Sigurvegarar í Svíþjóð

Lið Vestra ásamt Yngva þjálfara með bikarinn. Efri röð f.v.: Helena Haraldsdóttir, Júlíana Lind Jóhannsdóttir, Snæfríður Lillý Árnadóttir, Gréta Proppé Hjaltadóttir, Katla María Sæmundsdóttir, Sædís Mjöll Steinþórsdóttir, Vala Karítas Guðbjartsdóttir, Hera Kristjánsdóttir. Neðri röð f.v.: Viktoría Rós Þórðardóttir, Sara Emily Newman, Bríet Vagna Birgisdóttir, Rakel Damilola Adeleye.

Mættar með bikarinn til Keflavíkur.

Bikarinn kominn heim á Torfnes. Á myndina vantar Júlíönu Lind Jóhannsdóttur, Grétu Proppé og Snæfríði Lillý Árnadóttur.

1 af 3

Stelpurnar í 9. flokki Vestra lögðu land undir fót í síðustu viku þegar þær tóku þátt í stóru norrænu körfuboltamóti, Göteborg Basketball Festival. Árangur liðsins var frábær því stelpurnar gerðu sér lítið fyrir og sigruðu B-úrslit mótsins og tóku því glæsilegan bikar með sér heim. Glæsilegur endir á viðburðarríku tímabili hjá þessu frábæra liði!

Uppskeruhátíð yngri flokka körfunnar

Uppskeruhátíð yngri flokka Kkd. Vestra verður haldin í íþróttahúsinu Torfnesi í dag, fimmtudag.

Uppskeruhátíð yngri flokka Kkd. Vestra verður haldin í íþróttahúsinu Torfnesi í dag, fimmtudag, og hefst gleðin kl. 17. Allir yngri iðkendur og aðstandendur þeirra eru boðnir hjartanlega velkomnir en dagskráin verður með hefðbundnu sniði, veittar verða viðurkenningar, farið í leiki og slegið upp pylsuveislu.

Tíundi flokkur drengja vann til silfurverðlauna á Íslandsmótinu

Vestramenn taka við silfurverðlaunum.

Um síðustu helgi fóru fram undanúrslit og úrslit á Íslandsmóti yngri flokka hjá Körfuknattleikssambandi Íslands. Þar stóðu Vestramenn, sameiginlegt lið Vestra og Skallagríms, í ströngu og unnu til silfurverðlauna. Þetta er einhver besti árangur sem vestfirskt körfuboltalið hefur náð á Íslandsmóti frá því 1967 þegar 2. flokkur stúlkna hjá KFÍ urðu Íslandsmeistarar.

Vestramenn í undanúrslit á laugardag

Vestramenn ásamt Nebojsa Knezevic, þjálfara, á Scania-mótinu í Svíþjóð um páskana.

Vestramenn, sameiginlegt lið Vestra og Skallagríms, leika gegn Valsmönnum í undanúrslitum Íslandsmótsins í 10. flokki drengja á laugardaginn kemur, 12. maí, kl. 10:00. Leikurinn fer fram í Ljónagryfjunni, íþróttahúsinu í Njarðvík, en síðar um morguninn fer fram undanúrslitaleikur KR og Stjörnunnar. Sigurvegarar viðureignanna eigast svo við í úrslitaleiknum, sem fram fer á sama stað á sunnudagsmorgun kl. 10:00.

Húsasmiðjumótið fyrir yngstu iðkendur körfunnar

Allir í 1.-6. bekk eru velkomnir á Húsasmiðjumót Kkd. Vestra.

Húsasmiðjumótið í körfubolta fer fram í íþróttahúsinu Torfnesi síðdegis á morgun en mótið er innanfélagsmót haldið í samstarfi Kkd. Vestra og Húsasmiðjunnar. Mótið er ætlað krökkum í 1.-6. bekk og eru allir velkomnir, hvort sem þeir æfa körfu eða ekki.

Yngstu krakkarnir sem eru í 1.-2. bekk byrja keppni kl. 17 og spila til 18  en þá taka krakkarnir í 3.-6. bekk við og spila til kl. 19. Ekkert þátttökugjald er á mótinu en allir keppendur fá ís að móti loknu.

Körfuboltakrílin klára veturinn

Flottu körfuboltakrakkarnir í Krílakörfu Kkd. Vestra ásamt þjálfurunum Ingimari Aroni Baldurssyni og Helgu Salóme Ingimarsdóttur á lokaæfingu vetrarins.

Í gær var heldur betur handagangur í öskjunni þegar síðasta æfing vetrarins hjá Krílakörfunni svokölluðu var haldin. 

Helena og Friðrik valin í lokahóp U15 landsliðanna

Helena Haraldsdóttir og Friðrik Heiðar Vignisson voru valin í U-15 landslið stúlkna og drengja.

Tveir iðkendur Körfuknattleiksdeildar Vestra hafa verið valdir í lokahóp U15 ára landsliða KKÍ fyrir sumarið 2018. Það eru þau Helena Haraldsdóttir og Friðrik Heiðar Vignisson.

Aðalfundur Körfuknattleiksdeildar 2018

Meistaraflokkur Körfuknattleiksdeildar Vestra veturinn 2017-2018 ásamt Yngva Gunnlaugssyni þjalfara.

Aðalfundur Körfuknattleiksdeildar Vestra 2018 verður haldinn sunnudaginn 29. apríl. Fundurinn fer fram í félagsheimili Vestra (Vallarhúsinu á Torfnesi) og hefst kl. 17:00. Allir þeir sem koma að starfsemi Körfuknattleiksdeildarinnar, jafnt iðkendur sem sjálfboðaliðar, foreldrar iðkenda og fylgjendur eru hvattir til að mæta á fundinn.

Flaggskipið í úrslit 3. deildarinnar

Síðasti stórleikur tímabilsins.

B-lið Vestra, betur þekkt sem Flaggskipið, mætir heimabæjarliði forseta lýðveldisins, Álftanesi, í úrslitaleik 3. deildarinnar næstkomandi laugardag í Musterinu í Bolungarvík.

Lokahóf í körfunni

Síðastliðinn föstudag var lokahóf meistaraflokks Körfuknattleiksdeildar Vestra haldið á Hótel Ísafirði. Á lokahófinu komu saman leikmenn, þjálfarar, stjórn deildarinnar og stjórn Barna- og unglingaráðs ásamt fleirum sem komið hafa að starfi liðsins í vetur. Það var létt yfir fólki enda náðust sett markmið fyrir tímabilið og full ástæða til að líta yfir farinn veg og gleðjast yfir árangrinum.