Knattspyrna | 22.07.2011
Birgir Örn Sigurjónsson og Benedikt Sigurðsson hafa lokið við stuðningsmannalag BÍ/Bolungarvíkur og hægt er að nálgast
lagið hér
BÍ/Bolungarvík(texti):
Vestfirskir, við stöndum saman eins og her
kraftmiklir, við getum klifið hvað sem er
Nánar
Knattspyrna | 18.07.2011
Tónlistarmennirnir Birgir Örn Sigurjónsson (Biggibix) og Benedikt Sigurðsson (Benni Sig) eru um þessar mundir í hljóðveri að taka upp stuðningsmannalag fyrir BÍ/Bolungarvík. Þeir félagar voru fengnir til að semja stuðningsmannalag fyrir félagið og var það frumflutt á karlakvöldi BÍ Bolungarvíkur sem haldið var í apríl. Lagið þótti gott og með góðu gengi liðsins í 1. deildinni, var ákveðið að fara með lagið í hljóðver og taka upp enda hafa margir stuðningsmenn liðsins kvartað yfir því að liðinu vanti alvöru stuðningsmannalag. Þetta er því í fyrsta skipti sem liðið á sitt eigið lag þótt stuðningsmenn hafi oft samið nýja texta við gömul lög.
Lagið er eftir Biggabix og textinn eftir Benna Sig. Helga Margrét Marzellíusardóttir syngur einnig lagið ásamt Benna en lið BÍ Bolungarvíkur trallar undir. Tónlistarfólkið gefur vinnu sína til styrktar félaginu. Lagið verður aðgengilegt á netinu og mun bibol.is láta vita um leið og það er klárt.
Nánar
Knattspyrna | 15.07.2011
Um síðustu helgi skrifuðu fjórir leikmenn undir þriggja ára samning við félagið. Þetta eru fyrirliðinn Gunnar Már Elíasson, miðjumaðurinn Hafþór Atli Agnarsson og frændurnir Sigurgeir Sveinn Gíslason og Sigþór Snorrason. Eins og menn hafa líklega tekið eftir eru þetta allt leikmenn sem hafa alist upp hjá félaginu.
Stjórn BÍ/Bolungarvíkur er gríðarlega ánægð með undirskriftir leikmannanna því þrátt fyrir að vera heimamenn eru þetta algjörir lykilleikmenn í hóp liðsins.
Nánar
Knattspyrna | 13.07.2011
BÍ/Bolungarvík 2 - 1 KA 0-1 Elvar Páll Sigurðsson ('19)
1-1 Matthías Króknes Jóhannsson ('73)
2-1 Tomi Ameobi ('79)
Boðið var uppá landsbyggðarslag af bestu gerð á Torfnesvelli í kvöld þegar Akureyringar, Ísfirðingar og Bolvíkingar leiddu saman sína bestu hesta. Við stjórnvölin hjá báðum liðum eru svo þjálfarar frá knattspyrnubænum Akranesi, hinn afskaplega vel nefndi Gunnlaugur Jónsson og Guðjón Þórðarson. Uppskriftin fyrir einstaklega góðri knattspyrnu var því til staðar. Raunin varð þó önnur.
Nánar
Knattspyrna | 11.07.2011
Helgina 23.-24. júlí verður hið árlega Vestfjarðamót, ef svo mætti kalla, haldið í Bolungavík og á Ísafirði. Hefðbundinn fótbolti verður leikinn á laugardeginum í Bolungarvík, þar munu 4.-8. flokkar leiða saman hesta sína. Sunnudaginn 24. verður þetta aðeins öðruvísi, þá verður alheimsmót Landsbankans í drullubolta haldið í Tungudal við Skutulsfjörð. Þar mega leikmenn 4.-7. flokks etja kappi. Reynt verður að raða leikjum þannig upp að hver flokkur dembi sér í drulluna og ljúki sér af sem fyrst svo að enginn verði alvarlega kaldur. Þátttökugjald fyrir bæði mót er kr. 3000 en kr. 6000 með gistingu.
Nánar
Knattspyrna | 09.07.2011
BÍ/Bolungarvík hélt til Ólafsvíkur í gær til að taka á móti heimamönnum í Víking. Fyrir leikinn voru liðin í svipaðri stöðu um miðja deild og því var mikilvægt fyrir bæði lið að vinna leikinn og skilja við botnbaráttuna. Aðstæður voru sæmilegar í Ólafsvík, sól en töluverður vindur. Völlurinn var sléttur en þó töluvert harður.
BÍ/Bolungarvík stillti upp í 5-3-2 leikkerfi og var dagskipunin að bíða eftir Ólsurum sem vilja sjálfir liggja tilbaka og beita skyndisóknum. Byrjunarliðið var þannig skipað:
Nánar
Knattspyrna | 06.07.2011
BÍ/Bolungarvík hefur samið við suður-afríska miðjumanninn Nicholas Anthony Efstathiou. Nicholas er 22 ára gamall og kemur úr unglingaliði Ajax Cape Town. Nicholas kom til Reykjavíkur i gær og lenti á Ísafirði í morgun. Nicholas mun hitta liðsfélaga sýna í kvöld þegar að hann mætir á sína fyrstu æfingu kl 18:00 á Skeiðisvelli. Hann verður kominn með leikheimild þegar það opnast aftur fyrir félagaskipti þann 15.júlí.
Stjórn BÍ/Bolungarvíkur býður Nicholas velkominn og vonandi á hann eftir að láta ljós sitt skína í búningi félagsins. Hann klárlega styrkja liðið í þeirri baráttu sem við eigum fyrir höndum.
Aðrar fréttir af leikmannamálum eru að Goran Vujic mun væntanlega ekki vera meira með á þessum tímabili vegna meiðsla, þá er Óttar Kristinn Bjarnason einnig meiddur og Jónmundur Grétarsson er hættur.
Nánar