Vestri mætir Selfossi í kvöld
Körfubolti | 17.02.2020
Vestri tekur á móti Selfossi í 1. deild karla mánudaginn 17. febrúar. Mikilvægur leikur í baráttunni um sæti í úrslitakeppninni. Selfyssingar sitja í sjötta sæti deildarinnar fjórum stigum á eftir Vestra sem er í fimmta sæti. Taflan gefur þó ekki rétta mynd af stöðunni því Vestri á til góða frestaða leiki frá því fyrr í vetur. Liðið hefur leikið 15 leiki á meðan flest önnur lið hafa leikið 18 eða 19 leiki.
Leikurinn hefst kl. 19:15 og grillið verður orðið heitt upp úr 18:30 með ljúffengum Vestraborgurum.
Efirleikur á Edinborg Bistro á sínum stað strax að leik loknum og eru allir stuðningsmenn liðsins velkomnir þangað.
Styðjum strákana til sigur! Allir á Jakann!
Áfram Vestri!