Fréttir

Julio de Assis til liðs við Vestra

Körfubolti | 25.07.2021
Julio de Assis gengur til liðs við Vestra.
Julio de Assis gengur til liðs við Vestra.

Körfuknattleiksdeild Vestra hefur samið við framherjann Julio de Assis um að leika með liðinu í úrvalsdeild á komandi tímabili. Julio de Assis er með spænskt og angólskt ríkisfang og hefur leikið allan sinn feril á Spáni. Hann hefur reynslu úr næst efstu deild á Spáni, LEB-Gold og úr deildinni þar fyrir neðan LEB-Silver auk EBA deildinni þar í landi. Þá á hann einnig að baki nokkra leiki fyrir angólska landsliðið.

Julio de Assis er 202 cm kraft framherji sem mun styrkja liðið í fráköstum og sóknarþunga inn í teig en hann getur einnig skotið boltanum fyrir utan þriggja stiga línuna.

Stjórn Körfuknattleiksdeildar Vestra býður Julio de Assis velkominn og hlakkar til samstarfsins við hann á komandi mánuðum.

Hér má sjá nokkur tilþrif frá Julio de Assis á síðasta tímabili þegar hann lék með Hestia Menorca í LEB-Silver deildinni á Spáni:

Deila