Fréttir - Knattspyrna

Íslandsbanki styrkir BÍ/Bolungarvík

Knattspyrna | 25.04.2012 Stjórn BÍ/Bolungarvíkur hefur skrifað undir þriggja ára styrktarsamning við Íslandsbanka. Stjórn BÍ/Bolungarvíkur er gríðarlega ánægð með fá þennan öfluga bakhjarl til liðs við sig næstu árin. Samningurinn munu klárlega styðja við það öfluga starf sem unnið hefur verið og aðstoða okkur á komandi tímabilum.

 

„Við erum virkilega ánægðir með styrktarsamninginn og berum miklar væntingar til samstarfs við jafn öflugt fyrirtæki. BÍ/Bolungarvík er metnaðarfullt íþróttafélag og sá öflugi stuðningur sem félagið fær með samstarfi sem þessu er okkur mjög mikilvægur. Við erum vissir um að samstarfið verði gæfuríkt fyrir báða aðila." sagði Samúel Samúelsson, formaður BÍ/Bolungarvíkur.

Nánar

Decamps til BÍ/Bolungarvíkur

Knattspyrna | 25.04.2012 Franski miðvörðurinn Florian Decamps er genginn til liðs við BÍ/Bolungarvík og hefur gert samning við félagið.

 

Decamps er kominn til landsins og mun spila með BÍ/Bolungarvík í 1. deildinni í sumar. Hann hafði æft á reynslu með Víkingum frá Ólafvsík í byrjun apríl og skoraði þá eina mark leiksins í sigri á ÍBV í æfingaleik.

Decamps er 25 ára gamall franskur miðvörður. Hann hefur einnig reynslu sem framherji og spilaði í sókn í bandaríska háskólaboltanum.

 

Nánar

Aðalfundur BÍ88 - frestað

Knattspyrna | 17.04.2012 Aðalfundi Boltafélags Ísafjarðar sem fara átti fram miðvikudagskvöldið 2.maí kl.20:00, hefur verið frestað til þriðjudagsins 15.maí.


Nánar

Mörkin úr leiknum við KR

Knattspyrna | 03.04.2012 Nánar

Markið úr leiknum gegn Selfossi

Knattspyrna | 26.03.2012 Nánar

Elín valin á úrtaksæfingar U-16

Knattspyrna | 20.03.2012 Elín Ólöf Sveinsdóttir leikmaður 3.flokks BÍ hefur verið valin á úrtaksæfingar U-16 landsliðsins. Elín spilaði í sumar með 3.flokki kvk BÍ/Bolungarvík sem komst í undanúrslit Íslandsmótsins. Æfingarnar fara fram helgina 24. og 25.mars í Kórnum og Egilshöll. Elín mun svo vera í eldlínunni í sumar með nýstofnuðum meistaraflokki kvenna, sem spilar í 1.deild. Nánar

4.flokkur í 2.sæti á Greifamóti KA

Knattspyrna | 18.03.2012
4.flokkur kk BÍ/Bolungarvík tók þátt í Greifamóti KA helgina 9.-11.mars sl. BÍ/Bolungarvík sendi 2 lið til keppni þar sem 4.flokkurinn er mjög fjölmennur hjá félaginu. Um 30 strákar fóru norður og tóku þátt í mótinu fyrir hönd félagsins, þ.e. A og B-lið.
Skemmst er frá því að segja að A-liðið lenti í 2.sæti á eftir Þór Ak., sem tóku efsta sætið á markatölu. A-liðið vann 5 leiki og gerði 1 jafntefli og markatöluna 11-0.
B-liðið gerði 1 jafntefli og tapaði 4 leikjum og markatöluna 2-8 

Hér má nálgast öll úrslit mótsins:
 http://www.ka-sport.is/greifamot/4fl/2012/?page_id=4
Nánar

KSÍ útskrifaði 15 unglingadómara hjá BÍ/Bolungarvík

Knattspyrna | 26.02.2012
Unglingadómaranámskeið á vegum KSÍ var haldið á Ísafirði á dögunum. Námskeiðið var í formi 3 tíma fyrirlesturs um knattspyrnulögin, svo þreyttu þátttakendur próf í lok námskeiðs. KSÍ útskrifaði 15 unglingadómara hjá BÍ/Bolungarvík og eru þeir á aldrinum 17-27 ára.
Nánar

Strákarnir í 5.flokki tóku þátt í Goðamóti Þórs

Knattspyrna | 26.02.2012 Strákarnir í 5.flokki stóðu sig með mikilli prýði á Goðamóti Þórs, sem fram fór helgina 17.-19.febrúar sl. Strákarnir spiluðu 6 leiki þessa helgi og stóðu sig vel. Mikil ánægja var með ferð drengjanna og mikið gert sér til skemmtunar. Þjálfari 5.flokks er Atli Freyr Rúnarsson, og var hann bara þokkalega sáttur með spilamennskuna hjá strákunum.

Hér er hægt að finna úrslit mótsins: 
http://godamot.blog.is/users/73/godamot/files/leikjaplan_4_0.pdf Nánar

Matthías genginn til liðs við Fram

Knattspyrna | 24.02.2012 Matthías Kroksnes Jóhannsson er genginn til liðs við Fram. Matthias er uppalinn hjá BÍ/Bolungarvík og hefur leikið með mfl. félagsins síðan 2009. Stjórn BÍ/Bolungarvíkur vill þakka Matthíasi fyrir framlag sitt til félagsins og óskar honum velfarnaðar í framtíðinni. Nánar