Stór helgi hjá krökkunum í fótboltanum

Knattspyrna | 15.08.2017

Síðasta helgi var mjög viðamikil og skemmtuleg fyrir fótboltakrakkana.  

Yngstu iðkendurnir í 8.flokki fóru á Arionbankamót Víkings í Reykjavík og sömuleiðis 7.fl drengja.  Mótið er frábært mót fyrir yngstu iðkendur Vestra þar sem mótið er keyrt í gegn á nokkuð skömmum tíma og fá krakkarnir fullt af leikjum.  Vestri hefur sent iðkendur á þetta mót undanfarin ár og alltaf heppnast stórvel.  

Stelpurnar okkkar í 6.fl og 7.fl fóru svo á Pæjumótið á Siglufirði og kepptu þar í frábæru veðri við góðar aðstæður.  Þær skemmtu sér alveg frábærlega og stóðu sig mjög vel.  Gaman að sjá hveru mikil aukning hefur verið á æfingum hjá þessum aldurshópum í sumar og hveru miklum framförum stelpurnar hafa tekið.  

Strákarnir í 6.flokki fóru svo á Sauðárkrók á Króksmótið og spiluðu þar alla helgina í blíðunni sem var um mest allt land. Þetta er stór hópur stráka sem fóru fyrr í sumar til Vestmannaeyja.  Þetta er flottur hópur og stóðu þeir sig frábærlega.

Strákarnir í Vestra 1 gerðu sér lítið fyrir og unnu sína deild og skoruðu gullmark í framlengingu í úrslitaleik.  Hin liðin stóðu sig einnig vel og enduðu í 4 og 5 sæti eftur úrslitakeppni á sunnudeginum.  

Strákarnir stóðu sig ekki bara vel innan vallar heldur líka utan vallar og fengu þeir á verðlaunaafhendingu háttvísisverðlaun KSÍ fyrir frábæra hegðun og framkomu á mótinu.  

Flott hjá þeim.  Framtíðin er svo sannarlega björt hjá okkur.  

Deila