Fréttir

Tap gegn Haukum

Körfubolti | 23.10.2010
Stefanía spilaði vel
Stefanía spilaði vel
Ísfirðingar byrjuðu leikinn af krafti og höfðu yfirhöndina í 1. fjórðungi en gáfu aðeins eftir í restina, staðan í lok fjórðungs 11-13 fyrir Hauka.  Bæði lið bættu í vörnina í 2. fjórðungi og KFÍ ávallt skrefinu framar, staðan í hálfleik 19-17 fyrir KFÍ. 

Barningurinn hélt áfram í 3. leikhluta, bæði lið börðust vel en gestirnir að ná betri tökum á leiknum og þá sérstaklega varnarlega.  Sóknarleikur KFÍ varð sífellt vandræðalegri eftir því sem á leikinn leið.  Staðan eftir 3. fjórðung 30-31 fyrir gestina.  Í lokafjórðungnum var síðan eitt lið á vellinum því Haukastelpur bættu enn í vörnina  og tóku að stela boltum af bakvörðum KFÍ og komast inn í sendingar í gríð og erg.  Bensín virtist búið á tankinum hjá KFÍ og lauk leiknum með 15 stiga sigri Hauka, 39-54 eins og áður sagði. 

KFÍ liðið barðist vel í leiknum en Haukastelpur reyndust sterkari.  KFÍ saknaði sárlega Sirrý Guðjóns sem sat ökklabrotin í gifsi fyrir aftan bekkinn.

Annars skiptust stigin svona:

Stefanía 17, 8-5 í vítum
Hafdís 8, 4-4 í vítum
Lindsey 8
Marelle 2
Sólveig 2, 3-2 í vítum
Vera 2