Fréttir

1. deild karla: Skástrikið lagði botnliðið örugglega

Knattspyrna | 20.07.2013

BÍ/Bolungarvík 4 - 1 Völsungur 
1-0 Max Touloute ('3) 
2-0 Ben J. Everson ('24) 
3-0 Max Touloute ('26) 
3-1 Hafþór Már Aðalgeirsson ('45) 
4-1 Ben J. Everson ('79) 
Rautt spjald: Halldór Fannar Júlíusson, Völsungur ('63) 

Ben Everson og Max Touloute skoruðu öll mörk BÍ/Bolgunarvíkur er Vestfirðingar lögðu botnlið Húsvíkinga örugglega á Ísafirði. 

Touloute skoraði fyrsta mark leiksins á þriðju mínútu og bætti Everson öðru marki við á 24. mínútu. Tveimur mínútum síðar skoraði Touloute sitt annað mark en gestunum tókst að minnka muninn rétt fyrir leikhlé. 

Í síðari hálfleik fékk Halldór Fannar Júlíusson, leikmaður gestanna, að fjúka af velli en heimamenn bættu þó aðeins einu marki við í leikinn þegar Everson skoraði lokamark leiksins á 79. mínútu. 

Skástrikið er fjórum stigum frá toppliði Víkings, rétt eins og Haukar og Fjölnir.

Frétt frá Fótbolta.net

 

Deila