Kaffihús og kökubasar KFÍ á skírdag

Á skírdag verður hið árlega kaffihúsi og kökubasar yngri flokka KFÍ í íþróttahúsinu Torfnesi í tengslum við Páskaeggjamót KFÍ. Allur ágóði af sölunni rennur óskiptur til barna- og unglingastarfs félagsins. Heimamenn, gestir og gangandi á Skíðaviku er hvattir til að leggja leið sína í íþróttahúsið, horfa á eða spila skemmtilegan körfubolta og fá sér gott með kaffinu í leiðinni. Mótið hefst kl. 11 og þá um leið opna kaffihúsið og kökubasarinn. Opið verður frameftir degi á meðan kræsingarnar endast.

2 sigrar og eitt tap hjá 9. flokki

Hinn ofurmyndvæni 9. flokkur KFÍ

9. flokur drengja lék í fjölliðamóti í Grindavík um helgina.  Fyrsti leikur tapaðist en tveir þeir næstu unnust.  Spilamennskan almennt góð og coach Nebojsa ánægður með hópinn

Leikur#1  KFÍ-Grindavík  28-41

Okkar piltar spila ekki nógu vel, hittni slæm og liðið eitthvað ryðgað eftir bílferðina.

Stigin:

Rúnar Ingi Guðmundsson  10

Daníel Wale Adeleye 7

Haukur Rafn Jakobbson 7

Benedikt Hrafn Guðnason 2

Hugi Hallgrímsson 2

Tryggvi Fjölnisson 0

Egill Fjölnisson 0

Blessed Gil Parilla 0

Þorleifur Ingólfsson 0

Hilmir Hallgrímsson 0

Leikur#2  KFÍ-Ármann 51-45

Hörkuleikur sem vannst eftir framlengingu.  KFÍ byrjar leikinn betur, komast í 17-7 en Ármann svara með góðum kafla og steðan eftir fyrsta fjórðun 17-14.  Baráttan heldur svo áfram, staðan í hálfleik 23-26 og og við komust loks yfir í lok þess þriðja 34-32.  Í lok leiks jafnar Haukur leikinn með víti, hefði getað klárað dæmið með að setja bæði niður en tryggði okkur framlengingu.  KFÍ sýndi síðan styrk sinn í framlengingunni og vann hana 6-2 og lokatölur þá 55-51.

Stigin:

Haukur 34

Daníel 6

Hilmir 6

Rúnar 3

Egill 2

Bensi 2

Hugi 2

Lekur#3  KFÍ-Höttur  60-32

Góður leikur hjá okkar piltum, og allir að spila vel.  Hattarmenn sprækir í byrjun, voru yfir 10-7 eftir fyrsta fjórðung en eftir það var leikur algerlega eign KFÍ drengja og lokatölur 60-32.

Stigin:

Haukur 23

Hugi 17

Tryggvi 6

Rúnar 6

Egill 4

Blessed 2

Þorleifur 2

Nebojsa þjálfari ánægður með strákana sína.  Samspil gott og varnarleikur líka.  Strákarnir í mikilli framför.  Nú er að æfa áfram og gera enn betri hluti á næsta tímabili.

Eva Margrét í æfingahópi U-20 landsliðsins

Eva Margrét í leik með KFÍ fyrr í vetur.

Eva Margrét Kristjánsdóttir, leikmaður meistaraflokks kvenna hjá KFÍ, var á dögunum valin í æfingahóp U-20 landsliðs KKÍ. Á yfirstandandi keppnistímabili hefur Eva einnig verið valin í æfingahóp U-18 liðsins. Eva hefur umtalsverða reynslu af verkefnum með yngri landsliðum KKÍ og hefur bæði spilað með U-16 og U-18 liðunum auk þess að hafa verið valin í æfingahóp A-landsliðsins.

U-20 landsliðsins bíða spennandi verkefni í sumar en kvennaliðið tekur þátt í Norðurlandmóti í Danmörku um miðjan júní. Þjálfari kvennaliðsins er Bjarni Magnússon en Andri Kristinsson er aðstoðarþjálfari.

Stjórn KFÍ óskar Evu Margréti til hamingju með árangurinn!

Frábær árangur hjá kvennaliði KFÍ í vetur

Kvennalið KFÍ hefur staðið sig frábærlega í vetur!

Kvennalið KFÍ hefur staðið sig með stakri prýði í vetur og hafnar liðið í þriðja sæti deildarinnar, hársbreidd frá því að komast í úrslitarimmu um laust sæti í úrvalsdeild. Örlög liðsins réðust í gær þegar það mætti Stjörnunni í leik sem réði úrslitum um hvort liðið myndi mæta deildarmeisturum Njarðvíkur og spila um úrvalsdeildarsætið. Stelpurnar stóðu sig vel í leiknum en urðu því miður að játa sig sigraðar. Lokatölur voru 74-64 Stjörnustúlkum í vil. KFÍ óskar Stjörnunni til hamingju með árangurinn og Njarðvík með deildarmeistaratitilinn.

Glæsilegur sigur stelpnanna í Njarðvík!

Stelpurnar hafa verið á mikilli siglingu í vetur og eiga nú möguleika á að leik til úrslita um sæti í úrvalsdeildinni. Mynd: Fjölnir Baldursson.

Kvennalið KFÍ gerði sér lítið fyrir í gærkvöldi og lagði að velli deildarmeistara Njarðvíkinga 71-59. Með sigrinum hefur KFÍ góða möguleika á að mæta Njarðvík í úrslitarimmu um laust sæti í úrvalsdeild. 

Þriggja stiga tap í síðasta leik tímabilsins

Karlalið KFÍ og Hamars mættust í kvöld í 1. deild karla í lokaleik beggja liða í vetur. Gestirnir fóru með sigur af hólmi í spennandi en sveiflukenndum leik en lokatölur voru 77-80 og staðreyndin því enn eitt nauma tapið hjá KFÍ í vetur.

Framan af leiknum höfðu KFÍ menn yfirhöndina og unnu fyrstu þrjá fjórðungana. Mest hafði KFÍ 14 stiga forystu um miðbik þriðja leikhluta. En það dugði ekki til því í lokafjórðungnum skorti úthald og einbeitinug hjá heimamönnum til að klára verkefnið. Smátt og smátt söxuðu gestirnir á forskotið og komust svo yfir þegar rúmar sex mínútur voru til leiksloka 64-65 og hleyptu heimamönnum aldrei yfir eftir það.

Stigahæstir í liði heimamanna voru Nebojsa með 32 stig, 7 stolna bolta, 5 stoðsendingar og 3 fráköst. Næstur kom Birgir Björn með 21 stig og 7 fráköst. Gunnlaugur Gunnlaugsson skoraði 10 stig, Björgvin Snævar 6 stig, Pance 4 stig og Andri Már með 4.

Hjá gestunum voru stóru mennirnir bestir. Þorsteinn Gunnlaugsson skoraði 16 stig og tók 10 fráköst og Örn Sigurðsson skoraði 16 stig, tók 8 fráköst og gaf 5 stoðsendingar.

Ítarlega tölfræði leiksins má nálgast á vef KKÍ. Reyndar sýnist skrifar að nöfn leikmanna í tölfræðiskýrslunni stemmi ekki alveg við veruleikann. Þar þar vantar kempuna Lárus Jónsson sem stýrði leik gestanna af öryggi, auk þess sem þjálfari liðsins Hallgrímur Brynjólfsson var á skýrslu. En þetta misræmi verður sjálfsagt lagfært um leið og skrifuð skýrsla leiksins berst í hús hjá KKÍ.

Stelpurnar í toppbaráttunni um helgina

Labrenthia Murdock og stelpurnar sem hún þjálfar í meistaraflokki KFÍ eiga möguleika á að spila til úrslita í deildinni. Ljósmynd: Karfan.is.

Kvennalið KFÍ hefur staðið sig vel í vetur og eru stelpurnar í báráttunni um að vera annað tveggja liða deildarinnar sem spilar um laust sæti í úrvalsdeild á næsta tímabili. Úrslitin geta ráðist nú um helgina en þá mæta stelpurnar bæði toppliði Njarðvíkur, sem ekki hefur tapað leik á tímabilinu, og liði Stjörnunnar sem er í öðru til þriðja sæti deildarinnar ásamt KFÍ.

Lokaleikur tímabilsins hjá strákunum

Nebojsa Knezevic hefur verið á mikilli siglingu undanfarið.

Karlalið KFÍ mætir Hamri í lokaumferð 1. deildar karla í körfubolta föstudaginn 20. mars klukkan 19.15 á Torfnesi. Strákarnir eru staðráðnir í að enda tímabilið með sigri hér heima og þá skiptir stuðningur áhorfenda máli.

Hamar er í öðru sæti deildarinnar með jafnmörg stig og Valur sem situr í þriðja sæti. KFÍ og Hamar hafa mæst tvisvar í vetur. Fyrri leikurinn fór fram í Hveragerði og unnu Hamarsmenn hann nokkuð sannfærandi. Seinni leikurinn fór hinsvegar fram hér á Ísafirði og tapaðist hann naumlega með 4 stigum. Okkar menn hafa því harma að hefna og hafa með framistöðunni í seinni leiknum sýnt að þeir get alveg unnið sterkt lið Hamars.

Hvetjum alla til að mæta á Jakann og styðja við bakið á strákunum í þessum síðasta leik tímabilsins!

Kveikt verður á Muurikka pönnunni og hamborgarar steiktir í svanga gesti kl. 18:30 svo það er óþarfi að elda heima og hægt að skella sér beint á leikinn.

Að vanda verður leikurinn sýndur beint á KFÍ-TV.

Stórleikur Nebojsa og Birgis dugði ekki til á Hlíðarenda

Nebojsa átti stórleik á föstudaginn. Ljósmynd: Ingvi Stígsson.

Karlalið KFÍ mætti Valsmönnum á Hlíðarenda síðastliðið föstudagskvöldi. Lið KFÍ var nokkuð þunnskipað þar sem fjórir lykilleikmenn þurftu að sitja heima. Þrátt fyrir að vera með vanægbrotið lið gáfu leikmenn sig alla í verkefnið og var leikurinn spennandi á loka mínútunum og litlu munaði að KFÍ næði að stela sigrinum en lokatölur urðu 94-92 Valsmönnum í vil. 

Mót á Torfnesi fyrir káta krakka í 1.-4. bekk

Á sunnudaginn kemur, 15. mars, heldur KFÍ stutt og skemmtilegt körfuboltamót í íþróttahúsinu á Torfnesi fyrir krakka í 1.-4. bekk grunnskóla. Mótið hefst kl. 10 á sunnudagsmorgun og stendur til 12 á hádegi. Með mótinu lýkur síðara körfuboltatímabil vetrarins í íþróttaskóla HSV og eru því krakkarnir í íþróttaskólanum boðnir sérstaklega velkomnir. Mótið er þó opið öllum áhugasömum börnum á þessum aldri á norðanverðum Vestfjörðum, hvort sem þau hafa áður spreytt sig í körfubolta eða ekki, og lofum við fjöri og góðri skemmtun.

Ekkert þátttökugjald verður innheimt en allir fara heim með verðlaun í mótslok.