Sigur hjá Vestra í baráttuleik á móti Fylki í 1. deild kvk í blaki

Blak | 05.02.2017

Vestrakonur unnu Fylki 3-2 í miklum baráttuleik í Torfnesi á laugardag. Úrslitahrinan vannst með minnsta mögulega mun, 15-13. Leikurinn var jafn og spennandi allan tímann og mikil barátta í báðum liðum. 

Í lið Vestra vantaði sterka leikmenn sem hafa verið lykilmenn í vetur, en það sýndi sig að breiddin í hópnum er nægjanlega mikil til að klára svona leiki og fengu bæði ungar og gamlar að spreyta sig í nýjum hlutverkum. Sigurinn var liðssigur og baráttusigur, en það má nefna að efnilegasti íþróttamaður Ísafjarðarbæjar 2016, Auður Líf Benediktsdóttir, átti mjög góðan leik og skoraði grimmt fyrir liðið.

 

 

Deila