Yngvi Páll Gunnlaugsson og lærisveinar hans verða í eldlínunni föstudaginn 6. október þegar liðið tekur á móti Snæfelli.

Þá er loksins komið að því! Íslandsmótið í körfuknattleik er um það bil að hefjast. Vestri tekur á móti Snæfelli í fyrstu umferð hér heima á Jakanum föstudaginn 6. október kl. 19:15. Frítt verður inn á leikinn og hvetjum við Ísfirðinga og nærsveitarmenn til að fjölmenna og leggja sitt á vogarskálarnar þannig að strákarnir fái fljúgandi start inn í tímabilið.

Árskort á alla heimaleiki liðsins á Íslandsmótinu verða til sölu á leiknum og vonumst við til að sem flestir stuðningsmenn tryggi sér kort. Kortunum fylgir einnig kaffi á leikjum. Að vanda verður að sjálfsögðu einnig boðið upp á ljúffenga grillaða hamborgara fyrir leik á litlar 1.000 kr.

Allir á Jakann! Áfram Vestri!

Vestri tekur á móti nýliðum Gnúpverja föstudaginn 13. október.

Vestri tekur á móti Gnúpverjum í þriðja leik sínum í 1. deild karla í körfubolta. Leikurinn hefst klukkan 18.

Árskortin verða til sölu á leiknum á hagstæðum kjörum.

Strax að þessum leik loknum mætast B-lið Vestra og KR í 32 liða úrslitum Maltbikarsins, áætlað er að sá leikur hefjist um kl. 20.

Áfram Vestri!

Vestri tekur á móti Fjölni í 1.deild karla á Jakanum föstudaginn 27. október. Strákarnir eru enn ósigraðir á heimavelli og ætla að halda uppteknum hætti með stuðningi frá áhorfendum.

Leikurinn hefst að vanda kl. 19:15. Aðeins 1.000 kr. aðgangseyrir.

Hvetjum alla til að mæta á Jakann. Áfram Vestri!