Hampiðjumenn bæta við forskotið

Getraunir | 13.10.2021

Hampiðjumenn náðu 12 réttum í viku þrjú á meðan þeirra helstu keppinautar náðu ekki nema 11 réttum.  12 réttir skiluðu þeim Hampiðjumönnum kr. 8.300 í vinning.

Þetta þýðir að þeir sitja á toppnum með tveggja stiga forskot á Skúrinn og HG.  Einu stigi þar á eftir sitja efstu menn í einstaklingsflokki, þeir Villi Matt og Guðni en hann náði einmitt 12 réttum líkt og Hampiðjan, annars má sjá stöðuna í leiknum og árangur allra  hér 

Stóri seðillinn náði einnig 12 réttum.  Að þessu sinni hélt kerfið en vorum með  Ungverjaland-Albanía rangan, 12 réttir skiluðu ekki nema kr. 5.860 í vinning, gengur betur næst.  

Næsti seðill snúinn venju samkvæmt, einir 8 leikir úr efstu deild og 5 úr þeirri næstu, seðilinn má finna hér. 

Nefndin verður á sínum stað í Skúrnum á laugardaginn frá 11 - 12.30 að taka við röðum. 

Minnum keppendur að skila röðum inn tímanlega til að auðvelda vinnuna.  Enn er opið fyrir ný framlög í stóra pottinn, dragið endilega fleiri inn, ágætis vinningslíkur auk þess sem stór hluti af andvirði seldra raða rennur beint til Vestra

Enski boltinn verður í beinni hjá Dóra, sjá hér á síðu Símans hvað verður í boði.

Deila