Drengjaflokkur í átta liða úrslit eftir sigur á ÍR

Körfubolti | 09.01.2011 Strákarnir í drengjaflokk spiluðu gegn ÍR í bikarkeppni KKÍ í dag og fóru með sigur af hólmi og eru þar með komnir í átta liða úrslit. Þetta er glæsilegt hjá þeim og annan daginn í röð er það liðsheildin sem skóp þennan sigur. Lokatölur 71-61.

Það voru syfjaðir drengir beggja liða sem mættu á Jakann í morgun, enda óvanir að vakna fyrr en þegar langt er liðið á sunnudaga og er það skiljanlegt Þar sem tekið er fram að samkvæmt allri venju er hvíldardagur fyrirskipaður þessa vikudaga. En bæði lið voru fljót að hlaupa það úr sér og eftir nokkuð jafnan  fyrsta leikhluta voru KFÍ drengirnir með fimm stiga forskot og staðan 19-15. Nánar

Marko Milicevic til KFÍ

Körfubolti | 08.01.2011

KFÍ hefur samið við Marko Milicevic en hann kom til landsins á miðvikudagsnóttina og var boðinn velkominn með ferð í vitlausu veðri til Sauðárkróks í blindbyl og sá hann ekkert af landinu nema Staðarskála í smá stund og svo beint í leik gegn Tindastól þar sem hann sýndi fína takta svone rétt ný kominn var með 13 stig og 8 fráköst  og mun klárlega hjálpa okkur. Marko lék síðast með Triglav í Slóveníu en hefur m.a. komið við hjá Livorno í Serie A á Ítalíu.

 

 Á karfan.is sagði kappinn við Jón Björn snilling; ,,Ég vonast til að geta fært KFÍ það sem þarf til að gera breytingar á stöðu liðsins í deildinni, ég hef verið í þessari stöðu og í Slóveníu lék ég m.a. hjá klúbbi sem var 6-0 þegar ég kom en við náðum okkur í 6-6 og það væri gaman að endurtaka þann leik nú með KFÍ,”

 

KFÍ býður Marko velkominn til Vestfjarða.

 

Hér má sjá myndbrot úr leikjum hjá Marko

Nánar

Frábær sigur hjá drengjaflokk gegn ÍR

Körfubolti | 08.01.2011 Strákarnir í drengjaflokk tóku á móti ÍR á jakanum í dag og unnu sanngjarnan sigur. Lokatölur 62-42. Sést á tölunum að varnarleikur okkar stráka skóp þennan sigur, sem og liðsheild og geta meistaraflokksmenn KFÍ tekið þá sér til fyrirmyndar í dag.

Leikurinn byrjaði fjörlega og var Sævar Vignisson fyrstur okkar stráka til að smella stigum á töfluna með góðum þrist og síðan komu körfur frá Nonna, Leó og Gaut og staðan eftir fyrsta leikhluta var 18-10. Okkar strákar að spila góða vörn og Carl þjálfari að skipta mönnum vel inn af bekknum. Nánar

Oft er betra heima setið

Körfubolti | 06.01.2011 Það má með sanni segja að oft er betra að hægja á og hugsa, en að taka fljótar ákvarðanir. Í þessu erum við að tala um skrautlega ferð til Sauðárkróks þar sem við töpuðum leik gegn Tindastól eftir níu klukkutíma ferðalag í brjáluðu veðri. Lokatölur 85-71 fyrir heimamenn. Það skal ekki af þeim í Tindastól tekið að þeir spiluðu betur en við og unnu sanngjarnt. Einu mennirnir hjá sem voru með einhverja rænu í leiknum voru Darco, Carl og Ari. Aðrir voru enn í bílunum. Frikki Hreins fór á kostum fyrir heimamenn og var fremstur meðal jafningja þar. Þessi leikur er búinn og ekkert að gera nema læra af þessu. Nánar

Richard McNutt til KFÍ

Körfubolti | 03.01.2011 Miðherji er kominn til liðs við KFÍ. Pilturinn heitir Richard McNutt. Richard er 203 cm. á hæð og 107 kg.  og spilaði hjá Mt. Aloysius Collage í Pennselvaníu BNA. Þar útskrifaðist hann í vor og var síðan ráðinn til Sheffield Sharks í Bretlandi í september, en spilaði lítið vegna veikinda sem hrjáðu hann. Nú er kappinn hress og klár og er kominn á Jakann, og bjóðum við hann velkominn í KFÍ. Nánar

Gleðilegt ár og farsælt komandi ár-Happy new year and have a nice 2011

Körfubolti | 31.12.2010 KFÍ vill þakka öllum fyrir árið sem er að líða og óskum við öllum farsæls ár

KFÍ want to thank all for a good year and we wish you all a great 2011  Nánar

Edin farinn heim

Körfubolti | 29.12.2010 Edin Sulic er nú farinn heim á leið eftir erfið meiðsli, uppskurð og endurhæfingu í margar vikur. Aðgerðin heppnaðist ágætlega, en hann þarf mun lengri tíma til þess að ná sér að fullu. Þetta voru gríðarleg vonbrigði fyrir Edin sem leið mjög vel á Ísafirði og gerði allt sem hann gat í þeim leikjum sem tók þátt í með félaginu. Hann var með 15.3 stig. 9,5 fráköst og 1.3 varin í leik á annari löppinni. Og það verður ekki kvartað yfir hans framlagi frá okkur. Það er mikill söknuður af þessum pilt, enda frábær leikmaður og sömuleiðis félagi. Nú stendur leit yfir af manni í hans stað og verður greint frá því um leið og eitthvað gerist í þeim efnum. Nánar

Svipmyndir frá jólakörfu KFÍ

Körfubolti | 28.12.2010 KFÍ tv kíkti á jólabolta KFÍ á aðfangadag og má sjá árangur og smá jólakveðju frá yngri iðkenndum með því að kíkja á meira. Nánar

Gleðileg jól frá KFÍ-Happy holidays from KFÍ

Körfubolti | 23.12.2010 Stjórn, leikmenn, iðkendur og aðstandendur KFÍ óska öllum gleðilegra jóla og vonum að allir hafi það gott í faðmi fjölskyldunnar.

The board of KFÍ, players and all the good people that make things happen for us wishes all happy holidays. 

Nánar

Jólabolti KFÍ 2010

Körfubolti | 23.12.2010 Hinn árlegi jólakörfubolti KFÍ fer fram á aðfangadag líkt og verið hefur síðustu ár(atugi). Byrjað verður kl 10:00 fyrir yngstu iðkennurnar og verður farið í ýmsa leiki þar. Eldri iðkendurnir eru síðan frá 12:00-13:30 og eftir það verða allir klárir í að setja steikina upp og jólin á leið í hús. 

Við hvetjum alla sem hafa áhuga á að sprikla aðeins fyrir jólasteikina til að mæta !! Nánar