Fréttir

Forystan eykst enn á toppnum

Getraunir | 18.02.2021

Ágætur árangur var hjá vestfirksum tippurum um liðna helgi.  Einar 7 ellefur skiluðu sér í hús og var knattspyrnukappinn Andri Rúnar með flestar tíur með og hlaut kr. 5.000 í vinning.  Andri Rúnar leikur fyrir Skúrinn.

Hin stóru liðin náðu ekki nema 10 réttum og því auka Skúrverjar við forystu sína á toppnum, eru nú með fjögurra stiga forystu á næsta lið sem er team HG, Hampiðjumenn koma svo þremur stigum þar á eftir.

Annars má sjá árangur keppenda og stöðuna í leiknum hér  Vorleikur er 17 vikna leikur, 14 bestu telja.

Stóri pottur náði ekki nema 10 réttum sem skilaði ekki miklu.  Sérfræðingar okkar áttu slæman dag þrátt fyrir að hafa leitað ráða hjá Samma, gengur betur næst.  Vorum reyndar með 11 leiki rétta en kerfið hélt ekki.

Næsti seðill er erfiður venju samkvæmt, 3 leikir úr efstu deild og 10 úr þeirri næstu.  Næsta seðil má finna hér.

Nefndin verður á sínum stað í Skúrnum á laugardaginn frá 12 - 13.30 að taka við röðum. 

Minnum keppendur að skila röðum inn tímanlega til að auðvelda vinnuna.  Enn er opið fyrir ný framlög í stóra pottinn, dragið endilega fleiri inn, ágætis vinningslíkur auk þess sem stór hluti af andvirði seldra raða rennur beint til Vestra.

Enski boltinn verður í beinni hjá Dóra, sjá hér á síðu Símans hvað verður í boði

Deila