Knattspyrna | 25.02.2011
BÍ/Bolungarvík hefur fengið varnarmanninn Loic Ondo á láni frá Grindavík en lánssamningurinn gildir út tímabilið.
Ondo gekk til liðs við Grindavík fyrir síðasta tímabil en hann kom við sögu í sautján leikjum í Pepsi-deildinni í fyrra.
Þessi tvítugi leikmaður kemur frá Gabon en hann lék í Frakklandi áður en hann samdi við Grindvíkinga.
Eldri bróðir Ondo er Gilles Mbang Ondo, framherji Stabæk, en hann var markahæsti leikmaðurinn í Pepsi-deildinni í fyrra þegar hann spilaði með Grindavík.
Nánar
Knattspyrna | 21.02.2011
BÍ/Bolungarvík tók á móti Haukum síðastliðinn laugardag í Reykjaneshöllinni. Þetta var fyrsti leikur liðsins í Lengjubikarnum og fyrsta skiptið sem liðið leikur í A-deild Lengjubikarsins en sú deild samanstendur af 24 bestu liðum Íslands(Pepsi deild+1. deild). Haukarnir féllu úr Pepsi deildinni síðasta sumar þannig að liðin munu einnig mætast í sumar í 1. deildinni. Í liðið vantaði Goran og Óttar sem eru báðir meiddir. Goran er að jafna sig eftir slæm meiðsli í Lengjubikarnum í fyrra og síðan hafa smávægileg meiðsli verið að plaga Óttar undanfarið.
Byrjunarliðið var þannig skipað:
Þórður - Sigurgeir, Birkir, Atli, Sigþór - Haffi, Gunnar Már, Alexander - Sölvi, Ásgeir G. og Andri
Á varamannabekknum sátu Matti, Nikulás, Addi og Jónmundur
Nánar
Knattspyrna | 18.02.2011
Miðjumaðurinn Sölvi Gylfason skrifaði fyrr í vikunni undir tveggja ára samning við félagið. Hann lék með Skallagrími í 3.deildinni í fyrra en sumarið þar áður spilaði hann 15 leiki í 1. deildinni með ÍA. Sölvi hefur æft með liðinu frá því að Guðjón Þórðarson tók við stjórnun liðsins síðastliðið haust og tekið þátt í flestum æfingarleikjum liðsins.
Sölvi hefur verið með betri mönnun liðsins í undanförnum leikjum. Hann er klókur leikmaður sem vill gjarnan taka af stað með boltann og er ekki ósvipaður öðrum leikmanni liðsins, sjálfum "Herra Bolungarvík" Gunnari Má Elíassyni.
Stjórn BÍ/Bolungarvíkur er gríðarlega ánægð með að fá Sölva til liðs við félagið. Hann hefur sýnt það að hann hefur klárlega getuna til að spila í 1. deild.
Atli, Alexander Veigar, Sölvi og Þórður munu væntanlega allir spila sinn fyrsta mótsleik fyrir félagið gegn Haukum í lengjubikarnum á laugardaginn.
Nánar
Knattspyrna | 15.02.2011
BÍ/Bolungarvík tók á móti Víkingi frá Ólafsvík síðastliðinn laugardag í Akraneshöllinni. Bæði þessi lið komust upp í 1.deild eftir síðasta tímabil og voru leikir liðanna mikil skemmtun. Okkur vantaði Birki, Sölva, Goran og Nikulás í leikinn ásamt því að 1-2 leikmenn voru ekki heilir.
Nánar
Knattspyrna | 11.02.2011
Framherjinn Jónmundur Grétarsson skrifaði nú í dag undir eins árs samning við félagið. Jónmundur er 25 ára gamall og kom á láni til BÍ/Bolungarvíkur síðasta sumar frá Haukum. Hann lék fjóra leiki með Haukum í Pepsi deildinni í fyrra áður en hann kom vestur. Þar áður lék hann með Stjörnunni en hann hefur síðastliðinn tvö ár verið í Haukum. Jónmundur skoraði 10 mörk í 10 leikjum fyrir BÍ/Bolungarvík síðasta sumar.
Stjórn BÍ/Bolungarvíkur er gríðarlega ánægð með að fá Jónmund til liðs við félagið. Hann sýndi það síðasta sumar að þarna fer góður leikmaður á ferð, 10 mörk í 10 leikjum segir allt sem segja þarf.
Nánar
Knattspyrna | 07.02.2011
Dagur Elí Ragnarsson leikmaður 3.flokks BÍ88, var valinn til að taka þátt í landsliðsúrtaki U-16 ára dagana 22. og 23.janúar sl. Í þessum úrtakshóp voru 36 leikmenn víðs vegar af landinu og fóru æfingarnar fram í knattspyrnuhúsinu Kórnum. Við fengum þær fréttir að Dagur Elí hefði staðið sig vel á æfingunum og verið félagi sínu til sóma. Boltafélag Ísafjarðar óskar Degi til hamingju með þennan árangur og vonar að áframhald verði á þessum úrtaksæfingum hjá Degi.
Nánar
Knattspyrna | 06.02.2011
BÍ/Bolungarvík sigraði í gær Hamar frá Hveragerði 2-1 í æfingarleik á Akranesi. Í liðið vantaði Goran, Óttar, Jónmund og Matta. Með liðinu spilaði Dani sem heitir Nicolai og spilar með Vejle í Danmörku.
Byrjunarliðið var þannig skipað:
Þórður - Sigurgeir, Atli, Nicolai, Sigþór - Ásgeir, Gunnar, Birkir, Sölvi, Alexander - Andri
Á varamannabekknum voru Nikulás og Haffi
Fyrri hálfleikurinn var mjög jafn og Hamarsliðið var mjög sprækt. Við áttum nokkrar ágætar sóknir og hefðum getað leitt í hálfleik en 0-0 var samt sem áður sanngjarnt. Birkir kom útaf í hálfleik og Nicolai var færður upp á miðjuna. Strax í seinni hálfleik komst Hamar í 1-0, þeir áttu þá langskot í slá og út í teig þar sem sóknarmaður þeirra var fyrstur að átta sig og kom boltanum í netið. Ennþá var mikið jafnræði með liðunum en þegar um 20. mínútur voru eftir þá skildu leiðir og okkar menn tóku öll völd á vellinum. Andri jafnaði leikinn eftir hornspyrnu, hann var fyrstur að átta sig þegar boltinn datt niður í teignum. Stuttu seinna kom hann okkur í 2-1 úr vítaspyrnu eftir að brotið hafði verið á honum innan teigs. Í kjölfarið flautaði dómarinn til leiksloka, 2-1 sigur staðreynd.
Nánar
Knattspyrna | 03.02.2011
Alexendar Veigar Þórarinsson skrifaði nú rétt í þessu undir tveggja ára samning við félagið. Alexander hefur æft með liðinu í vetur og tekið þátt í flestum æfingarleikjum liðsins. Hann er 22 ára gamall miðjumaður og á að baki 28 leiki með Grindavík og Fram í efstu deild karla. Hann hefur einnig leikið með Reyni Sandgerði.
Stjórn BÍ/Bolungarvíkur er gríðarlega ánægð með að fá Alexander til liðs við félagið. Hann hefur sýnt það á æfingum og í leikjum að þarna fer góður leikmaður á ferð. Hann mun klárlega styrkja hópinn fyrir komandi átök í 1. deildinni í sumar.
Nánar
Knattspyrna | 30.01.2011
BÍ/Bolungarvík mætti Selfossi síðastliðinn laugardag í Kórnum, Kópavogi. Selfoss voru nýliðar í Pepsi deildinni síðastliðið sumar en féllu um deild og mæta því okkur í sumar í 1.deildinni. Það vantaði nokkra sterka leikmenn hjá okkur í þessum leik. Atli, Birkir, Andri, Goran og Matti voru ekki með að þessu sinni.
Byrjunarliðið var þannig skipað:
Þórður - Haffi, Sigurgeir, Gunnar, Sigþór - Erlendur leikmaður á reynslu, Sölvi, Alexander Veigar - Óttar, Ásgeir og Jónmundur
Á varamannabekknum voru Nikulás og Erlendur leikmaður á reynslu.
Nánar
Knattspyrna | 25.01.2011
Búið er að setja inn alla næstu leiki BÍ/Bolungarvíkur inn í atburðir hér til hægri. Næstu fjórar helgar í röð eru fjórir æfingarleikir en eftir það taka við sjö leikir í Lengjubikar. Næsti leikur er við Selfoss í Kórnum á laugardaginn næsta kl. 13:30.
Nánar