Fréttir - Knattspyrna

Vel heppnað 77.ársþing KSÍ um liðna helgi á Ísafirði

Knattspyrna | 28.02.2023

77. ársþing KSÍ var haldið á Ísafirði dagana 24. og 25. febrúar sl. Hófst það á málþingi um stöðu knattspyrnunnar á landsbyggðinni og áherslum í starfi landsliða sem var vel sótt og umræður líflegar.

Þingið sjálft hófst síðan kl. 11 laugardaginn 25. febrúar í íþróttahúsinu við Torfnes og voru þinggestir rúmlega 100 talsins sem er óvenju fámennt, en auðvitað gerir fjarlægðin fjöllin blá og langt til Ísafjarðar og hafði það talsverð áhrif á ferðaskrekkta fulltrúa. Þingið fór vel og friðsamlega fram en þar bar helst til fregna að gera þurfti nokkrar lagabreytingar að kröfu UEFA og fór það í gegn án mikilla mótbára. Að öðru leyti voru störf nokkuð hefðbundin og framíköll fá.

Að þingi loknu var haldið samsæti fyrir þingfulltrúa og gesti þar sem fram var reiddur dýrindis matur. Þar bar líka við að í þetta sinn, sem er nokkuð sögulegt, var veittur heiðurskross KSÍ og, eins og Klara Bjartmarz, framkvæmdastýra sambandsins sagði við það tækifæri: Það þarf talsvert til að hljóta slíka vegtyllu. Kom það engum á óvart að loksins var komið að okkar manni, hinum ötula talsmanni knattspyrnunnar á öllum sviðum (og miklu fleiri íþrótta, ef út í það er farið) – Jóhanni Króknes Torfasyni - Jóa Torfa, að taka við gullmerkinu úr hendi formannsins Vöndu Sigurgeirsdóttur. Jói hefur verið óþreytandi í starfi fyrir íþróttina á Vestfjörðum og landsvísu og til marks um sannleiksgildi þessa vals, risu allir viðstaddir úr sætum og hylltu viðtakandann með dynjandi lófataki enda ekki nokkur fótboltaunnandi á Íslandi sem ekki hefur heyrt um Jóa Torfa.

Knattspyrnudeild Vestra vill þakka stjórn og starfsfólki KSÍ það traust að hafa leyft okkur að halda 77. ársþingið hér fyrir vestan og öllum þeim sem heiðruðu okkur með heimsókn hingað og návist meðan á dagskrá þingsins stóð. Við þökkum líka öllum þeim sem að samkomuhaldinu komu. Verkefnið var stórt en í hverju verkefni var vel valið fólk sem sá til þess að allt saman tókst þetta virkilega vel.

Kærar kveðjur frá Stjórn Vestra og þakkir fyrir ánægjulegt þing,  uppörvandi og skemmtileg samskipti og umræður og frábæra skemmtun.

Nánar

Morten, Mikkel og Gustav til liðs við Vestra

Knattspyrna | 27.02.2023

Vestri hefur gengið frá samningum við þrjá danska leikmenn fyrir komandi tímabil, leikmennirnir eru þeir Morten Hansen, Mikkel Jakobsen og Gustav Kjeldsen.

Nánar

Fræðsluviðburður; Einelti, samskipti og forvarnir

Knattspyrna | 20.02.2023

Fimmtudaginn 23.febrúar mun KSÍ bjóða upp á fyrirlestur sem ber heitið Einelti, samskipti og forvarnir. Fyrirlesari er Vanda Sigurgeirsdóttir, formaður KSÍ, en Vanda hefur viðtæka þekkingu og reynslu af viðfangsefninu. 

Fyrirlesturinn er öllum opinn og verður á efri hæðinni í Vallarhúsinu á Torfnesi. Frítt er á fyrirlesturinn. Tímasetning viðburðar er 17:00 - 19:00

Viðfangsefnið er: 

Einelti og samskiptavandi

Jákvæðir og neikvæðir leiðtogar

Liðsandi 

Foreldrasamskipti

 

Að námskeiðinu loknu eiga þátttakendur að vera komnir með góða innsýn í:

Hvernig á að koma auga á, fyrirbyggja og taka á einelti og samskiptavanda í knattspyrnuliðum.  Hvernig hægt er að efla iðkendur sem jákvæða leiðtoga  Hvernig efla má liðsanda Hvernig stuðla má að jákvæðum foreldrasamskiptum.

 

Þjálfarar með KSÍ/UEFA þjálfararéttindi fá 4 endurmenntunarstig fyrir að sitja fyrirlesturinn. KSÍ hvetur einnig fólk í stjórnum knattspyrnudeilda og barna- og unglingaráða til mæta á fyrirlesturinn. 

Óskað er eftir því að áhugsamir skrái sig á viðburðinn hér:  https://forms.gle/19s8sBehfwSwcVtS8 

Nánar

Vetrafrí og ársþing KSÍ

Knattspyrna | 16.02.2023

Vetrafrí yngri hófst núna í gær og stendur fram á sunnudag. Við vonum að allir hafi það gott í fríinu og mæti nedurnærð á æfingar eftur helgi. 

Ársþing KSÍ verður síðan haldið hérna á Ísafirði helgina 24-26 febrúar. Það er heilmikil dagskrá í kringum þingið. Þingið sjálft er svo á laugardeginum sem endar með kvöldverði og skemmtun.

Fimmtudaginn 23. Febrúar mun KSÍ bjóða upp á fyrirlestur sem ber heitið Einelti, samskipti og forvarnir. Fyrirlesari er Vanda Sigurgeirsdóttir, formaður KSÍ, en Vanda hefur víðtæka þekkingu og reynslu af viðfangsefninu.

 

Fyrirlesturinn verður kl. 17:00-19:00 á efri hæð í Vallahúsi Vestra á Torfunesi. Frítt er á fyrirlesturinn.

 

Viðfangsefni:

Einelti og samskiptavandi

Jákvæðir og neikvæðir leiðtogar

Liðsandi

Foreldrasamskipti

 

Að námskeiðinu loknu eiga þátttakendur að vera komnir með góða innsýn í:

 

  1. Hvernig á að koma auga á, fyrirbyggja og taka á einelti og samskiptavanda í knattspyrnuliðum. 
  2. Hvernig hægt er að efla iðkendur sem jákvæða leiðtoga 
  3. Hvernig efla má liðsanda
  4. Hvernig stuðla má að jákvæðum foreldrasamskiptum

 

Þjálfarar með KSÍ/UEFA þjálfararéttindi fá 4 endurmenntunarstig fyrir að sitja fyrirlesturinn. KSÍ hvetur einnig fólk í stjórnum knattspyrnudeilda og barna- og unglingaráða til mæta á fyrirlesturinn .

 

Hér er skráningarlinkur á viðburðinn - https://forms.gle/19s8sBehfwSwcVtS8 



Nánar

Benedikt Warén aftur kominn vestur!

Knattspyrna | 29.01.2023

Benedikt Warén kemur aftur vestur!

Nánar

Ívar Breki framlengir!

Knattspyrna | 27.01.2023
Ívar Breki og Davíð Smári handsala samninginn
Ívar Breki og Davíð Smári handsala samninginn

Ívar Breki Helgason hefur framlengt samning sinn við Vestra um tvö ár.

Nánar

Deniz Yaldir framlengir við Vestra!

Knattspyrna | 20.01.2023

Deniz Yaldir hefur skrifað undir nýjan tveggja ára samning við Vestra.

Nánar

Fatai Gbadamosi gengur til liðs við Vestra!

Knattspyrna | 03.01.2023

Vestri og Kórdrengir hafa náð samkomulagi um að félagsskipti Fatai Gbadamosi frá Kórdrengjum til Vestra.

Nánar

Opnunartími í Vallarhúsinu 14. 15. og 16. desember

Knattspyrna | 13.12.2022

Opið verður í Vallarhúsinu 14. - 16. desember frá klukkan 10:00 - 15:00. 

Við bjóðum upp á kaffi, piparkökur og súkkulaði, ýmis spil á borðum, PS5 tölva í salnum, jólapúsl o.fl. Allir velkomnir. 

Knattspyrnudeild Vestra hefur einnig til sölu Vestra varning ásamt legghlífum og gripsokkum sem henta sérstaklega vel í jólapakka fótboltabarna. 

 

Hafa má samband við Eyþór Bjarnason á eythor@vestri.is eða í síma 847-8113 ef einhverjar spurningar vakna.

Nánar

Pétur Bjarnason kveður Vestra

Knattspyrna | 07.12.2022
Pétur Bjarnason
Pétur Bjarnason

Pétur Bjarnason hefur ákveðið að söðla um og flytja til Reykjavíkur og mun því ekki leika með Vestra á næsta tímabil. Stjórn knattspyrnudeildar Vestra vill þakka Pétri fyrir öll þau góðu ár sem hann hefur leikið fyrir félagið og óskum við honum velfarnaðar hjá nýju félagi. Pétur hóf feril sinn árið 2014 þá aðeins 16 ára gamall og hefur leikið allan sinn feril fyrir vestan. Leikirnir eru orðnir 211 og mörkin 76 talsins. Gangi þér vel Pétur og takk fyrir allt!

Nánar