Fréttir

Hampiðjan með fjögurra stiga forystu þegar fjórar vikur eru eftir

Getraunir | 30.11.2021

Hampiðjumenn virðast vera að stinga af með bikarinn í haustleiknum, komnir með fjögurra stiga forystu þegar fjórar vikur eru eftir.

Árangur vestfirskra tippara var ekki góður liðna helgi.  Hampiðjumenn voru einir með 10 rétta og Skúrverjar ásamt hinum getspaka Magnúsi Bjarna náðu 9 réttum.  10 réttir skiluðu Hampiðjumönnum kr. 4.000 í vinning.  HG menn náðu svo ekki nema 8 réttum.

Þetta þýðir að Hampiðjumenn eru komnir með fjögurra stiga forystu á toppnum á HG og Team Skúrinn.  Búið er að draga eina viku frá, munið að tvær verstu verða dregnar frá þegar upp verður staðið.

Villi Matt stendur sig enn best í einstaklingskeppninni, kominn með fjögurra stiga forystu á næsta mann.

Annars má sjá stöðuna í leiknum og árangur keppenda   hér 

Stóri pottur náði ekki nema 7  réttum sem er óvenju slæmt fyrir svo stóran seðil, þurfti 10 rétta til að ná í vinning.  Tilraunin með Hampiðjuna sem stórapottstippara virkaði sem sagt ekki alveg, stóðu sig mun betur með mun minni seðil í getraunaleiknum sjálfum.

Næsti seðill snúinn venju samkvæmt, fjórir leikir úr efstu deild, níu úr þeirri næstu, seðilinn má finna hér. 

Nefndin verður á sínum stað í Skúrnum á laugardaginn frá 12 - 13.30 að taka við röðum.  

Minnum keppendur að skila röðum inn tímanlega til að auðvelda vinnuna.  Enn er opið fyrir ný framlög í stóra pottinn, dragið endilega fleiri inn, ágætis vinningslíkur auk þess sem stór hluti af andvirði seldra raða rennur beint til Vestra

Enski boltinn verður í beinni hjá Dóra, sjá hér á síðu Símans hvað verður í boði.

 

Deila