Blak | 21.04.2009
Margrét Eyjólfsdóttir fyrrverandi formaður félagsins og skella til margra ára er fimmtug í dag.
Við sendum henni hamingjuóskir í tilefni dagsins og vonum að hún eigi góðan dag í Skógarhlíð
Nánar
Blak | 15.04.2009
Hér að neðan er ferðasaga ótrúlega duglegra blakkrakka sem fóru í ævintýraferð til Ólafsvíkur:
Föstudagur:
Lagt var af stað um klukkan 13:30 frá íþróttahúsinu Torfnesi. Bílstjóri var Friðfinnur frá Þingeyri og var setið í öllum sætum í 25 manna rútunni. Stoppað var einu sinni við eyðibýli í Djúpinu til að pissa - og kom þá í ljós að stelpur nú til dags kunna ekki að pissa úti :-) En eftir smá vangaveltur og nokkrar tilraunir tókst þetta hjá flestum. Stoppað var í sjoppunum á Hólmavík og í Búðardal. Ferðin var löng, milli 8 og 9 klukkustundir, en bíómyndir styttu okkur stundir á leiðinni og var Ívar Tumi tæknimaður ferðarinnar.
Nánar
Blak | 06.04.2009
Friðfinnur er búinn að fá bróður sinn til að skutlast með sig á snjóbílnum að sækja farangurinn í rútuna. Það er ekki hægt að fara í það alveg strax, en vonandi í dag fyrir myrkur. Friðfinnur mun síðan koma farangrinum hingað í íþróttahúsið á Torfnesi. Þetta ætti því vonandi að verða komið í kvöld, en við munum senda SMS þegar það gerist.
Kveðja,
Harpa
Nánar
Blak | 06.04.2009
Þá er skemmtilegri og ævintýralegri blakferð lokið og allir þreyttir en vonandi sáttir og sælir. Tekin var ákvörðun um að taka Baldur heim og koma yfir Dynjandis- og Hrafnseyrarheiðar. Við vonuðumst til þess að klárað yrði að moka Hrafnseyrarheiði, en vorum annars með plan B sem var að fá snjóbíl á móti okkur og ferja okkur yfir þennan stutta kafla. Í ljós kom að við þurftum að nota það plan og gekk það mjög vel. Til að flýta ferðinni gengum við af stað á móti snjóbílnum, enda blíða á heiðinni, og skildum farangurinn eftir í rútunni. Tekið skal fram að snjóbíllinn fór gamla vetrarveginn þar sem ekki var snjóflóðahætta á ferð.
Nú hefur verið hætt við að opna Hrafnseyrarheiði fyrir páska þannig að við þurfum að reyna að nálgast farangurinn í rútunni og látum ykkur vita þegar okkur hefur tekist að koma honum hingað til Ísafjarðar.
Setjum inn myndir og nánari ferðasögu mjög fljótlega.
Kveðja, Harpa
Nánar
Blak | 01.04.2009
Ákveðið hefur verið að halda lauflétt páskamót í blaki í íþróttahúsinu á Suðureyri föstudaginn langa kl 10.30 og mun standa fram eftir degi.
Nánar
Blak | 31.03.2009
Farið verður frá Ísafirði föstudaginn 3. apríl kl. 13:00 ef keyra þarf alla leið, annars kl. 15:00 ef fært verður í Baldur.
Verð á barn er 6.000 kr , innifalið í því er:
Rútan, morgunmatur á laugardag og sunnudag, pizzuveisla á laugardag, hressing á föstudagskvöldið, gisting (gist verður í skólanum).
Nánar
Blak | 27.03.2009
Þann 25. mars s.l. var aðalfundur félagsins haldinn.
Í skýrslum stjórnar kom fram að árið 2008 hafi verið viðburðaríkt í meira lagi. Sem kunnugt er hélt félagið 33. Öldungamót Blaksambands Íslands síðastliðið vor í Ísafjarðabæ og Bolungarvík. Um er að ræða eitt stærsta íþróttamót sem haldið hefur verið á Vestfjörðum. Mótið var gríðarlega góð kynning á íþróttinni og hefur aukið áhuga á blaki hér á svæðinu mikið. Félagið heldur úti starfi fyrir krakka á aldrinum 6 til 14 ára á Ísafirði og Suðureyri, en framundan er keppnisferðalag á Snæfellsnes. Í blaki fullorðinna eru æfingar á fullu þessa dagana fyrir næsta öldungamót sem haldið verður á Egilsstöðum og Seyðisfirði. Væntanlega verða keppendur frá félaginu í þremur liðum á því móti. Einnig er vert að geta þess að kvennalið frá Skelli hefur í vetur og fyrravetur keppt á Íslandsmótinu í 3. deild í blaki. Samkvæmt lögum félagsins var kosið um þrjá stjórnarmenn, formann til eins árs og aðra tvo til tveggja ára. Harpa Grímsdóttir gaf ekki kost á sér til áframhaldandi stjórnarsetu og í hennar stað kom inn Gunnar Bjarni Guðmundsson. Ný stjórn er því þannig skipuð;
Sigurður Hreinsson formaður, Gunnar Bjarni Guðmundsson varaformaður,
Þorgerður Karlsdóttir gjaldkeri,
Sólveig Pálsdóttir ritari
Ásdís B. Pálsdóttir meðstjórnandi.
Á fundinum var skipuð nefnd sem falið er að endurskoða lög félagsins m.a. með það að markmiði að tryggja betur stöðu yngriflokkastarfsins. Mikil þörf er á að auka þáttöku foreldra í því starfi og var því talið nauðsynlegt að endurskoða lög félagsins. Nefndin á að skila af sér í lok maí. Aðalfundurinn var undir styrkri fundarstjórn Jóns Páls Hreinssonar formanns HSV, og færum við honum bestu þakkir fyrir.
Nánar
Blak | 23.03.2009
Ákveðið hefur verið að fara í ferðalag með blakkrakkana á Suðureyri og Ísafirði. Ferðinni er heitið til Ólafsvíkur og verður farið af stað föstudaginn 3. apríl og komið heim sunnudaginn 5. apríl. Þegar hafa margir skráð sig í ferðina, en síðasti séns til að láta vita er 23. mars.
Farið verður með rútu. Vonandi verður opið yfir Hrafnseyrar- og Dynjandisheiði, en þá munum við taka Baldur. Annars verður keyrt alla leið. Miðað er við að ferðin muni kosta kr. 6000 á hvert barn.
Nánari útfærsla ferðarinnar verður kynnt síðar.
Þjálfarar
Nánar
Blak | 15.03.2009
Aðalfundur Blakfélagsins Skells verður haldinn miðvikudaginn 25 mars.
Fundurinn verður haldinn í fundarsal Íþróttahússins á Torfnesi á annari hæð og hefst kl 20.00.
Dagskrá fundarins eru hefðbundin aðalfundarstörf, í stuttu máli;
- Skýrslur stjórnar.
- Kosning formanns, tveggja stjórnarmanna og tveggja varamanna í stjórn.
- Önnur mál.
Foreldrar blak-krakka undir 14 ára, er sérstaklega bent á að þeir eru fulltrúar þeirra á slíkum fundum.
Allir félagar eru hvattir til að mæta á fundinn og hafa áhrif á starf félagsins.
Stjórnin
Nánar
Blak | 03.03.2009
Þar sem Íþróttahúsið á Torfnesi verður lokað það sem eftir lifir dags vegna veðurs og ófærðar þá fellur æfingin í kvöld niður :(
Nánar