Nú er komið jólafrí í krakkablakinu, æfingar hefjast svo aftur 5.janúar.
NánarJólamót Vestfjarða fór fram á Þingeyri laugardaginn 13. desember. Tæplega 60 krakkar frá Þingeyri, Suðureyri og Ísafirði tóku þátt og voru keppendur á aldrinum frá 7 og upp í 16 ára. Mótið heppnaðist einstaklega vel og ótrúlegt hvað krakkarnir eru orðnir duglegir í blaki. Spilað var á stigi 1, 2 og 3. Á stigum 1 og 2 er boltanum kastað yfir netið en á stigi 2 þarf þó að taka blakslag og grípa til að frelsa liðsfélaga sinn. Á þriðja stigi er spilað venjulegt blak, nema að annar bolti er gripinn og það verða að vera þrjár snertingar hjá hvoru liði. Elstu krakkarnir á Þingeyri eru komin mjög langt í blakinu og í lok mótsins bauð úrvalslið þeirra í þjálfarana. Þá var spilað krakkablak á 4. stigi sem er venjulegt blak með fjórum leikmönnum í liði á badmintonvelli. Þjálfararnir unnu í þetta sinn, en það er ljóst að ef leikurinn verður endurtekinn að ári gætu úrslitin orðið allt önnur. Eftir mótið fengu allir úlnliðsband merktu sínu félagi, samlokur, ávexti og smákökur.
Margir brugðu sér í laugina áður en haldið var heim á leið.
Jólamót félagsins í fullorðinsblaki var haldið s.l. sunnudag og var þátttaka í mótinu mjög góð, en alls mættu 29 blakarar til keppni og var spilað í sjö liðum.
Það var liðið Hurðaskellir sem sigraði á mótinu eftir að hafa lagt Bjúgnakræki að velli í æsispennandi úrslitaleik.
Kertasníkir og Stekkjarstaur spiluðu um 3. sætið og þar hafði Kertasníkir betur.
Bjúgnakrækir fékk verðlaun fyrir bestu búningana og var jafnframt valið smasslið mótsins, ýmis önnur aukaverðlaun voru einnig veitt s.s. fyrir knattspyrnutilþrif mótsins en liðið Gluggagægir fékk þau verðlaun.
Engin pönnukaka leit dagsins ljós en hávörn mótsins átti Ari Klængur og Gunnar Bjarni og Þorgerður voru tilþrifapar mótsins :)
Mótið þótti heppnast vel og stendur til að endurtaka mótið að ári.
Fleiri myndir frá mótinu er að finna á myndasíðunni.
Leikjaniðurröðun
3. stig: Hver leikur er ein hrina upp í 25 stig. Tvö stig þurfa að aðskilja liðin upp að 27 stigum.
2. stig: Hver leikur er 10 mínútur.
1. stig: Hver leikur er 7 mínútur.
Mótið er opið öllum fullorðnum einstaklingum sem eitthvað hafa spilað blak í gegnum tíðina. Þetta er kjörið tækifæri til að hreyfa sig ærlega á milli jólahlaðborða og smákökuáts!
Mótið hefst kl.13:30 og lýkur ekki seinna en kl. 17:00
Keppt verður í fjögurra manna liðum og verður þátttakendum raðað í fjóra styrkleikaflokka af þjálfara félagsins og síðan verður dregið í lið, (einn úr hverjum styrkleikaflokki í hvert lið) Keppni ætti því að verða jöfn og spennandi.
Vegleg verðlaun verða veitt fyrir þrjú efstu sætin og að auki verða ýmis aukaverðlaun, s.s. fyrir jólalegustu búningana, pönnuköku mótsins, o.fl.
Þeir sem vilja æfa sig fyrir mótið eru velkomnir á æfingu hjá félaginu en upplýsingar um æfingatímana eru hér á síðunni undir tenglinum: fullorðinsblak
Þeir sem hafa áhuga á að taka þátt eru beðnir um að skrá sig með því að senda tölvupóst á netfangið:asdisbirna@simnet.is
skráningu lýkur á miðnætti 10.desember.
Stjórnin
Harpa Grímsdóttir aðalþjálfari félagsins er 35 ára í dag, við óskum henni hjartanlega til hamingju afmælið
og vonum að hún njóti dagsins :)