Knattspyrna | 24.03.2010
Krakkar í 3.-5. flokki eru boðnir á æfingar hjá Heimi Guðjónssyni, þjálfara meistaraflokks FH og Ingvari Jónssyni, yfirþjálfara yngri flokka FH. Dagskráin verður sem hér segir:
Föstudagur 26. mars:
Íþróttahúsið við Torfnes:
Kl. 16:00-16:50 æfing 3. flokkur stelpna
Kl. 16:50-17:40 æfing 4. flokkur stráka
Kl. 17:40-18:30 æfing 3. flokkur stráka
Kl. 20:00 Opinn fundur með FH-ingum og áhugamönnum um knattspyrnu, iðkendum, foreldrum og þjálfurum. Fyrirspurnir til FH-inganna. Allir velkomnir. Molakaffi fyrir mannskapinn.
Laugardagur 27. mars:
Íþróttahúsið við Torfnes:
Kl. 11:00-11:50 æfing 4. og 5. flokkur stelpna
Kl. 11:50-13:00 æfing 5. flokkur stráka
Hlé
Kl. 14:00-14:45 æfing 3. flokkur stelpna
Kl. 14:45-15:30 æfing 3. flokkur stráka
Við hvetjum alla, foreldra og áhugamenn um knattspyrnu, að mæta á fundinn enda mun umræðuefnið vera uppbyggingarstefna FH, hvað þeir vita og við getum notað og svo auðvitað hvað við vitum og þeir geta notað.
Það er tilvalið fyrir foreldra að fara á árshátíðarsýningu grunnskólans á fimmtudag eða föstudagsmorgun til að geta komist á fundinn á föstudagskvöldið.
Stjórn BÍ88 er afar ánægð með komu FH-inga hingað vestur, stóru liðin hafa ekki sýnt okkur litlu liðunum mikinn áhuga hingað til, nema þegar um efnilega leikmenn er að ræða. Nú vilja þeir hins vegar gefa meira af sér til okkar og erum við eitt þriggja félaga sem FH ætlar að eiga samstarf við á landsbyggðinni. Hin félögin eru Höttur á Hornafirði og Völsungur á Húsavík. Við eigum von á góðu með samstarfi við FH, enda eru þeir búnir að sanna sig sem margfaldir meistarar fyrir fullt og fast í efstu deild íslensku knattspyrnunnar.
Nánar
Knattspyrna | 23.03.2010
Hvöt 2-4 BÍ/Bolungarvík 0-1 Guðni Páll Viktorsson
1-1 Jón Kári Ívarsson (víti)
2-1 Jón Kári Ívarsson (víti)
2-2 Pétur Geir Svavarsson
2-3 Andri Bjarnason (víti)
2-4 Andri Bjarnason (Víti)
Hvöt og Bí/Bolungarvík mættust í Akraneshöllinni 12 mars,
B-deild Lengjubikarsins
Guðni Páll Viktorsson kom okkur yfir í leiknum eftir hornspyrnu en Jón Kári Ívarsson sem var valinn efnilegasti leikmaður 2. deildar á síðustu leiktíð er hann var með Hamri svaraði svo og kom Hvöt yfir með tveimur mörkum úr vítaspyrnum.
Pétur Geir Svavarsson jafnaði þá metin fyrir okkur svo var það Andri Bjarnason sem tryggði okkur sigurinn með tveimur mörkum úr vítaspyrnum.
Eftir þetta fékk Hvöt reyndar sína þriðju vítaspyrnu en í þetta skiptið sá Róbert Örn Óskarsson markvörður við honum og varði. Lokastaðan því 2-4.
Þetta var Góður sigur hjá strákunum og vonum að þetta sé það sem koma skal ;)
Byrjunarlið BÍ/Bolungarvík í þessum leik var:
Róbert
Hafþór Guðni páll Sigurgeir Guðlaugur
Addi Emil Gunnar Andri
Pétur geir Goran
Goran Vujic meiddist illa á hné í leiknum á 38 min og inná fyrir hann kom Guðmundur,
Sigþór Kom inn fyrir Guðna páll á 46 min,
Matthías fyrir Adda á 71 min,
Þorgeir Jónsson spilaði sinn fysta Meistaraflokksleik er hann kom ínná fyrir Andra.
Nánar
Knattspyrna | 23.03.2010
Nokkrir forráðamanna Íslandsmeistaraliðs FH ætla að heimsækja okkur á föstudaginn og laugardaginn nk. (26. og 27. mars). Þetta eru Jón Rúnar Halldórsson formaður knattspyrnudeildar FH, Heimir Guðjónsson þjálfari Íslandsmeistara FH í karlaflokki, Guðlaugur Baldursson yfirþjálfari yngri flokka FH og leikmennirnir Atli Guðnason og Matthías Vilhjálmsson, Ísfirðingurinn knái. Munu þeir stjórna æfingum hjá 3.-5. flokki stráka og stelpna á föstudag og laugardag og halda auk þess fund fyrir knattspyrnuáhugamenn á Vestfjörðum á föstudagskvöldið kl. 20:00 í íþróttahúsinu við Torfnes. Þar mun fólk geta spurt þá spjörunum úr um uppbyggingarstefnu FH og áherslur þeirra yfirhöfuð í knattspyrnumálum. Þess utan er auðvitað hægt að spjalla við þá um allt sem viðkemur fótbolta.
Allir eru velkomnir og við hvetjum alla til að mæta en æfingaplanið verður auglýst sérstaklega þegar nær dregur.
Nánar
Knattspyrna | 18.02.2010
Okkar maður, Emil Pálsson, leikmaður 2. flokks og meistaraflokks BÍ88 var valinn íþróttamaður Ísafjarðarbæjar fyrir árið 2009. Skyldi engan undra. Þrátt fyrir ungan aldur er Emil kominn í fremstu röð ísfirskra knattspyrnumanna. Haustið 2008 var hann enn og aftur valinn í U-16 ára landslið Íslands og var byrjunarliðsmaður hjá meistaraflokki BÍ88 um vorið 2009. Hann lék flesta leiki meistaraflokks síðasta sumar, einungis 15 ára gamall. Síðasta sumar hlotnaðist honum sá heiður að vera valinn í lið Íslands í landsliði 17 ára og yngri og spilaði með því á Norðurlandamótinu í ágúst. Þar var hann fastamaður í byrjunarliði Íslenska liðsins og skoraði tvö mörk í þremur leikjum. Þá var hann valinn í lið Íslands sem keppti í undankeppni Evrópumóts U-17-landsliða í september síðasta árs. Hlaut hann mikið lof þjálfara sinna fyrir frammistöðuna í báðum keppnum. Í haust var hann svo aftur valinn í U-17 ára landslið Íslands og hefur stundað æfingar með því í vetur við góðan orðstír enda hefur ekkert breyst: hann er enn í hópi okkar efnilegustu knattspyrnumanna um þessar mundir.
Þessi árangur verður ekki til upp úr þurru. Emil hefur alla tíð lagt gríðarlega vinnu í æfingar og gefur sig allan í leiki. Hann æfir allt að sex sinnum í viku auk helgaræfinga með landsliði U-17 sem eru á þriggja vikna fresti. Hann hefur því verið sjálfum sér, aðstandendum og félagi til sóma innan sem utan vallar og er óvéfengjanlega sá leikmaður sem yngri knattspyrnumenn á Vestfjörðum líta hvað mest upp til. Sást það best í knattspyrnuskóla BÍ88 í sumar, en þá ætlaði allt um koll að keyra þegar hann leiðbeindi krökkunum eina dagsstund og vakti síst minni athygli hjá krökkunum en heimsókn annarra, þekktra knattspyrnumanna.
Stjórn BÍ88 óskar Emil innilega til hamingju með árangurinn.
Nánar
Knattspyrna | 02.02.2010
Við fengum góða heimsókn um helgina en þá komu þau Hólmfríður Magnúsdóttir, vinstri kantari landsliðsins og Kristianstad í Svíþjóð og Guðlaugur Þorvaldsson frá KSÍ á æfingar nokkurra yngri flokka. Hólmfríður hafði frá mörgu að segja, hún er nú að flytja til Bandaríkjanna þar sem hún er að fara að spila með Philadelphia Independance. Hún veit sem er að liðið er mjög sterkt og er því að æfa meira núna en nokkru sinni og tók sér ekki einu sinni frí eftir að tímabilinu í Svíþjóð lauk þar sem hún vildi byggja ofan á formið sem hún var í þá. þess vegna æfir hún nú tvisvar á dag og passar sig á því að hvíla sig vel (fer alltaf að sofa um kl. tíu á kvöldin), borða hollan mat (því hún veit að ef hún borðar eitthvað ruslfæði mun hún verða bensínlaus á æfingum og þá bætir hún sig ekki neitt) og æfa markvisst og vel. Hún er t.d. búin að leggja mikla áherslu á tækni undanfarið og til að verða betri í henni fer hún á völlinn kl. 5:45 á morgnana og æfir skot, knattrak eða sendingar í ca. klukkutíma á hverjum degi. Þess utan fer hún á þrekæfingar og styrkir líkamann til að berjast fyrir sæti sínu í Philadelphia-liðinu enda segir hún að ekkert sé öruggt í liðsvalinu, hún hafi aldrei verið í jafnsterku liði. Þar er að finna landsliðskonur frá Bandaríkjunum, Bretlandi, Svíþjóð auk fimm U-23 ára landsliðsstelpna frá Bandaríkjunum. Þetta verður því erfitt fyrir Hólmfríði en hún fagnar ögruninni og ætlar að gera eins vel og hún getur og helst aðeins meira en það.
Vonandi höfðu allir gaman af að hitta þessa sterku knattspyrnukonu, við getum allavega lært mikið af henni. Hún bað fyrir bestu kveðjur til allra flottu krakkanna okkar og þakkar ykkur fyrir móttökurnar og spurningarnar sem þið lögðuð fyrir hana og vonar að þið hafið getað lært eitthvað örlítið af henni.
Myndir frá heimsókninni verða settar inn í myndahlutann hér til hliðar.
Nánar
Knattspyrna | 07.01.2010
Jæja gott fólk! Við óskum öllum gleðilegs nýs árs og farsældar auðvitað í knattspyrnumálum sem öðrum málum.
Æfingar eru hafnar að nýju og breytast ekki frá fyrra ári en æfingatöfluna er hægt að sjá hér til vinstri á síðunni. Vonandi hafa allir haft það gott um hátíðarnar og koma endurnærðir og úthvíldir til æfinga og starfa á nýju ári.
Nánar
Knattspyrna | 15.12.2009
Inga Karlsdóttir, útibússtjóri Landsbankans á Ísafirði, skrifaði undir endurnýjaðan styrktarsamning við félagið í íþróttahúsinu við Torfnes á dögunum. Formaðurinn, Svavar Þór Guðmundsson, kvittaði fyrir félagið og var að vonum ánægður með stuðning Landsbankans, enda blæs þetta nýju lífi í starfið. Peningastaðan hefur ekki verið ákjósanleg undanfarið enda styrkjum fækkað nokkuð sem skiljanlegt er og svo ákvað stjórn félagsins að bíða með hækkun æfingagjalda þar til samfélagið sér fram á bjartari tíð og blóm í haga. Þar með hafa æfingagjöld ekki hækkað frá árinu 2005 og erum við ekkert nema stolt af því að geta haldið starfinu úti með öðrum úrræðum, foreldrum og iðkendum til góða, vonandi. Styrkur Landsbankans er því, eins og áður sagði, mikilvægur fyrir félagið og þakkar stjórn þess Ingu og hennar fólki í Landsbankanum kærlega fyrir góðvildina í garð félagsins. Nú skulum við halda okkar striki og hvika hvergi.
Nánar
Knattspyrna | 07.12.2009
Hildur Hálfdánardóttir í 3. flokki BÍ/UMFB hefur verið valin í æfingahóp U-16 ára landsliðs Íslands. Hún mun halda suður á bóginn um næstu helgi og taka þátt í tveimur æfingum undir stjórn Þorláks Árnasonar þjálfara liðsins sem fram fara í Kórnum og Egilshöll.
Þetta er gott tækifæri fyrir Hildi að sýna hvað í henni býr (það sem við sáum í leikjum flokksins í sumar) og koma sér á kortið sem knattspyrnukona framtíðarinnar. Þetta er frábæri árangur enda margar stúlkur um hituna og sýnir að við getum staðið þeim stóru á sporði - og rúmlega það.
Við óskum Hildi innilega til hamingju.
Nánar
Knattspyrna | 03.12.2009
Þá er Fjölnir Baldursson, pabbi Natalíu, búinn að senda myndband frá lokahófinu inn á youtube.com. Þið getið nálgast það hér:
http://www.youtube.com/watch?v=G03xj2_hGa4Njótið vel og kærar þakkir til Fjölnis fyrir áhugann og alla vinnuna í kringum þetta.
Nánar
Knattspyrna | 03.12.2009
Þá er komið að fríinu sem er nú tekið í desember ár hvert í stað september. Ástæðan er sú að mikið rót kemst á starfið í desember vegna hátíðanna og því er alveg eins gott að fólk þurfi þá ekki að skipuleggja fótboltann með öllu öðru sem um er að vera í jólamánuðinum.
Vonandi eru sem flestir fylgjandi þessum frítíma en það er vitað að íþróttamenn verða að fá sína hvíld hvort sem þá langar til eða ekki. Nú geta menn bara dúllað sér í smákökunum og öðru jólavafstri.
Æfingar hefjast aftur þegar skóli hefst.
Nánar