Fréttir

Nicolaj Madsen og Casper Gandrup til liðs við Vestra

Knattspyrna | 11.02.2021
Nicolaj Madsen
Nicolaj Madsen
1 af 2

Það gleður okkur að tilkynna um komu tveggja nýrra leikmanna til Vestra.

Þetta eru þeir Nicolaj Madsen og Casper Gandrup.

Nicolaj, sem kemur til okkar frá þýska liðinu Unterhaching, er 32 ára sóknarsinnaður miðjumaður frá Danmörku, sem er 188cm á hæð. Ásamt því að geta spilað á miðjunni getur hann leyst stöðu hægri kantmanns.

Nicolaj á yfir 100 leiki í efstu deild í Danmörku og því um mjög öflugan leikmann að ræða, sem mun styrkja okkur mikið á miðsvæðinu.

Casper Gandrup kemur til okkar frá Viborg, sem spila í 2. deildinni í Danmörku, en hann er 21. árs vinstri kantmaður sem getur líka komið inn á miðjuna. Casper á 2 leiki fyrir sterkt u19 lið Danmerkur og því klárlega um efnilegan og flottan strák að ræða.

Við óskum þeim báðum innilega til hamingju með að vera búnir að skrifa undir hjá Vestra og hlökkum til að sjá þá leika listir sínir á Olísvellinum.