Logn í Grindavík

Frá leiknum í kvöld og myndasmiður Óðinn Gestsson

Toppslagur var í Grindavík í kvöld þar sem okkar drengir fóru suður með sjó og öttu kappi gegn ÍG sem hefur heldur betur látið að sér kveða í 1. deildinni og fyrir leikinn í kvöld höfðu þeir einungis tapað einum leik. Leikurinn var jafn í fyrstu og bæði lið að þreyfa fyrir sér og heimamenn byrjuðu betur og komust í 10-4 áður en vestanmenn rönkuðu við sér og komu sér betur í takt við leikinn og komust við fljótlega í 12-19 og þegar fyrrsti leikhluti var úti var staðan 20-26.

Annar leiklhuti var nokkuð jafn en í stöðunni 24-28 kom fínn kafli og tókum við leikhlutann 20-30 og héldum við með 16 stiga forskot til hálfleiks, staðan 40-56.

Í þriðja leikhluta voru allir okkkar drengir að spila og var Pétur duglegur að nota allan bekkinn. Leikhlutinn varð jafn og nokkuð skemmtilegur á að horfa og var búist við jöfnum og skemmtilegur fjórða leikhluta, en annað kom á daginn. Þegar þarna var komið kom úthald okkar greinilega í ljós og er skemmst frá því að segja að þann fjórða tókum við 37-12 og lönduðum okkar stærsta sigri í vetur, lokatölur 78-120.

Stigin í kvöld. Ari G. 28 stig, Chris 20 (13 fráköst), Jón Hrafn 18, Craig 17 ( fráköst og 8 stoðir), Leó 10, Kristján Pétur 9, Siggi Haff 8 (6 stoðir), Hlynur 7 (3 fráköst), Jón Kristinn 2 og Hermann 1 stig. Sævar og Gautur settu ekki stig en stóðu sig vel og komust allir vel frá sínu.

Öflugur stuðningshópur var á leiknum og voru þeir ekki af verri endanum. Þeir Óðinn Gestsson, Helgi Sigmundsson og Jóhann Torfason létu vel heyra í sér og hvöttu strákana óspart þannig að engin í Grindavík mun gleyma því í bráð.

Áfram KFÍ

Toppslagur í Grindavík í kvöld

Lið Íþróttafélags Grindavíkur.

Það verður sannkallaður toppslagur í Röstinni í Grindavík í kvöld þegar topplið KFÍ mætir spútnik liði ÍG í 1. deildinni.

Frábær sigur gegn Fjölni í Lengubikarnum

1 af 7

Í kvöld tókum við á móti liði Fjölnis í Lengjubikarnum og var leikurinn hraður og skemmtilegur og frábær tilþrif sáust hjá báðum liðum. Lokatölur 101-83.  Strax í fyrsta leikhluta kom í ljós að bæði lið ætluðu sér að spila hraðan bolta og eftir að honum lauk var staðan 26-28 fyrir gestina og opið fyrir mikla skemmtun fyrir fjölmarga áhorfendum á Jakanum. Í öðrum leikhluta kom góður kafli hjá KFÍ og fórum við til tedrykkju í hálfleik með 6 stiga forustu, staðan 50-44.

Þriðji leikhluti byrjaði jafn hratt og sá fyrri endaði og bæði lið að hitta vel, en þeir Nathan og Chris öttu þarna skemmtilegt einvígi þar sem tilþrif þeirra voru einkar skemmtileg. Staðan fyrir lokahlutann var 76-69 og KFÍ ekki að hrista sprækt lið Fjölnis af sér. En það breyttist í lokaleikhlutanum það sem drengirnir á klakanum tóku öll völd og skautuðu fram hjá Fjölnispiltum og tóku lokahlutann 25-14 og lokatölur eins og áður kom fram því 101-83.

Liðið KFÍ lék mjög vel í kvöld og sáust oft á tíðum "tilþrif úr sparibuknum" Þar áttu Craig, Chris, Ari og Siggi Haff  og Jón Hrafn hlut að máli og munum við klippa það saman og setja á netið sem allra fyrst. En eins og oft þegar lið okkar sigrar er það vegna liðsheildar og í þetta sinn er ekkert nýtt þar. Strákanir eiga allir skilið eitt stórt "KLAPP" fyrir sitt framlag og má með sanni segja að áhorfendur hafi fengið skemmtun af betri endanum frá þeim piltum.

Stigahæstir hjá okkur í kvöld var Chris Miller-Willimas með 27 stig og bætti 21 frákasti við auk þess að stela 2 boltum og verja 2 skot. Craig kom næstur með nálgun á þrefaldri tvennu, 21 stig. 9 fráköst og 9 stoðsendingum auk þess að stela 3 boltum. Unglingurinn Kristján Pétur var með 19 stig (5/9 í þristum). Ari kom gríðalega heitur til leiks með nýja klippingu og þakkaði fyrir sig með 19 stigum og 4 fráköst. Jón Hrafn var frábær í vörninni og setti 7 stig auk þess að taka 7 fráköst. Siggi Haff kom svo með 6 stig og Sævar Vignisson með 2 stig.

Hjá gestunum var Nathan "skywalker" Walkup með 27 stig og fráköst. Calvin O´Neil kom næstur með 24 stig, 6 fráköst. Árni Ragg var með 12 stig 6 fráköst. Haukur ( 7 fráköst ), Björgvin og Arnþór bættu við 6 stigum hver og Trausti Eiríksson setti 2. það var gaman að sjá til ungu drengjana hjá Fjölni og Örvar að leyfa þeim að springa út og hoppa úr hreiðrinu. Það er besta leiðin til að kenna þeim að fljúga og verður gaman að fylgjast með þeim í vetur.

Hérna er brot úr leiknum og frá KFÍ-TV genginu frá meistara Fjölni Baldurssyni

Dómarar kvöldsins voru þeir Jón Bender og Davíð Tómasson.

Næsti leikur á Jakanum er n.k. sunnudagskvöld 20. nóvember í Lengjubikarnum og koma Haukar frá Hafnarfirði í heimsókn og verður það án efa hins besta skemmtun og hvetjum við alla að fjölmenna !!

Áfram KFÍ.

Margfrestaður leikur við Fjölni á morgun

KFÍ mætir (vonandi) úrvalsdeildarliði Fjölnis á morgun, miðvikudag, í Lengjubikar karla. Þetta verður fjórða tilraunin til að halda leikinn en honum var frestað þrívegis vegna þess að ekki var flogið seinnipart sunnudags, mánudags og þriðjudags í síðustu viku.

Tap gegn Grindavík í Lengjubikarnum

Craig ver bestur

Strákarnir okkar héldu suður til Grindavíkur og léku gegn taplausu efstudeildarliði Grindvíkinga.  Veittum við þeim samakeppni framan af leik en að lokum fóru leikar þannig að Grindavík vann með 16 stigum 103-87.

Stúknaflokkur sigraði báða leikina í dag

Flottar stelpur

Í dag spilaði stúlknaflokkur gegn Þór Akureyri og ÍR og sigruðu þær í þeim báðum.

Fyrri leikurinn var gegn Þór Ak. og svæðisvörnin virkaði mjög vel, baráttan mikil og lönduðu þær auðveldum sigri, lokatölur 63-28.

Í seinni leiknum var svæðisvörnin ekki að virka jafnvel og staðan í hálfleik 26-21. Í seinni hálfleik skipti Anna Fía yfir í maður á mann vörn og þá duttu stelpurnar í gang og lönduðu öruggum sigri. Lokatölur 59-33 og fengu þær sem sagt aðeins á sig 8 stig í þeim síðari.  

Niðurstaðan tveir sigrar og tvö töp, en stelpurnar að slípast vel saman og er þjálfari þeirra ánægð með framfarirnar. Þær eru á leið heim og er búist við þeim heim í hlað um kl. 20.00 og báðu þær um kveðjur vestur.

Áfram KFÍ

Unglingaflokkur tapaði gegn Fjölni á Jakanum

1 af 4

Strákarnir kepptu fyrr í dag gegn sterku liði Fjölni þar sem gestirnir úr Grafarvogi tóku stigin með sér í rútuna suður, lokatölur 77-60.

Leikrurinn bryjaði með miklu jafnræði og voru bæði lið að þreifa fyrir sér og spila fast. og var staðan eftir fyrsta leikhluta 17-20 fyrir gestina. Í öðrum leikhluta settu Fjölnispiltarnir í fluggír og tóku völdin gegn hriplekri vörn okkar og þegar haldið var til klefa í hálfleik höfðu gestirnir tekið annar fjórðung 27-13 og staðan því í hálfleik 30-47.

Seinni hálfleikur var í járnum og var mikil barátta hjá báðum liðum sem hélst út leikinn, en eins og glöggir lesendur geta séð endaði seinni hálfleikur 30-30 og Fjölnir tók því sigur með sér heim í farangrinum.

Það var annar fjórðungurinn sem fór með leikinn hjá okkur. Við misstum einbeitinguna bæði í vörn og sókn og tókum illa ígrundum skot í bland við að setja út rauða dregilinn inn í miðjuna hjá okkur til að bjóða sókn Fjölnis opin færi án þess að vera með hjálparvörnina á verði og því fór sem fór.

Það er ekkert að örvænta hjá okkur. Við erum á uppleið, höfum ekki mikla hæð og gætum þegið plankastrekkjara á flesta leikmenn okkar, en bætum yfirleitt úr því með mikilli baráttu. Við áttum (hefðum) átt að vera meira inn í leiknum , en hengdum haus oft og töpuðum boltum oft klaufalega. Þetta mun þó allt verða lagast þegar við slípumst betur saman og verður gaman að fylgjast með framhaldinu. það er mikið spunnið í þessa stráka og ekki má gleyma því að þarna vorum við að tapa gegn liðinu í efsta sæti í unglingaflokk.

Stig KFÍ. Kristján Pétur 19 og 7 fráköst (5/7 í þristum). Hlynur hreinsson 12. Sævar Vignisson 8. Leó 7., Sigmundur Helga 5. Jón Kristinn 4. Gautur Arnar 3. Óskar Kristjánsson 2.

Áfram KFÍ

Stelpurnar í stúlknaflokk töpuðu báðum leikjunum í dag.

Stelpurnar í stúknaflokk KFÍ léku tvo leiki í dag. Sá fyrri var gegn Haukum og var sá leikur erfiður enda stelpurnar úr Hafnarfirði með gríðarlega gott lið. Skemmst er frá því að segja að við töpuðum þeim leik, lokatölur 59-29. En þess ber að geta að seinni hálfleikur var mun mikið betri eftir að við skiptum yfir í svæðisvörn.

Seinni leikur dagsins var gegn Breiðablik og var allt annað að sjá til stelpnanna, mikil barátta og boltinn að ganga vel. Við töpðum þeim leik  með aðeins 9 stigum, lokatölur 39-30.

Sunna Sturludóttir er ekki með stelpunum vegna meiðsla og munar um minna, og er erfitt fyrir hana að sitja hér heima og geta ekki verið með.

Á morgun er það Þór Akureyri og ÍR. Stelpunar eru núna í skemmtigarðinum í Smáralind með Óðni Gestssyni fararstjóra sem bað um kveðjur heim.

Áfram KFÍ. 

Þór átti ekkert svar við leik KFÍ í kvöld

Craig Schoen átti stórleik í kvöld.

Það var rétt í byrjun sem Þór hékk í okkar mönnum en í stöðunni 15-15 skildu leiðir og eftir fyrsta leikhluta var staðan 32-18 0g í hálfleik 52-37 og Pétur búinn að koma öllum tólf drengunum inn á til að taka þátt. Chris meiddist á hné í byrjun leiks og fór um suma áhorfendum, en það skipti engu máli. það var alveg sama hver kom inn á, allir spiluðu frábæra vörn sem skilaði sér í góðu sóknum. Staðan fyrir síðasta leikhluta var 77-50 og þá kláruðu yngri leikmenn KFÍ með Sigga Haff sem aldursforseta 21 árs sildgdu skútunni að Jakanum og lokatölur 92-65.

KFÍ-Þór Akureyri á föstudagskvöld

Strákarnir eru klárir

Næsti leikur KFÍ er á föstudagskvöldið 11. nóvember kl. 19.15. Þá koma góðvinir okkar frá Akureyri með þá Atla Hreinsson sem lék með okkur hér um árið og Nebojsa Vidic sem hefur verið einn af þjálfurum körfuboltaskóla KFÍ s.l. þrjú ár og þjálfar nú hjá Þór Ak. 

Það verður fjör á Jakanum og taka skal góða skapið með sér á leikinn. Og fyrir þá sem ekki komast þá er beina útsending hjá KFÍ-TV. Hér er tengillinn

Og hér er linkur á efni frá Fjölni Baldurssyni meistara og meðlim í KFÍ-TV

OG ÞEIR KOMA KEYRANDI ÞANNIG AÐ LEIKURINN ER "Á" !!!!