Fréttir

Fréttir af sundfólki

Sund | 24.11.2009 Jæja þá er ÍM-25 lokið og hægt er að segja að sundfólkið okkar hafi staðið sig hreint frábærlega. Óhætt er að fullyrða að við eigum framtíðarsundfólk í okkar röðum og vil ég hvetja ykkur krakkar áfram á sömu braut. Við eru öll að fylgjast með ykkur og tökum vel eftir því sem að þið gerið. Við erum afar stolt af ykkur og megið þið vita að þið eruð til fyrirmyndar hvort sem það er ofaní lauginni eða á bakkanum.

Hér er umfjöllun BB af Vestrafélögun og árnagri Elenu Dísar:

Elena Dís var nálægt Íslandsmeti

Gullhópur Sundfélagsins Vestra á Ísafirði stóð sig vel á Íslandsmeistaramóti í sundi í 25 metra laug sem haldið var um helgina. Bestum árangri náði hin þrettán ára gamla Elena Dís Víðisdóttir sem hafnaði í 6. sæti í 50 metra skriðsundi. Hún synti á tímanum 27:93 sem er skammt frá Íslandsmeti telpna (14. ára og yngri) og er hún því komin í hóp hröðustu skriðsundskvenna landsins að sögn Benedikts Sigurðssonar, yfirþjálfara Vestra. „Hún er klárlega gríðarlegt efni í bæði landsliðs og Ólympíufara í framtíðinni ef fer sem horfir,“ segir Benedikt. Anna María Stefánsdóttir komst einnig í úrslit í 50m bringu en sund hennar var ógilt í úrslitu
Tekið af bb.is

En við fylgjumst einnig með gömlum "Vestra" púkum og getum sagt frá því að Bragi Vestrapúki gerði það gott á ÍM um helgina og varð þriðji íslendingurinn til þess að ná þeim árangri að synda 50m skriðsund undir 23. sekúndum. Við látum hér frétt fylgja með af BB:

Bragi fer til Færeyja

Ísfirski sundkappinn Bragi Þorsteinsson er meðal sextán íslenskra sundmanna sem halda til Færeyja undir lok vikunnar. Þar spreyta þeir sig í keppni við heimamenn í Þórshöfn um næstu helgi. Mótið er hluti af samvinnu Sundsambands Íslands og Færeyja sem áhugi hefur verið að auka. Jakob Jóhann Sveinsson er þrefaldur Íslandsmeistari í bringusundi og einn fremsti bringusundsmaður Norðurlanda um þessar mundir. „Aðrir keppendur Íslands koma úr hópi yngri og efnilegri sundmanna landsins. Þó er enginn úr þeim hópi sem tekur þátt í Norðurlandameistaramóti unglinga í byrjun desember né úr hópnum heldur á Evrópumeistaramótið í 25 m laug sem haldið verður í Istanbúl um miðjan desember,“ segir á mbl.is.

Bragi vakti snemma athygli sem einn af efnilegustu sundköppum Vestra á Ísafirði en hann fluttist burt til að geta náð enn betri árangri í íþróttinni. Hann æfir nú hjá Sundfélagi Hafnarfjarðar.

Tekið af bb.is
Deila