Fréttir

Óvænt úrslit - Sævar og Gísli Jón stóðu sig best

Getraunir | 02.12.2020

Síðasta helgi var snúin fyrir vestfirska tippara.  Nokkrir öryggir leikir klikka og einungis tveir með 11 rétta, keppendur sem við erum ekki vön að sjá á toppnum.  Sævar í bankanum og Gísli Jón með 11 rétta, Sævar þó með fleiri 10 og náði kr. 22.740 í vinningsfé, Gísli fékk kr. 13.470.

Á toppnum náðu Skúrverjar og HG menn 10 réttum á meðan Hampiðjan náði ekki nema 9 réttum.

Þetta þýðir að Skúrverjar sitja einir á toppnum en Hampiðjumenn einu stigi á eftir.  Nú fer að styttast í haustleiknum og ekki nema 4 vikur eftir.  Reglur leiksins eru þannig að 2 verstu vikurnar telja ekki þannig að heilmikið getur enn gerst.

Annars má sjá árangur keppenda og stöðuna í leiknum hér 

Stóri pottur náði einnig 11  réttum sem skilaði kr. 24.840  vinning.  Náðum fyrir 1/3 af kostnaði ca, getum ekki alltaf unnið.  Vorum reyndar bara með einn leik rangan en kerfið hélt því miður ekki.

Næsti seðill er snúinn venju samkvæmt,  3 leikir úr efstu deild og 10 leikir  úr B deildinni.  Næsta seðil má finna hér.

Nefndin verður á sínum stað í skúrnum á laugardaginn frá 12 - 13.30 að taka við röðum. 

Minnum keppendur að skila röðum inn tímanlega til að auðvelda vinnuna.  Enn er opið fyrir ný framlög í stóra pottinn, dragið endilega fleiri inn, ágætis vinningslíkur auk þess sem stór hluti af andvirði seldra raða rennur beint til Vestra.

Þessir leikir verða í beinni hjá Dóra:

 

12:30  Burnley  - Everton  

15:00  Manchester City  -  Fulham

17:30  West Ham  -  Manchester United

20:00   Chelsea  -  Leeds