Aðalfundur hjólreiðadeildar Vestra 2022

Aðalfundur hjólreiðadeildar Vestra 2022 verður haldinn miðvikudaginn 27. apríl. Fundurinn verður haldinn í Slökkvistöð Ísafjarðar (Fjarðarstræti) og hefst kl. 19:30. 

Enduro Ísafjörður

Enduro Ísafjörður 2021 var haldið slíðastliðna helgi. Mótið heppnaðist vel, þrátt fyrir smá hnökra í tímatökubúnaðnum. Um 50 þátttakendur tóku þátt í mótinu og keppt var í 8 sérleiðum í sjö flokkum. 

Net fjallahjólabrauta hérna fyrir vestan er alltaf að stækka og tókst að bjóða keppendum uppá fjölbreytt leiðarval. Nýbreytni var í ár að hjólaskutlur (leigubílar) ferjuðu keppendur upp á heiði og upp á dal. 

Við viljum þakka keppendum kærlega fyrir komuna. Eins viljum við þakka sjálfboðaliðum hjólreiðadeildar Vestra sem og styrkaraðilum. HG, Jakob Valgeir, Dokkan, Ultima thule, Hamraborg og bílstjórunum Sófusi og Guðbrandi fyrir aðstoðina. 

Fleiri myndir frá mótinu má finna á fb síðu deildarinnar.

-AFLÝST- Enduro Ísafjörður

Við færum ykkur þær sorgarfréttir að við neyðumst að aflýsa Enduro Ísafjörður 2020 í ljósi aðstæðna. Söknum ykkar!! Við mætum tvíelfd til baka 2021. Hjólið grimmt þangað til.

Vel heppnað Ungduro mót Vestra

Ísafjörður skartaði sínu fegursta á sunnudag og hjólabrautirnar voru í frábæru ástandi þrátt fyrir vatnsveður undanfarna daga. Ljósmynd: Björgvin Hilmarsson.

Á sunnudaginn fór fram Ungduro Ísafjörður, fyrsta barna- og unglingamót Hjólreiðadeildar Vestra af þessari tegund. Ungduro er barna- og unglingaútgáfa af enduro keppnisformi í fjallahjólreiðum þar sem allir keppendur hjóla langa leið en aðeins er keppt á merktum sérleiðum sem aðalega eru niður í móti.

Ungdúró fjallahjólamót á Ísafirði

Fyrsta Ungduro mót Vestra fer fram 19. júlí

Sunnudaginn 19. júlí fer fram fyrsta Ungduro fjallahjólamót Hjólreiðadeildar Vestra. Ungduro er keppni fyrir börn og unglinga í Enduro fjallahjólreiðum. Enduro er keppnisform í fjallahjólreiðum þar sem allir hjóla saman langa leið og aðeins er keppt á merktum sérleiðum sem eru aðallega niður á móti.

Hjólanámskeið Vestra sumarið 2020

Hjólreiðadeild Vestra bíður upp á hjólanámskeið fyrir börn sem eru að ljúka 4.-7. bekk í grunnskóla, fædd árin 2007-2010.

Aðalfundur hjólreiðadeildar Vestra

Aðalfundur hjólreiðadeildar Vestra verður haldið fimmtudaginn 16. mars n.k. kl. 20:00 á Heimabyggð. 

Dagskrá aðalfundar:
1. Fundarsetning.
2. Kosning fundarstjóra og fundarritara.
3. Formaður deildar gerir grein fyrir starfssemi deildarinnar á liðnu starfsári.
4. Gjaldkeri deildar leggur fram til samþykktar og gerir grein fyrir reikningum deildarinnar sem staðfestir hafa verið af kjörnum skoðunarmanni og gjaldkera aðalstjórnar.
5. Reglugerðabreytingar.
a. Ákvörðun um félagsgjald
6. Kosningar:
a) Kosinn formaður deildar til eins árs.
b) Kosnir tveir meðstjórnendur og tveir varamenn til eins árs í senn.
7. Önnur mál.
8. Fundargerð lesin upp og fundarslit.

Aðalfundur hjólreiðadeildar Vestra 16.mars 2020

Aðalfundur hjólreiðadeildar Vestra verður haldinn mánudaginn 16. mars n.k. kl. 20:00 á Heimabyggð

Dagskrá aðalfundar: 

Íslandsmeistaratitill í CX hjólreiðum

Hafsteinn á palli

Hafsteinn gefur ekkert eftir

María Ögn grjóthörð

1 af 4

Nýtt keppnistímabil í hjólreiðum 2020 hófst á helginni með Íslandsmeistaramóti í cyclocross (CX), okkar fólk mætti að sjálfsögðu til leiks. María Ögn sigraði kvennaflokkin örugglega og landaði Íslandsmeistaratitli í CX hjólreiðum. Hafsteinn var annar í karlaflokkinum. 

Í CX keppni er keppt í þrautabraut þar sem keppendur hjóla í hring í 60 mín. Í CX brautinni eru ýmsar hindranir lagðar fyrir keppendur, í þessari keppni þurfti meðal annars að hjóla  upp tröppur, yfir druma, hlið, og sandpitti. Hér er flott myndband frá keppninni sem lýsir keppninni vel. 

María Ögn og Hafsteinn gengin til liðs við Vestra  

María Ögn í XC braut Ísfirðinga

Hafsteinn í XC braut Ísfirðinga

María Ögn í XC braut Ísfirðinga

1 af 3

María Ögn Guðmundsdóttir og Hafsteinn Ægir Geirsson margfaldir Íslands - og bikarmeistara í hjólreiðum eru gengin til liðs við Vestri. María og Hafsteinn eru meðal sterkasta hjólafólks í landinu. 

María Ögn er fædd og uppalinn á Ísafirði, dóttir Sigrúnar Halldórsdóttur og barnabarn Dúdda Hall.  María Ögn er harðkjarna íþróttamaður og hefur alltaf viljað fara hratt. Hún æfði skíði að kappi með SFÍ í 14 ár og og varð 11 ára Andrésarmeistari í stórsvigi.  

Hafsteinn er úr 101, Skerjarjafirði, byrjaði í siglingum í Nauthólsvík og æfði íshokkí í 6 ár. Hafsteinn hefur tvisvar keppt í siglingum á ólympíuleikunum.