Elfar heilsar upp á KFÍ

Körfubolti | 17.10.2009 Elfar Einarsson frá Icelandic USA leit inn á æfingu KFÍ í vikunni, en þeir hafa verið traustir stuðningsaðilar félagsins í gegnum árin. Elfar þekkir vel til á Vestfjörðum, enda á hann ættir sínar að rekja til Súgandafjarðar.

Það er alltaf sérstaklega ánægjulegt að fá bakhjarla eins og Elfar í heimsókn, og fá tækifæri til þess að kynna honum starfið. Styrkleiki félags eins og KFÍ endurspeglar yfirleitt vel stuðninginn sem það nýtur í samfélaginu, nær og fjær. Þetta skilja þeir Elfar og félagar í Icelandic USA og við stöndum í þakkarskuld við þá eins og svo marga aðra styrktaraðila KFÍ.

KFÍ þakkar Elfari fyrir komuna og óskum við honum til hamingju með afmælisdaginn sem nálgast óðfluga.

Deila