Fréttir

Team Skúrinn eykur forystuna á toppnum

Getraunir | 11.02.2021

Fremur slakur árangur hjá tippurum um liðna helgi.  Sammi var einn með 11 rétta og Hákon einn með 10 rétta.  Báir spila þeir fyrir Skúrinn þannig að Skúrinn bætir við forystuna.  Fyrir 11 rétta fékk Sammi kr. 15.000 í vinning.

Þetta þýðir að Skúrverjar auka við forystuna á toppnum um tvö stigu, eru nú með þriggja stiga forystu á næsta lið sem er team HG, Hampiðjumenn koma svo þremur stigum þar á eftir.

Annars má sjá árangur keppenda og stöðuna í leiknum hér  Vorleikur er 17 vikna leikur, 14 bestu telja.

Stóri pottur náði ekki nema 9 réttum sem skilaði akkúrat engu.  Sérfræðingar okkar áttu slæman dag, spurning um að leita ráða hjá Samma.

Næsti seðill er erfiður venju samkvæmt, 3 leikir úr efstu deild, 9 úr B deildinni og einn úr C deildinni  Næsta seðil má finna hér.

Nefndin verður á sínum stað í Skúrnum á laugardaginn frá 12 - 13.30 að taka við röðum. 

Minnum keppendur að skila röðum inn tímanlega til að auðvelda vinnuna.  Enn er opið fyrir ný framlög í stóra pottinn, dragið endilega fleiri inn, ágætis vinningslíkur auk þess sem stór hluti af andvirði seldra raða rennur beint til Vestra.

Enski boltinn verður í beinni hjá Dóra, sjá hér á síðu Símans hvað verður í boði

Deila