Fréttir - Knattspyrna

Tap gegn FH

Knattspyrna | 28.03.2011 BÍ/Bolungarvík 1-5 FH
1-0 Alexander Veigar Þórarinsson ('2)
1-1 Matthías Vilhjálmsson ('20, víti)
1-2 Matthías Vilhjálmsson ('33)
1-3 Emil Pálsson ('77)
1-4 Gunnar Kristjánsson ('83, víti)
1-5 Gunnar Sigurðsson ('90, víti)

BÍ/Bolungarvík tók á móti bikarmeisturum FH á sunnudaginn síðasta. Leikið var að Ásvöllum í Hafnarfirði í fínu veðri þó að aðstæður við völlinn hefðu mátt vera betri. Línuvörður leiksins þurfti að moka frá hliðarlínunni fyrir leik. Aco Pandurevic spilaði sinn fyrsta mótsleik en hann var nýkominn til landsins. Hjá okkur vantaði Goran, Zoran, Jónmund og Birki. Nánar

Aco Pandurevic í BÍ/Bolungarvík

Knattspyrna | 25.03.2011 BÍ/Bolungarvík hefur samið við serbneska hægri bakvörðinn Aco Pandurevic. Pandurevic, sem er 29 ára gamall, getur einnig leikið á kantinum og í vinstri bakverði.

Pandurevic lék í fyrra með Sumadija Jagnjilo í heimalandi sínu en þar áður spilaði hann í fimm ár í Færeyjum. Fyrst lék Pandurevic með VB/Sumba í tvö ár áður en hann fór til NSI Runavik þar sem hann var í þrjú ár. Nánar

Icelandic Iberica styrkir BÍ/Bolungarvík

Knattspyrna | 25.03.2011 BÍ/Bolungarvík og Icelandic Iberica skrifuðu í gær undir styrktarsamning sín á milli. Icelandic mun styrkja BÍ/Bolungarvík næstu þrjú árin ásamt því að keppnisbúningar liðsins munu bera þeirra merki. Magnús Pálmi Örnólfsson, framkvæmdarstjóri BÍ/Bolungarvíkur, skrifaði undir samninginn ásamt Hjörleifi Ásgeirssyni og Óskari Karlssyni frá Icelandic.

Icelandic Iberica er milliliður með kaup og sölur á fiskafurðum og eru vestfirðir eitt af þeirra mikilvægasta svæði í kaupum á léttsöltuðum fiski.

Stjórn BÍ/Bolungarvíkur er gríðarlega ánægð með fá þennan öfluga bakhjarl til liðs við okkur næstu þrjú árin. Samningurinn mun klárlega styðja við það öfluga starf sem unnið hefur verið og aðstoða okkur á komandi tímabilum. Nánar

Grindavík - BÍ/Bolungarvík

Knattspyrna | 21.03.2011 Grindavík 2-0  BÍ/Bolungarvík
1-0 Michal Pospisil '37
2-0 Matthías Friðriksson '79

Byrjunarliðið:
Þórður - Sigurgeir, Atli, Ondo, Sigþór - Haffi, Gunnar, Colin, Alexander, Sölvi - Andri
Varamenn:
Ásgeir, Matti, Birkir, Jónmundur, Óttar og Nikulás Nánar

BÍ/Bolungarvík á stuðningsmannasíðu Selfyssinga

Knattspyrna | 19.03.2011 Sjónarmið andstæðinganna er tekið fyrir á stuðningsmannasíðu Selfoss. Undirritaður fékk nokkrar spurningar sem brunnu á vörum Selfyssinga.

Sjónarmið andstæðinganna: BÍ/Bolungarvík Nánar

Fjórða umferð Lengjubikarsins

Knattspyrna | 18.03.2011 Minnum á leikinn BÍ/Bolungarvík - Grindavík kl.14 á laugardaginn í Reykjaneshöll Nánar

Góður sigur gegn Stjörnunni

Knattspyrna | 14.03.2011 Stjarnan 1-3 BÍ/Bolungarvík
0-1 Andri Rúnar Bjarnason
0-2 Colin Marshall
1-2 Baldvin Sturluson (víti)
1-3 Óttar Kristinn Bjarnason

BÍ/Bolungarvík mætti Stjörnunni í þriðju umferð Lengjubikarsins síðastliðinn laugardag. Leikurinn fór fram í Reykjaneshöllinni. Áður höfðum við sigrað Hauka en tapað síðasta leik gegn Fylki 0-1. Stjarnan tapaði einnig gegn ÍR, 4-3 í umferðinni á undan. Í lið okkar vantaði Birki, Goran og Zoran ásamt því að 1-2 leikmenn á bekknum hafa verið að jafna sig af meiðslum.
Nánar

Zoran Stamenic í BÍ/Bolungarvík

Knattspyrna | 10.03.2011 BÍ/Bolungarvík hefur fengið varnarmanninn Zoran Stamenic til liðs við sig. Þessi 33 ára gamli Serbi þekkir vel til á Íslandi því hann spilaði með Grindavík 2008 og 2009. Stamenic var fastamaður í liðinu þar en í fyrra spilaði hann í Noregi. Samtals spilaði Stamenic 40 leiki með Grindvíkingum og skoraði í þeim þrjú mörk.

Stamenic er annar leikmaðurinn sem BÍ/Bolungarvík fær á tveimur dögum en í gær kom skoski miðjumaðurinn Colin Marshall til félagsins. Nánar

Hvaða markmenn verða í U21 í sumar?

Knattspyrna | 10.03.2011 Þórður Ingason, aðalmarkvörður BÍ/Bolungarvíkur, er nefndur í pistli á fotbolti.net í dag. Þar er rætt um þá markmenn sem eiga möguleika á að vera í hópnum hjá U21 liðinu í sumar þegar það tekur í fyrsta sinn þátt í lokakeppni á stórmóti. Pistilin má lesa í heild sinni hérna Nánar

Colin Marshall til BÍ/Bolungarvíkur

Knattspyrna | 09.03.2011

Fréttin tekin af fotbolti.net:
BÍ/Bolungarvík hefur samið við skoska miðjumaninn Colin Marshall sem var á reynslu hjá liðinu í síðustu viku. Marshall, sem er 26 ára, lék síðast með Crevillente Deportivo í spænsku þriðju deildinni.

,,Við erum fyrst og fremst að breikka hópinn og styrkja þessa stöðu,"
sagði Guðjón Þórðarson þjálfari BÍ/Bolungarvíkur í samtali við Fótbolta.net.

,,Hann er mjög lipur spilari og rólegur og yfirvegaður á boltann. Þetta er maður sem getur haldið boltanum og spilað honum og hann dregur aðra inn í spilið líka."

Marshall lék með Aston Villa á yngri árum og hann vann meðal annars bikakeppni unglingaliða með liðinu árið 2002. Síðan þá hefur Marshall leikið með Clyde, St. Johnstone, Falkirk, Airdrie United, Stranraer, Dundee, Forfar og Tiverton Town í heimalandi sínu. Talsverðar breytingar hafa verið hjá BÍ/Bolungarvík í vetur en möguleiki er á að fleiri leikmenn komi til félagsins.

,,Við erum ennþá með tiltölulega fámennan hóp og þetta eru 15-16 leikmenn sem við erum með. Það gætu dottið inn einhverjir í viðbót, það er ekkert útilokað í þeim efnum," sagði Guðjón.

Frétt frá Fótbolta.net. Sjá alla fréttina: http://fotbolti.net/fullStory.php?action=viewStory&id=105307#ixzz1G6wPTeae

Nánar