Körfuboltabúðir KFÍ 2010
Körfubolti | 17.04.2010
Eins og áður hefur komið fram á síðunni verða körfuboltabúðir KFÍ haldnar dagana 6. - 12. júní. Undirbúningur er kominn á fullt og verður byrjað að taka við pöntunum mánudaginn 26. apríl.
Borce Ilievski verður yfirþjálfari búðanna líkt og í fyrra og mun dagskrá vera með svipuðu sniði og þá. 2 æfingar á dag og leikir á kvöldin. Samhliða námskeiðinu verður rekið þjálfaranámskeið og munu hver þjálfaranna fjögurra verða með tvö klukkustundar löng námsskeið. Efnistök og dagsetningar kynntar síðar. Búið var að kynna þjálfarana til leiks en rétt að gera það hér aftur:
Dragan Vasilov frá Makedóníu
Alejandro Martínez Plasencia frá Spáni
Tony Radic frá Króatíu, yfirþjálfari KK Otok Murter, Croatia. Á ferlinum hefur hann m.a. verið yfirþjálfari í efstu deild í Lúxembúrg, annari deildinni í Þýskalandi og verið aðstoðarþjálfari hjá ekki ófrægara liði en Los Angeles Clippers í sumar deildinni þar.
Nebosja Vidic frá Serbíu, en hann var einmitt með okkur í fyrra.
Búðirnar verða að sjálfsögðu í okkar glæsilega íþróttahúsi að Torfnesi. Boðið verður upp á gistingu á heimavist Menntaskólans sem er í næsta húsi. Þar verður mötuneyti búðanna til húsa.
Verðskrá búðanna 2010
Búðir með gistingu og fullu fæði kr. 45.000
Hægt er að sleppa fæði eða gistingu en þá er verð á hverjum þætti sem hér segir:
Körfuboltabúðir kr. 25.000
Gisting kr. 15.000
Fullt fæði kr. 12.000
Matarmiðar kr. 1.000 máltíðin
Minnibolti kr. 10.000
Systkinaafsláttur í boði.
Við munum bjóða upp á þá nýjung að vera með mini-camp fyrir minnibolta krakka á aldrinum 7-10 ára. Ein æfing á dag, klst. í senn, mánudag - föstudag.
11 ára og eldri eru gjaldgeng í fullar búðir, ekki reiknað með eldri en 18 ára.
Mikilvægt er að yngri þátttakendur séu í fylgd forráðamanna eða þjálfara, ekki verður unnt að taka við skráningum að öðurm kosti.
Verkefnisstjóri búðanna verður Kristján Kristjánsson framkvæmdastjóri Héraðssambands Vestfirðinga og mun hann gefa nánari upplýsingar í síma 450-8450.
Frekari fréttir munu síðan berast eftir þvi sem nær dregur.
Von okkar er að búðirnar í ár verði enn glæsilegri en þær voru í fyrra. Áhugasamir geta skoðað fréttir frá búðunum í fyrra í eldri fréttum á heimasíðunni.
Körfukveðja.
Unglingaráð KFÍ