Fréttir - Vestri

Covid 19 - Breyting á takmörkun á samkomum og nálægðartakmörkun

Vestri | 31.07.2020

UMFÍ og ÍSÍ hafa í samráði við Almannavarnir gefið út ný tilmæli til íþróttafélaga um takmörkun á íþróttastarfi, samkomum og viðburðum vegna Covid sem gilda til 13. ágúst næstkomandi. Markmið breytinganna sem nú taka gildi er að hægja eins og unnt er á útbreiðslu COVID-19 sjúkdómsins, sem því miður er nú aftur í vexti hér á landi.

Breytingarnar fela meðal annars í sér að fjöldasamkomur, þar sem fleiri en 100 einstaklingar koma saman, eru óheimilar á gildistíma auglýsingarinnar. Gilda reglurnar jafnt um opinber rými sem og einkarými og eru íþróttaviðburðir þar með taldir. Ákvæðið um fjöldatakmörkun (3. grein) tekur þó ekki til barna sem eru fædd árið 2005 og síðar.

Skylt er að hafa a.m.k. 2 metra á milli einstaklinga sem ekki deila heimili á samkomum, öllum vinnustöðum og í allri annarri starfsemi. Ákvæði um nálægðartakmörkun (4. grein) tekur þó ekki til barna sem eru fædd árið 2005 og síðar. 

Í auglýsingunni kemur einnig fram að í starfsemi þar sem notaður er sameiginlegur búnaður, s.s. í íþróttastarfi, starfsemi líkamsræktarstöðva, spilasala og spilakassa skal búnaður sótthreinsaður milli notenda. 

ÍSÍ óskaði eftir nánari útlistun frá sóttvarnarlækni varðandi íþróttastarfsemi fullorðinna og fékk til baka tilmæli um eftirfarandi:

1.     Að gert verði hlé á æfingum og keppni í íþróttum með snertingu til 13. ágúst næstkomandi eða þar til núgildandi auglýsing um takmarkanir á samkomum fellur úr gildi. 

2.     Að æfingar og keppni í íþróttum án snertingar haldi áfram eftir því sem hægt er, að virtum reglum um fjöldatakmarkanir og nálægðarmörk skv. auglýsingu heilbrigðisráðherra.

3.     Að sameiginlegur búnaður verði sótthreinsaður milli notkunar/notenda.

ÍSÍ hvetur íþróttahreyfinguna til að fara að fyrirmælum heilbrigðisyfirvalda og að viðhafa allar nauðsynlegar sóttvarnir.

Verum ábyrg!

Nánar

Guðfinna nýr formaður Vestra

Vestri | 09.06.2020
Stjórn Vestra 2019-2020. Frá vinstri: Sólrún Geirsdóttir, Jóna Lind Kristjánsdóttir, Sigurður Hreinsson, Hjalti Karlsson, Guðni Guðnason, Guðfinna Hreiðarsdóttir, Þorsteinn Þráinsson og Jónas Gunnlaugsson.
Stjórn Vestra 2019-2020. Frá vinstri: Sólrún Geirsdóttir, Jóna Lind Kristjánsdóttir, Sigurður Hreinsson, Hjalti Karlsson, Guðni Guðnason, Guðfinna Hreiðarsdóttir, Þorsteinn Þráinsson og Jónas Gunnlaugsson.
1 af 2

Aðalfundur Vestra var haldinn í Vallarhúsinu á Torfnesi fimmtudaginn 4. júní sl. Á dagskrá voru hefðbundin aðalfundarstörf samkvæmt lögum félagsins. Fundurinn hófst með ávarpi formanns, Hjalta Karlssonar, sem flutti skýrslu félagsins fyrir árið 2019. Fór hann yfir helstu verkefni aðalstjórnar á árinu og gerði stuttlega grein fyrir starfsemi deildanna, sem er gróskumikil að sunddeildinni undanskilinni. 

Nánar

Við viljum þig í lið með okkur!

Vestri | 08.06.2020

Íþróttafélagið Vestri er nú á fimmta ári en það var stofnað 16. janúar 2016. Innan félagsins eru fimm deildir: Blak-, knattspyrnu-, körfuknattleik-, sund- og hjólreiðadeild. Starfið er blómlegt og vel hefur gengið að þjappa fólki saman á bak við nýtt félag, merki og búning. Félagsmenn eru bjartsýnir og trúa því að Vestri eigi framtíðina fyrir sér.

Nánar

Harðverjar og Vestrapúkar – verðugir andstæðingar

Vestri | 04.06.2020

Sú frétt flýgur nú fjöllum hærra að knattspyrnulið Vestra og Harðar á Ísafirði muni mætast í meistaraflokki í Bikarkeppni KSÍ nú á helginni. Slíkan stórviðburð hefur ekki borið við í bæjarlífinu í margar áratugi. Sennilega ekki frá árinu 1979.

Nánar

Aðalfundur Vestra 4. júní 2020

Vestri | 28.05.2020

Aðalfundur íþróttafélagsins Vestra 2020 verður haldinn fimmtudaginn 4. júní nk. Fundurinn fer fram í Vallarhúsinu á Torfnesi og hefst kl. 20:00.

Nánar

Allt íþróttastarf fellur niður

Vestri | 22.03.2020

Heilbrigðisráðuneyti og Mennta- og menningarmálaráðuneyti hafa sent frá sér tilkynningu þess efnis að hlé verði gert á öllu Íþrótta- og æskulýðsstarfi barna og ungmenna sem felur í sér blöndun hópa, nálægð við aðra og snertingu, þar til takmörkun skólastarfs lýkur.

Nánar

Hlé á íþróttastarfi HSV

Vestri | 17.03.2020

HSV hefur tilkynnt að hlé verði gert á öllum æfingum leik-og grunnskólabarna til 23. mars nk. Þetta gildir fyrir öll félög innan HSV. Þetta er gert skv. tilmælum frá ÍSÍ og UMFÍ í þeim tilgangi að til að hefta útbreiðslu COVID-19. 

Nánar

Mateusz Klóska íþróttamaður Ísafjarðarbæjar 2019

Vestri | 13.01.2020
Mateusz Klóska íþróttamaður Ísafjarðarbæjar 2019.
Mateusz Klóska íþróttamaður Ísafjarðarbæjar 2019.
1 af 4

Útnefning á íþróttamanni Ísafjarðarbæjar árið 2019 fór fram sunnudaginn 29. janúar í Stjórnsýsluhúsinu á Ísafirði. Einnig var efnilegasti íþróttamaður Ísafjarðarbæjar 2019 útnefndur ásamt því að veittar voru viðurkenningar til þeirra iðkenda aðildarfélaga HSV sem hafa verið valdir til keppni fyrir Íslands hönd á vegum sinna sérsambanda á árinu 2019. Þá var veitt sérstök viðurkenning vegna framlags til lýðheilsumála.

Nánar

TILNEFNINGAR VESTRA TIL ÍÞRÓTTAMANNS ÁRSINS

Vestri | 20.12.2019

Deildir Vestra hafa nú tilnefnt íþróttamenn sína til útnefningar Ísafjarðarbæjar á íþróttamanni ársins 2019. Þetta eru íþróttamenn sem hafa þótt skara fram úr í sinni íþrótt en einnig er horft til framtíðar og því ávallt tilnefndir þeir íþróttamenn sem þykja efnilegastir hverju sinni. Ekki er einungis horft til hæfileika einstaklinga heldur einnig tekið tillit til ástundunar, metnaðar og félagslegra þátta. Hópur tilnefndra er glæsilegur og eru þeir verðugir fulltrúar félagsins í vali þessu. Útnefning Ísafjarðarbæjar á íþróttamanni ársins 2019 mun fara fram við hátíðlega athöfn 29. janúar 2020 kl. 16.00.

Eftirtaldir íþróttamenn Vestra eru tilnefndir:

Blak: Mateusz Klóska

Hjólreiðar: Heiða Jónsdóttir

Knattspyrna: Zoran Plazonic

Körfuknattleikur: Hugi Hallgrímsson

 

Efnilegust innan vébanda Vestra þykja:

Blak: Kári Eydal

Hjólreiðar: Embla Kleópatra Atladóttir

Knattspyrna: Þórður Gunnar Hafþórsson

Körfuknattleikur: Gréta Proppé Hjaltadóttir

Nánar

AÐALFUNDUR VESTRA 30. APRÍL 2019

Vestri | 29.04.2019

Aðalfundur íþróttafélagsins Vestra 2019 verður haldinn á morgun, þriðjudaginn 30. apríl. Fundurinn fer fram á Hótel Ísafirði og hefst kl. 20:00. Á dagskrá eru hefðbundin aðalfundarstörf, lagabreytingar og önnur mál. Félagsmenn og aðrir sem koma að starfi félagsins eru hvattir til að mæta á fundinn.

Stjórn íþróttafélagins Vestra

Nánar