Ágæti félagsmaður.
Nú er komið að lokakafla í vinnunni við sameiningu íþróttafélaga á Ísafirði.
Þér er hér með boðið á stofnfund íþróttafélagsins Vestra, nýs sameinaðs íþróttafélags á norðanverðum Vestfjörðum. Fundurinn mun fara fram laugardaginn 16. janúar 2016 kl. 16.00 á fjórðu hæð Stjórnsýsluhúss Ísafjarðarbæjar.
Að baki stofnunar Vestra eru fimm íþróttafélög sem stefna að sameiningu undir merkjum hins nýja félags; Boltafélag Ísafjarðar (BÍ88), Körfuknattleiksfélag Ísafjarðar (KFÍ), Blakfélagið Skellur, Sundfélagið Vestri og knattspyrnudeild UMFB í Bolungarvík.
Dagskrá fundar;
1. Fundarstjóri kjörinn
2. Stofnun félags
3. Samþykktir/lög félags
4. Kosning stjórnar og skoðunarmanna
5. Önnur mál
Að lokinni hefðbundinni dagskrá verður boðið upp á kaffi og léttar veitingar.