Fréttir

Frábær ferð til Patreksfjarðar í alla staði

Körfubolti | 04.09.2011
Jón að stjórna teygjum
Jón að stjórna teygjum
1 af 3

Það er óhætt að segja að Patreksfjarðarferðin hafi tekist vel.  Tíminn vel nýttur í æfingar.  Strákarnir kynnast betur og liðsandinn styrktur.

 

Samtals voru þetta 5 æfingar um helgina.  Pétur Már, Jón Odds og Marta Ernst púluðu drengjunum út.   Pétur sá um körfuboltaþáttinn en eðalhjónin Marta og Jón sáu um yoga og styrktarþáttinn.

 

Öll aðstaðan á Patreksfirði var til algerrar fyrirmyndar.  Starfsfólk Íþróttahússins boðið og búið að aðstoða og sitja örlítið lengur á meðan piltarnir fóru í pottinn.  Þökkum við starfsfólki hússins, Aroni Harðarmanni sem og bæjaryfrivöldum kærlega fyrir aðstoð, hjálp og aðstöðu.

 

Hópurinn gisti á gistiheimilinu Stekkaból og þökkum við frábæra þjónustu og aðbúnað þar.

 

Hópurinn var í fæði hjá Heimskautabangsanum, Víkingi Traustasyni en hann rekur veitingastaðinn Matmanninn á Patreksfirði.  Það er skemmst frá því að segja að matur var frábær og var vel borðað enda veitti ekki af orkunni í átökin.  Þökkum við starfsfólki Matmannsins í veitingarstaðnum Þorpinu kærlega fyrir okkur.