Tilboðsdagur Jako á morgun

Jako verður með tilboðsdag og sölu á Vestrafatnaði í anddyri íþróttahússins Torfnesi frá 16:00 til 19:00 mánudaginn 3. október.

Dómaranámskeið á Ísafirði

Knattspyrnudómaranámskeið verður haldið í Vallarhúsinu við Olísvöllinn á sunnudaginn, 18. september, klukkan 12:30. Öllum þeim sem hafa áhuga á dómgæslu eru velkomið að mæta á námskeiðið.

Patrik Duda valinn í Hæfileikamótun KSÍ

Patrik Duda hefur verið valinn í Hæfileikamótun drengja hjá KSÍ dagana 14.-16. september. Æfingarnar fara fram í Miðgarði.

Við óskum Patrik til hamingju með valið!

KSÍ C1 þjálfaranámskeið

Dagana 16.-18. september 2022 verður KSÍ C1 þjálfaranámskeið kennt hér á Ísafirði. 

Námskeiðið er fyrir alla áhugasama og engin skilyrði fyrir þekkingu eða reynslu í knattspyrnuþjálfun.

Námskeiðsgjald er 21.000kr,-

Við hvetjum alla áhugasama til að skrá sig og vera með okkur í þessu. Aldurstakmark á námskeiðið miðast við að þátttakendur séu fæddir árið 2007 og fyrr.

Skráning á námskeiðið fer fram hér.

Einnig er hægt að sækja um styrk fyrir námskeiðinu. Styrktarbeiðnir má senda á margeir@vestri.is.

Heimsókn KSÍ

1 af 4

Í vikunni fengum við góða heimsókn frá KSÍ þar sem þeir Jörundur Áki og Lúðvík Gunnarsson komu Vestur og tóku æfingu með þjálfurum og iðkendum í 3. og 4.flokki kvenna og karla. 

Lúðvík sér um hæfileikamótun KSÍ og Jörundur Áki er þjálfari U17 landsliðs karla og einnig gegnir hann stöðu yfirmanns knattspyrnusmála. Báðir hafa þeir mikla og breiða reynslu af knattspyrnuþjálfun. 

Það var frábær mæting á æfinguna, sem var bæði skemmtileg og krefjandi. 

Eftir æfinguna var fundað með forsvarsmönnum yngri flokka knattspyrnudeildar Vestra og farið yfir stöðuna. Það kom líklega ekki mikið á óvart, en þeir höfðu orð á því hvað aðstöðumálin væru í slæmu standi á svæðinu. 

Við erum samt sem áður bjartsýn, við höldum í vonina um að betri og bættari aðstæður séu handan við hornið. 

Knattspyrnudeildin þakkar þeim félögum kærlega fyrir góða heimsókn og hlakkar til að taka aftur á móti þeim að ári. 

Von um stofnun meistaraflokks kvenna hjá knattspyrnudeild Vestra - Allar hendur upp á dekk

Meistaraflokkur kvenna í knattspyrnu hefur ekki verið hjá félaginu í þó nokkur ár núna. Það eru þó öflugir og áhugasamir iðkendur og foreldrar sem standa þétt við bakið á þeim sem eiga sér þann draum að koma á fót meistaraflokk kvenna á næsta tímabili. Kvennaknattspyrnan hefur verið í örum vexti og ekki skemmir fyrir gott gengi íslenska kvennalandsliðsins í knattspyrnu.

Þess má geta að verður þessi hópur þá fyrsti meistaraflokkur kvenna í knattspyrnu til að spila undir merkjum Vestra. 

Knattspyrnudeild horfði mikið upp til körfuknattleiksdeildarinnar þegar þau komu á fót meistaraflokksráði kvenna eftir nokkurt hlé. Við vonum innilega að með tímanum takist það aftur að halda þeirri mikilvægu vinnu áfram, þó að það verði ekki starfræktur meistaraflokkur kvenna hjá þeim í vetur. 

Á morgun, fimmtudaginn 25.ágúst klukkan 18:30 verður fundur í Vallarhúsinu við Torfnes þar sem að við freistum þess að ná saman góðum og öflugum hóp foreldra, iðkenda og annarra áhugasamra einstaklinga til þess að koma í þetta ævintýri með okkur. 

Það er mikilvægt fyrir svæðið okkar að hér sé starfræktur meistaraflokkur kvenna líkt og karla, í öllum íþróttagreinum. 

Við hvetjum alla áhugasama til að koma með okkur á fund á morgun og leggja sitt af mörkum. 

Áfram Vestri !

Nýjar æfingatölfur og nýtt tímabil að hefjast

1 af 3

Þá eru skólarnir byrjaðir og flest allt að komast í sínar föstu skorður. Það sama á við um íþróttaæfingarnar. 

Nú hefur knattspyrnudeildin gefið út æfingatöflur sínar, en þær eru þrjár talsins. Á morgun, miðvikudaginn 24.ágúst hefjast æfingar samkvæmt hausttöflunni okkar. En hausttaflan tekur mið af því að við erum ennþá að æfa úti, en skólarnir eru byrjaðir. Þegar veður og aðstæður bjóða okkur ekki lengur upp á það að vera úti, þá skiptum við yfir í vetrartöfluna en hún tekur mið af því að við séum að æfa inni og skólar í gangi. Um leið og færi gefst þá færum við okkur aftur út og þá förum við eftir vortöflu. Vortaflan okkar miðast við að skólar séu í gangi og við séum að æfa úti, hún er eins uppsett og hausttaflan. Þegar skólarnir eru svo búnir förum við í sumartöfluna. 

Það eru margar töflur sem við þurfum að vera með í gangi, því að við viljum reyna eftir fremsta megni að æfa úti en ekki inni á parketinu. Við upplýsum tímanlega á flokkasíðum félagsins þegar breytingar verða á. 

Við hlökkum til komandi tímabils með okkar stóra hóp af frábærum iðkendum og þeirra fylgifiskum. 

Áfram Vestri !

Frábær frammistaða Vestra liðanna á Rey Cup 2022

4.fl.kk

4.fl.kvk

3.fl.kvk

1 af 3

Nú í lok júlí var haldið hið árlega stórmót Rey Cup í Reykjavík. Vestri sendi fjögur lið til leiks, tvö kvenna lið og tvö karla lið. 

Það er skemmst frá því að segja að öll liðin stóðu sig með stakri prýði og voru félaginu til sóma í einu og öllu. 

3.fl.kvenna lenti í 6. sæti í a-liða keppni og 4.fl.kvenna lenti í 6. sæti í b-liða keppni. 

3.fl. karla lenti í 3. sæti í b-liða keppni og drengirnir í 4.fl. gerðu sér lítið fyrir og unnu sinn riðil í b-liða keppni og komu því heim með bikarinn. 

Frábær frammistaða hjá öllum liðum sem voru til fyrirmyndar á mótinu. Ekki má gleyma að tala um þjálfara Vestra, foreldra, fararstjóra og sjálfboðaliða sem stóðu sig virkilega vel í öllum þeirra verkefnum. Án þessa hóps væri félagið snautt. 

Við óskum öllum þessum flottu iðkendum til hamingju með árangurinn, það verður gaman að fylgjast með þeim í framtíðinni. 

Áfram Vestri ! 

Heimsókn miðvikudaginn 6.júlí - fyrir alla

Á morgun, miðvikudaginn 6.júlí fáum við frábæra heimsókn til okkar á sparkvöllinn við Grunnskólann á Ísafirði. Tilefni heimsóknarinnar er að þennan dag hefst EM í knattspyrnu og okkar frábæra íslenska kvennalandslið í er að taka þátt í mótinu 

Saga kvennaknattspyrnunnar á Íslandi byrjar hér á Ísafirði, en árið 1914 var stofnað fyrsta fótboltafélag kvenna, knattspyrnufélagið Hvöt. Þar sem að saga kvennaknattspyrnunnar hófst hér á Ísafirði, ákvað Icelandair að gera eitthvað skemmtilegt hér á væðinu. Úr varð að gervigrasvöllurinn við Grunnskólann á Ísafirði fær flotta upplyftingu.

Það verður því allskonar húllumhæ klukkan 15:00 á miðvikudaginn. Allir iðkendur eru hvattir til að mæta, klædd Vestra fatnaði og taka með sér foreldrar, systkini, ömmur, afar, frænkur og frændur. 

Allir bæjarbúar eru velkomnir á þennan viðburð. 

Áfram Vestri og Áfram Ísland !

Knattspyrnuhús á Torfnesi - heimasíða

Nú er komin í loftið heimasíðan Fótboltahús - Vestri.is sem vert er að skoða. 

Á síðunni má finna nokkur orð um knattspyrnuhús á Torfnesi, en einnig má þar sjá reikningsupplýsingar. Tilgangur síðunnar er að halda á lofti og minna á þá miklu þörf fyrir bættar aðstæður til íþróttaiðkunar á svæðinu. Leitað er allra leiða til að fá aðstoð við að fjármagna verkefnið og því var ákveðið að stofna reikning í nafni aðalstjórnar Vestra, setja síðuna í loftið og leita til fyrirtækja, einstaklinga, sveitarfélaga o.s.frv. til að styðja bakið á okkur í þessu verðuga verkefni. 

Eins og sagt er í textanum á heimasíðunni: 

"Lengi hefur verið rætt um byggingu knattspyrnuhúss á Torfnesi og hin seinni ár gert ráð fyrir byggingu íþróttahúss í fjárhagsáætlunum sveitarfélagsins en því miður hefur ekkert orðið úr framkvæmdum af ýmsum ástæðum. Oft var þörf en nú er nauðsyn og þetta verkefni má ekki bíða lengur. Við ætlum að leita allra leiða til að byggja upp aðstöðu eins og þær gerast bestar á landinu og við getum verið stolt af. Til þess þurfum við fleiri í lið með okkur og óskum því eftir aðstoð frá einstaklingum, fyrirtækjum, félagasamtökum, sveitarfélögum og öllum þeim sem vilja taka þátt í þessu stóra verkefni með okkur, ekki bara til hagsbóta fyrir íþróttafólkið okkar heldur samfélagið allt."