Vestri mætir toppliði Þórs
Körfubolti | 24.01.2019
Vestri mætir Þór frá Akureyri á Jakanum kl. 19:15 á föstudag.
Á morgun, föstudaginn 25. janúar, mætir Vestri liði Þórs frá Akureyri í 1. deild karla hér heima á Jakanum. Leikurinn hefst kl. 19:40.
Þórsarar verma efsta sæti deildarinnar og hafa aðeins tapað einum leik í vetur en Vestramenn sem sitja í 5. sæti eru staðráðnir í að stöðva sigurgöngu Þórsara á Jakanum.
Nú þurfa strákarnir á stuðningi áhorfenda að halda! Við hvetjum alla til að mæta á Jakann.
Leikurinn verður sýndur í beinni útsendingu á Jakinn-TV að vanda.
Því miður verða grillmeistarar Körfuknattleiksdeildar Vestra í fríi að þessu sinni en sjoppa Barna- og unglingaráðs verður á sínum stað með góðgæti.
Áfram Vestri!
Deila