Vinnusigur gegn sprækum skagamönnum

Cris var frábær í kvöld

1 af 2

Kútter Haraldur með áhöfn sína frá Akranesi komu vel stemmdir til leiks í kvöld og gáfu sig alla í leikinn, en því miður voru strákarnir komnir í snjógallann hjá KFÍ og sigldu kútternum í strand í seinni hálfleik. Lokatölur 95-68.

Skagamenn voru í góðum málum strax í upphafi og hittu vel úr skotum sínum leiddir af Hallgrím Pálma sem hitti vel í þriggja stiga skotum sínum. Og þeir voru allir að gefa sig í leikinn og staðan eftir fyrsta leikhluta var 16-15 og KFÍ drengirnir seinir í gang að undanskildum Craig sem var sjóðandi heitur. 

Sama baráttan hélt áfram í öðrum leikhluta og voru bæði lið að spila ágætlega, en þegar hlaupið var í tedrykkju í hálfleik var staðan 47-39 og svipur Pétur þjálfara sagði ýmislegt sem hann lét örugglega flakka því þegar menn komu til leiks í seinni hálfleik voru menn vel gyrtir og tilbúnir í dans. Þá þegar kom góður sprettur og eftir tveggja mínútna leik var staðan orðinn 52-39 og vönin að þéttast og staðan þegar haldið var til síðasta leikhluta var 69-55. 

Fjórði leikhluti var algjörlega eign KFÍ og sáust flott tilþrif frá öllum sem stigu á Jakann. Í endann skildu svo 27 stig liðin af og vinnusigur í höfn.

Bestir í kvöld hjá KFÍ voru Craig, Ari og Chris sem sýndi allar sýnar bestu hliðar fyrir utan sniðskot sem hann vill gleyma sem fyrst en fær það ekki. Chris endaði með 27 stig, 16 fráköst og 4 stoðsendingar. Ari átti enn einn stórleikinn og var frábær á báðum endum vallarins. Hann lauk leik eð 24 stig, 9 fráköst og 4 stoðsendingar og ekki má gleyma risavöxnu vörðu skoti sem verður sett á leikbrot.is innan tíðar. Craig fór í gang og stýrði liðinu óaðfinnanlega og endaði með þrefalda tvennu, 19 stig, 10 fráköst og 13 stoðsendingar. Siggi Haff ( 5 stig, 6 stoðsendingar), Jón Hrafn ( 10 stig, 4 fráköst og 3 stolnir) og Kristján Pétur voru þéttir í vörn og unnu sem einn maður. Hermann Óskar átti góða innkomu með 6 stig,  sem og Sævar Nonni, Hynur sem setti 2 stig og Gautur Arnar sem skoraði sín fyrstu 2 stig í efstu deild.. Sem sagt sigur heildarinnar og fór vörnin í gang í seinni hálfleik þar sem við héldum skagapiltum í 29 stigum.

Hjá drengjunum af skaganum var Mr. Watson með 24 stig og 14 fráköst, Áskell Jónsson átti góðan leik og endaði með 15 stig, Hallgrímur Pálmi setti 9 stig, Birkir Guðjónsson 6, Dagur Þórisson 5 stig og Sigurður Rúnar 4.

Maður leiksins að þessu sinni er Chris Miller-Williams. Þennan heiður fær hann fyrir frábæra hittni (71% í tveggja og 16 fráköst) Nokkrum millimetrum á eftir eru þeir Craig og Ari, en annars var liðið að spila vel saman þegar snjósleðinn fór í gang.

Góðir dómarar í kvöld voru þeir Hákon Hjartarson og Steinar Orri Sigurðsson

Meistaraflokkarnir í Neista á morgun

Þau verða öll á svæðinu

Á morgun föstudag á milli 16-17 munu meistaraflokkar KFÍ vera niður í Neista og taka létt spor á göngunum þar. Þetta er "snögg" uppákoma sem er til að vekja athygli á leikjum þeirra hér heima um helgina. Farið verður í skotleik og gefin plaköt með mynd af liðunum og munu þeir sem vilja fá áritun frá leikmönnum og þjálfara.

Það er aldrei að vita nema Ari Gylfason fari með ljóð og Siggi Haff og Kristján Pétur taki lagið. Þessir þrir ásamt þjálfara meistaraflokkanna hafa verið að undirbúa sig undir jólahlaðborð KFÍ þar sem þeir munu syngja, dansa og fremja töfrabrögð.

Einnig mun formaður KFÍ Sævar Óskarsson prútta fólk með árskort á leikina með hjálp stjórnar.

Það er um að gera að skunda niður í Neista og taka þátt í þessari uppákomu og láta koma sér að á óvart.

Kristján Pétur Andrésson í ''örmynd''

Kristján Pétur er alltaf brosandi

Fjölnir Baldursson er núna í því að taka ''örmyndir'' þar sem hann tekur leikmenn KFÍ í viðtöl og fyrstur er hinn hæverski og indæli drengtittur Kristján Pétur Andrésson. Hér er viðtalið við kappann.

Nóg að gera um helgina hjá KFÍ

Unglingaflokkur byrjar um helgina

Næg verkefni liggja fyrir hjá KFÍ um helgina. Fyrst er það mfl. karla sem tekur á móti toppliði ÍA og er sá leikur á Jakanum kl. 19.15 á morgun föstudag 28. okt.

Næst eru það dömurnar í mfl. kvenna sem byrja leik sinn í Íslandsmóti 1. deildar hér heima með því  að spila gegn liði Grindavíkur tvisvar. Fyrri leikurinn er kl. 14.30 á laugardag og sá seinni er á sunnudaginn kl. 13.00. Báðir á Jakanum.

Unglingaflokkur drengja mun spila hér heima gegn liði Snæfells/Skallagríms og hefst sá leikur kl. 17.00 á laugardag.

10. Flokkur drengja tekur á móti ÍR, Snæfell og Njarðvík í fjölliðamóti og er leikið í Bolungarvík á laugardag og hefjast leikar kl. 15.00 þar og er leikið til kl. 20.00. Síðan er haldið áfram og klárað á sunnudeginum á Jakanum kl. 09.00 á sunndudeginum og klárast mótið kl. 12.00.

Síðast en ekki síst fer 7. flokkur drengja til Hvammstanga á laugardag og tekur þátt í fjölliða móti þar með Kormák, Fjölni og Ármann.

Nú er að láta sjá sig um helgina, hvetja alla flokkana  og áfram KFÍ

Vaktaskipti í sjoppu - allur ágóði rennur í unglingastarfið

Þetta er allt fyrir krakkana

Líkt og undanfarin ár stendur Unglingaráð KFÍ fyrir sölu á veitingum og varningi í sjoppunni í íþróttahúsinu á Torfnesi á öllum heimaleikjum í vetur. Á það jafnt við um leiki meistaraflokks karla, meistaraflokks kvenna og unglingaflokks. Unglingaráði telst til að þetta séu ríflega 50 leikir og því er mikilvægt að skipuleggja sölustarfið vel og fá sem flesta foreldra og forráðamenn til að taka þátt í starfinu með Unglingaráði í vetur.

Búið er að útbúa töflu með verkaskiptingu og er hún aðgengileg hér á heimasíðunni undir skrár og skjöl. Eru allir sem eiga iðkendur í KFÍ hvattir til að kynna sér töfluna til að sjá hvenær þeir eiga sjoppuvakt í vetur. Margar hendur vinna létt verk og ef allir taka virkan þátt verður vinnan óveruleg fyrir hvern og einn. Allur ágóði af sölu veitinga og varnings á borð við hettupeysur og fleira rennur óskiptur til Unglingaráðs sem nýtir féð fyrst og fremst til að greiða niður ferðir iðkenda á mót. Einnig hefur ágóðinn verið nýttur til að styðja við annað uppbyggilegt starf á vegum yngri flokkanna.

Fjölnir Baldursson gerir upp leikina KFÍ-Hamar og KFÍ-Grindavík

Fjölnir snillingur

Fjölnir Baldursson er kominn í hóp KFÍ-TV og er honum fagnað. Hér má sjá afrakstur hans eftir tvo fyrstu heimaleiki okkar á Jakanum gegn Hamri og Grindavík. Við ætlum að halda áfram á þessari braut og munum koma með viðtöl og fleita nýtt þegar líður á.

Í KFÍ-TV eru núna Jakob Einar Úlfarsson Sturla Stígsson, Einar Guðmundsson, Gautur Arnar Guðjónsson, Fjölnir Baldursson og Guðjón Þorsteinsson sem fær að röfla með á leikjum. Ekki amaleg grúbba þarna og mikil tilhlökkun að takast á við verkefni vetrarins

Hérna er myndbandið frá leik KFÍ-Hamar og hér er myndbandið frá KFÍ-Grindavík Hér er svo linkur á síðu Fjölnis og skorum við á ykkur að kíkja á hana. Hæfileikaríkur maður á ferð.

Grindvíkingar einu númeri of stórir í kvöld

Ari var besti maður vallarins í kvöld. Mynd Halldór Sveinbjörnsson

1 af 5

Við mættum grimmir til leiks og tilbúnir í slaginn við eitt af bestu liðum landsins og á köflum sýndum við bjarnarhramminn, en því miður voru Grindvíkingar of stór biti fyrir okkur að þessu sinni, en við grátum ekki Björn bónda lengur en það tekur að fara í góða sturtu, stígum upp og gerum betur næst.

Leikurinn byrjaði með því að Grindvíkingar sýndu að það má ekki gefa þeim neitt og refsuðu þeir illilega og eftir fyrsta leikhluta var staðan orðinn, 13-24,. Í öðrum leikhluta tókum við slaginn með þeim og varð leikurinn jafnari fyrir vikið. Á þessum kafla sýndum við mikla baráttu og staðan í hálfleik. 33-46.

Í byrjun seinni hálfleik áttum við mjög góðan kafla þar sem menn hentu sér á alla lausa bolta tókum 8-2 sprett og komum við stöðunni í 41-48 og fólkið á Jakanum farið að hressast. En Adam var ekki lengi á Jakanum og fljótlega vöknuðu piltarnir hans Helga Jónasar og breyttu stöðunni aftur í 43-60 og í lok þriðja var staðan orðinn  49-77 og fátt um fína drætti.

Í síðasta hlutanum tókum stigum við aftur í hringinn og héldum okkar og betur skorðum á þá 26 stig gegn 23 stigum og leik lauk 75-100. 

Það er margt hægt að taka út og gagnrýna, en við látum það í friði. Strákarnir vita alveg hvað fór úrskeiðis og bæta úr því, svo mikið er víst. En við viljum samt benda á að skotnýting okkar í þriggja stiga landinu var víðs fjarri því sem við eigum að venjast og var Kristján Pétur sá eini sem var í landhelgi, en það er vitað mál að þetta vopn er okkar styrkur og munu byssurnar ekki þagna í bráð.

Að mati fréttamanna kfi.is var Ari Gylfason maður KFÍ í kvöld og reyndar maður leiksins. En barátta drengjanna í KFÍ var til staðar og er það akkur okkar, þeir leggja sig altaf fram og gefast ekki upp. Chris var góður á meðan við nutum hans krafta og varð hann að vinna mikið fyrir sínu í kvöld. Hann blokkaði Bullard aka "Bulldog" illa tvisvar og náði 12 stigum og 7 fráköst á rúmum tuttugu mínútum. Kristjá Pétur og Siggi Haff voru traustir, en mega alveg ráðast meira á körfuna. Þeir hafa máttinn til þess. Jón Hrafn kom til leiks hálfmeiddur en barðist sem ísbjörn og átti einnig tvö góð varinn skot. Craig átti dapran dag og hafði sig ekki mikið frammi og munar um minna. Og ungu strákarnir eru enn að komast í gang, en reynslan sem þeir fá er ómetanleg í svona leikjum og þeir eiga eftir að blómstra.

Hjá Grindavík var Watson virkilega traustur og stjórnaði leik sinna manna vel. Það er þó erfitt að taka einhvern út þar, en átta af leikmönnum Grindavíkur skoruðu 9 stig eða meira í kvöld sem er traust framlag af þeirra hálfu. Helgi Jónas hefur úr miklu að moða af bekk sínum og gerir það vel. Við gefum þó Birni Brynjólfssyni "high five" dagsins fyrir hans framlag. Hann var með hundrað prósent nýtingu úr skotum sínum og svona á að nota mínúturnar sem gefnar eru.

Við þökkum fyrir okkur í kvöld. Næsti leikur KFÍ er á föstudagsköldið n.k. hér heima á Jakanum gegn toppliði ÍA og verður gaman að takast á við þá kátu pilta úr kútternum Haraldi.

Tölfræði leiksins.

Stórleikur á Jakanum n.k. sunnudagskvöld í Lengjubikarnum

Chris fær verðugt verkefni en er klár. Mynd. bb.is/Halldór Sveinbjörnsson

Þá er komið að stóru stundinni. Lengjubikarinn að hefjast og fyrstir sem koma á Jakann er hið gíðarlega sterka lið Grindavíkur sem er með okkar fyrrverandi liðsmann og Ísfirðing Sigurð Gunnar Þosrsteinsson innan sinna raða.

7. flokkur stúlkna stóð sig vel á sínu fyrsta Íslandsmóti í dag

7. flokkur eru framtíðarefni KFÍ

7. flokkur stúlka tekur þátt í sínu fyrsta Íslandsmóti sem haldið er á Hvammstanga. Stelpurnar léku tvo leiki í dag sá fyrri var gegn Njarðvík og töpuðu þær honum, lokatölur 33-15.

Tap hjá unglingaflokk í Njarðvík

Unglingaflokkur byrjaði vertíð sína með leik gegn Njarðvík. Þetta var hálffurðulegur leikur og er óhætt að segja að dómararnir hafi verið í stóru hlutverki þar sem dæmdar voru heilar 37 villur á KFÍ og vorum við snemma í villuvandræðum. Þeir gerðu þó ekki útslagið því Njarðvík er með mjög gott lið og unnu öruggan sigur. Lokatölur 90-69.