-8. flokki frá 23. júlí til 05. ágúst nk.

Síðasti æfingadagur fyrir frí er þriðjudagurinn 22. júlí og fyrsti æfingadagurinn eftir frí miðvikudagurinn 06. ágúst.

ÁFRAM VESTRI

6.-7. flokkur stúlkna á Símamótinu

Vestri Ásthildur Elma

Á þriðja tug Vestra stúlkna í 6.-7. flokki tóku þátt í Símamótinu í Kópavogi dagana 10.-13. júlí sl.

Símamótið var fyrst haldið árið 1985 og var þetta því 41. mótið í röðinni.

Um er að ræða stærsta knattspyrnumótið á landinu og fara allir leikir í mótinu fram á félagssvæði Breiðabliks.

Í 6. flokki sem eru stúlkur fæddar 2015 og 2016 voru þrjú lið og í 7. flokki, sem eru stúlkur fæddar 2017-2018 eitt lið.

Eins og venja er á mótum sem þessum þá bera Vestra liðin nöfn leikmanna í meistaraflokkum karla og kvenna.

Að þessu sinni hétu liðin Vestri Agnes Þóra, Vestri Elín Ólöf, Vestri Una Proppe í 6. flokki og Vestri Ásthildur Elma í 7. flokki.

Stúlkurnar stóðu sig frábærlega enda hafa þær verið duglegar að æfa síðustu misserin. Vestri Una Proppe og Vestri Ásthildur Elma sigruðu í sínum flokkum og fengu að launum veglegan bikar og verðlaunapeninga.

ÁFRAM VESTRI

6. flokkur drengja á Orkumótinu.

Dagana 26.-28. júní fór fram Orkumótið í Vestmannayejum.

Mótið sem m.a. áður hét Pollamótið siglir nú inn í sinn fimmta áratug og er fyrir drengí 6. flokki.

Tæplega 30 drengir frá Vestra tóku þátt í mótinu og stóðu þeir sig allir vel bæði innan sem utan vallar svo eftir var tekið.  Höfðu foreldrar annarra liða það sérstaklega á orði hvað hegðun og hugarfar Vestra drengjanna hafi verið til fyrirmyndar.

Þrjú lið frá Vestra tóku þátt. Í öllum félagsmótum 12 ára og yngri bera Vestra liðin nöfn leikmanna meistaraflokka karla og kvenna.

Að þessu sinni hétu liðin Vestri Elmar Atli, Vestri Daði Berg, Vestri Gunnar Jónas.

Vestri Elmar Atli sigraði í sínum flokki og fékk að launum ,,Heimaeyjabikarinn".

Liðið sigraði Tindastól 3-1 í úrslitaleik hvar okkar drengir lentu undir 0-1 en komu til baka og sigruðu með glæsibrag dyggilega stuttir af félögum sínum í Vestra Daða Berg og Vestra Gunnari Jónasi.

Fagnaði svo allur hópurinn saman í leikslok enda mikil samheldni og íþróttaandi hjá öllum iðkendum knattspyrnudeildar Vestra.

ÁFRAM VESTRI 

7. flokkur drengja á Norðurálsmótinu.

1 af 4

7. flokkur drengja tók þátt í Norðurálsmótinu á Akranesi sem fram fór dagana 20.-22. júní nk.

Norðurálsmótið hefur til fjölda ára verið eitt fjölmennasta mót ársins og eru jafnan um 2000 iðkendur sem taka þátt.

Okkar drengir mættu með tvö lið á mótið og stóðu þeir sig virkilega vel og voru félaginu sínu til sóma bæði innan sem utan vallar.

ÁFRAM VESTRI