KSÍ hefur tekið í notkun nýtt miðasölukerfi sem verður virkjað í fyrsta sinn á þessum leik. Leikurinn fer fram á Laugardalsvelli þriðjudaginn 3. júní kl. 18:00 og er um að ræða fyrsta leikinn á nýjum (hybrid) leikfleti Laugardalsvallar.

Unnið hefur verið hörðum höndum að innleiðingu nýja miðakerfisins síðustu vikur til að ná að virkja það fyrir leikinn við Frakkland.

Viðbúið er að einhverjir hnökrar verði fyrst um sinn og KSÍ biðlar til miðakaupenda um að sýna því skilning. Hafið endilega samband við KSÍ ef ástæða er til með tölvupósti (midasala@ksi.is) og erindinu verður svarað eins fljótt og mögulegt er.

 

Leikurinn við Frakkland er seinni leikur íslenska liðsins í komandi leikjaglugga, en fyrst leikur liðið gegn Noregi ytra föstudaginn 30. maí kl. 18:00 að íslenskum tíma. Báðir leikirnir eru í beinni sjónvarpsútsendingu á RÚV og eru þetta síðustu leikirnir í Þjóðadeild UEFA þetta árið.

 

Kauptu miða í Austurstúku og styrktu þitt félag í leiðinni.

Í tengslum við leik Íslands og Frakklands hefur KSÍ ákveðið að setja upp sérstakt hvatakerfi til fjáröflunar fyrir aðildarfélög. Við miðakaup á leikinn getur kaupandinn skráð sitt félag (promotional code (skrifa VESTRI)), og félagið fær þá 20% af andvirði miðans. Athugið að í hvatakerfinu er eingöngu um miða í Austurstúku að ræða.

Smelltu hér til að kaupa miða.

 

ÁFRAM ÍSLAND OG ÁFRAM VESTRI