Fréttir - Körfubolti

Frábær stemmning á Nettómótinu

Körfubolti | 08.03.2018
Fríður hópur vaskra Vestrabarna ásamt þjálfurum sínum á verðlaunaafhendingunni á Torfnesi á mánudag.
Fríður hópur vaskra Vestrabarna ásamt þjálfurum sínum á verðlaunaafhendingunni á Torfnesi á mánudag.
1 af 2

Mikil gleði ríkti á hinu árlega Nettómóti í Reykjanesbæ sem fram fór um síðustu helgi en alls kepptu 32 iðkendur Kkd. Vestra á mótinu. Þeir eru á aldrinum 6-10 ára og kepptu í alls sjö liðum, fjórum drengjaliðum og þremur stúlknaliðum. Mótið er stærst sinnar tegundar hér á landi og sannkölluð uppskeruhátíð yngri flokka körfunnar. Skemmst er frá því að segja að krakkarnir okkar stóðu sig með afbrigðum vel og voru sjálfum sér, foreldrum og félagi til mikils sóma. Miklar framfarir mátti sjá í hópunum yfir helgina.

Nánar

Feðgar léku saman í sigri Vestra gegn ÍA

Körfubolti | 06.03.2018
Feðgarnir Ingimar Aron og Baldur Ingi tóku sig vel út í búningi Vestra á sunnudaginn.
Feðgarnir Ingimar Aron og Baldur Ingi tóku sig vel út í búningi Vestra á sunnudaginn.
1 af 2

Vestri lagði ÍA á Akranesi 84-96 í næst síðustu umferð 1. deildar karla síðastliðinn sunnudag. Með fullri virðingu fyrir andstæðingnum má segja að þetta hafi verið skyldusigur enda ÍA án sigurs í deildinni á meðan Vestri er í toppbaráttunni.

Nánar

Körfuboltamaraþon á Þingeyri

Körfubolti | 02.03.2018
Stór hluti krakkanna sem nú taka þátt í maraþoninu stóð einnig fyrir maraþoni í fyrra á Suðureyri til að safna fyrir ferð í æfingabúðir á Spáni. Dugnaðarforkar!
Stór hluti krakkanna sem nú taka þátt í maraþoninu stóð einnig fyrir maraþoni í fyrra á Suðureyri til að safna fyrir ferð í æfingabúðir á Spáni. Dugnaðarforkar!

Krakkarnir í 10. flokki drengja og 9. flokki stúlkna standa fyrir körfuboltamaraþoni á Þingeyri í dag föstudaginn 2. mars og fram á aðfaranótt laugardags. Maraþonið er liður í fjáröflun krakkanna fyrir keppnisferðir til Svíþjóðar í vor.

Nánar

Stærsta körfuboltamót landsins

Körfubolti | 01.03.2018
Nettófararnir 2017 á verðlaunaafhendingu sem fram fór heima á Torfnesi eftir mótið. Lokaathöfn Nettómótsins fer fram seint á sunnudegi og þá eru Vestfirðingar jafnan lagðir af stað heim á leið því löng fer er fyrir höndum. Því er verðlaunaafhendingin færð heim í hérað.
Nettófararnir 2017 á verðlaunaafhendingu sem fram fór heima á Torfnesi eftir mótið. Lokaathöfn Nettómótsins fer fram seint á sunnudegi og þá eru Vestfirðingar jafnan lagðir af stað heim á leið því löng fer er fyrir höndum. Því er verðlaunaafhendingin færð heim í hérað.

Ríflega þrjátíu keppendur úr Kkd. Vestra ásamt þjálfurum, fararstjórum og foreldrum, eru nú að gera sig klára á Nettómótið í Reykjanesbæ, stærsta körfuboltamót landsins. Þar etja þeir kappi við körfuknattleiksiðkendur af öllu landinu á aldrinum 6-10 ára.

Nánar

Frábær framistaða gegn Hamri þrátt fyrir tap

Körfubolti | 23.02.2018
Yngvi Gunnlaugsson og lærisveinar hans mega vera stoltir af framistöðu sinni í kvöld eftir naumt tap gegn Hamri.
Yngvi Gunnlaugsson og lærisveinar hans mega vera stoltir af framistöðu sinni í kvöld eftir naumt tap gegn Hamri.

Vestri tapaði naumlega gegn sterku liði Hamars á Jakanum í kvöld, 97-99. Þrátt fyrir tapið mega strákarnir vera stoltir af framistöðunni enda gafst liðið aldrei upp og barðist allt til síðustu sekúndu. Í lið Vestra vantaði þrjá sterka leikmenn sem myndu sóma sér í byrjunarliðum hvaða liðs sem er í deildinni. Ungir leikmenn Vestra stigu upp í leiknum og sýndu hvers þeir eru megnugir.

Nánar

Hamar mætir á Jakann

Körfubolti | 23.02.2018
Strákarnir í Vestra lögðu Fjölni í síðustu umferð. Nú mæta Hamarsmenn á Jakann. Ljósmynd: Bára Dröfn Karfan.is
Strákarnir í Vestra lögðu Fjölni í síðustu umferð. Nú mæta Hamarsmenn á Jakann. Ljósmynd: Bára Dröfn Karfan.is
1 af 2

Hamarsmenn koma í heimsókn á Jakann í dag, föstudaginn 23. febrúar, og mæta Vestra í sannkölluðum toppslag. Leikurinn hefst kl. 19:15 að vanda. Þetta er síðasti heimaleikur Vestra í deildarkeppninni og því um að gera að mæta og styðja við bakið á strákunum.

Nánar

Hamraborgarmótið framundan

Körfubolti | 21.02.2018
Hamraborgarmótið 2018 fer fram á Torfnesi mánudaginn 26. febrúar.
Hamraborgarmótið 2018 fer fram á Torfnesi mánudaginn 26. febrúar.

Hið árlega Hamraborgarmót Kkd. Vestra og Hamraborgar verður haldið á mánudaginn kemur, 26. febrúar. Það er meistaraflokkur karla hjá Kkd. Vestra sem stendur að mótinu og býður hann til keppni öllum börnum í 1.-6. bekk grunnskóla. Allir á þessum aldri eru velkomnir, hvort heldur sem þeir æfa körfubolta að staðaldri eða ekki.

Nánar

Flaggskipið lagði Hauka

Körfubolti | 18.02.2018
Sigurlið gærdagsins var að venju fagurt að sjá.
Sigurlið gærdagsins var að venju fagurt að sjá.

B-lið Vestra, oft nefnt Flaggskipið og þá einna helst af meðlimum þess, vann sinn fimmta sigur í síðustu sex leikjum í gær er það skellti Haukum í 3. deild karla í Musterinu í Bolungarvík.

Nánar

Þungur róður gegn Gnúpverjum

Körfubolti | 09.02.2018
Frá leiknum í kvöld.
Frá leiknum í kvöld.

Sprækir Gnúpverjar höfðu betur í  í kvöld í viðureign sinni við Vestra á Jakanum. Leikurinn var mjög hraður og fjörugur framan af en líka ansi harður. Gnúpverjar byrjuðu miklu betur í leiknum og hittu gríðarlega vel og Vestra menn náðu aldrei að brúa það bil. Lokatölur 92-101.

Nánar

Baráttan um deildarmeistaratitilinn er hafin!

Körfubolti | 08.02.2018
Meistaraflokkur Vestra mætir Gnúpverjum á föstudag. Ljósmynd: Ágúst Atlason www.gusti.is
Meistaraflokkur Vestra mætir Gnúpverjum á föstudag. Ljósmynd: Ágúst Atlason www.gusti.is
1 af 2

Á morgun, föstudaginn 9. febrúar, mæta Gnúpverjar í heimsókn á Jakann og etja kappi við Vestra í 1. deild karla í körfubolta. Leikurinn hefst að vanda kl. 19:15 en fyrir leik verður boðið upp á ljúffengar currywurst pylsur að hætti Berlínarbúa.

Nánar