Stelpurnar töpuðu báðum leikjunum í dag.

Áfram stelpur !!!

Stúlknaflokkur eru að spila í Hveragerði og spiluðu tvo leiki í dag. Þær töpuðu báðum leikjunum sem var gegn Hamar 45-34 og svo Breiðablik 47-34. Allar börðust þær þó vel og var það "slúttið" í sókninni sem varð hindrun okkar að þessu sinni.

Tveir leikir eru á morgun gegn Þór Akureyri og ÍR og eru þær ákveðnar í að gera betur en í dag. Þær biðja um kveðjur heim.

Áfram KFÍ

Unglingaflokkur KFÍ-KR FRESTAÐ

Kristján var alveg tilbúinn :)

Leikur KFÍ-KR í unglingaflokk sem settur var á í dag var frestað þar sem ekki reyndist unnt að fljúga frá Reykjavík.

Við munum auglýsa leikinn þegar nýr leikdagur finnst.

Áfram KFÍ

Vestfjarðamótinu frestað

Það var grátið þegar tilkynnt var að ekkert yrði af Vestfjarðamótinu þessa helgina. Hætt var við vegna veðurs og færðar á fjallvegum.

EN unglingaráðið er alltaf með varaáætlun. Farið verður til Bolungarvíkur og haldið innanfélagsmót !! Við ætlum að byrja þar kl. 15.00 og verður gist í Bolungarvík og margt gert til að gleðja krakkana.

Við biðjum því alla foreldra og ættingja að mæta í víkina fögru og taka þátt í að gera daginn sem skemmtilegastan.

Vestfjarðamótið verður svo sett aftur á dagskrá þegar fyrsta tækifæri gefst í samráði við vini okkar á sunnaverðu vestfjörðum.

Spennandi Vestfjarðamót framundan.

Nú verður fjör

Ríflega þrjátíu manna hópur iðkenda, þjálfara og aðstandenda í KFÍ er á leið til Patreksfjarðar í fyrramálið en þar fer fram Vestfjarðamótið í körfubolta um helgina. Mótið er ætlað iðkendum í minnibolta og 7. flokki, bæði strákum og stelpum, en það eru krakkar á aldrinum 9-12 ára. Í KFÍ hópnum eru bæði Ísfirðingar og Bolvíkingar og munu þeir etja kappi við iðkendur íþróttafélagsins Harðar á Patreksfirði og nærsveitamenn.

Nokkuð langt er um liðið síðan Vestfjarðamót í körfu var haldið síðast en það er von forystu KFÍ að takist vel til um helgina nái mótið að festa sig í sessi til framtíðar. Mótið er liður í auknu samstarfi KFÍ og Harðar en nú þegar hefur meistaraflokkur karla haldið þar æfingabúðir auk þess sem 10. flokkur stúlkna var þar á dögunum í æfingaferð. Hörður á Patreksfirði hefur skipulagt spennandi dagskrá fyrir Vestfjarðamótið með pizzuveislu, bíóferð og diskói til viðbótar körfuboltanum en aðstaða til svona mótshalda er til mikillar fyrirmyndar á Patreksfirði.

Ný æfingatafla loksins tilbúin

Og þá byrjar ballið :)

Nú hefur endanlega tekist að ganga frá æfingatöflu KFÍ fyrir veturinn 2011-2012 en óvenju erfiðlega gekk að koma henni saman að þessu sinni. Ásókn í íþróttahúsið á Torfnesi er meiri en framboð á tímum og því er það verulegt pússluspil að reyna að koma til móts við þarfir allra félaga.

Pétur Már Sigurðsson, yfirþjálfari KFÍ, biður alla þá velvirðingar sem orðið hafa fyrir óþægindum af þessum sökum en hann er sannfærður um að gerð æfingatöflu næsta vetrar muni ganga betur í ljósi reynslunnar í haust. Töfluna má finna hér.

Fjörið að byrja.

Allir á Jakann

Um næstu helgi byrjar fjörið hjá KFÍ. Stúlknaflokkur KFÍ fer til Hveragerðis til keppni og spilar þar gegn Hamar, Breiðabik, Þór Akureyri og ÍR á laugardag og sunnudag.

Minniboltinn og 7. flokkur stúlkna og drengja fer á Patreksfjörð og tekur þá í Vestjarðarmóti þar og er fríður hópur krakka og foreldra á ferðinni þar.

Unglingaflokkur tekur á móti liði KR hér á Jakanum og fer leikurinn fram kl. 13.00 á laugardag 15. október.

Og síðast en ekki síst byrjar keppni í 1. deild hjá okkur með hörkuleik gegn Hamri hér á Jakanum á sunnudagskvöldið 16. október kl. 19.15.

Við vonumst til að sjá sem flesta á þessum leikjum bæði heima og að heiman.

Áfram KFÍ

Unnið að ljósleiðaratengingu fyrir KFÍ-TV

Stulli, Gautur og Gaui (sem var meira þarna til að röfla strákana áfram)

Ok. Kaffið er búið !!

Snjór en það er allt í lagi. Við erum jú á Jakanum :)

1 af 3

Það voru röskir drengir sem mættu í grenjandi rigningu snemma í morgun og hófust handa við að leggja ljósleiðara á Jakann. Þarna var Jakob Einar frá hans fyrirtæki. Sturla Stígs og Björn Davíðsson frá Snerpu og feðgarnir Gaui og Gautur, en þeir Jakob Einar, Stulli, Gaui og Gautur eru einmitt á bak við KFÍ-TV. Allt er þetta gert í sjálfboðavinnu og kunnum við þeim bestu þakkir fyrir. Og þetta væri ekki mögulegt nema vegna mikils velvilja Gröfuþjónustu Jakobs Einars og Snerpu. 

Það verður gaman að sjá leikinn gegn Hamri á næstu helgi í toppgæðum með toppfólki í toppskapi.

KFÍ og Vestfirskir Verktakar í samstarf

Vestfirskir Verktakar og KFÍ skrifuðu undir samning á dögunum og eru báðir aðilar mjög ánægðir. Vestfirskir koma til með að vera stór styrktaraðili KFÍ og er styrkur þeirra kærkominn til handa KFÍ, en eins og allir vita er dýrt að halda úti liði á landsbyggðinni. HÉR má sjá heimasíðu þeirra og hvetjum við fólk að kynna sér starfsemi þeirra.

KFÍ vill koma á þökkum til starfsfólks Vestfirskra Verktaka og bjóðum þá velkomin í fjölskylduna. 

Troðfullt hús og mikið fjör á KFÍ deginum

Það var mikið fjör í morgun :)

KFÍ dagurinn tókst með eindæmum vel. Um 400 manns komu á Jakann í morgun og skein gleði úr allra augum. Má með sanni segja að þessi dagur hafi slegið í gegn. Þegar fólk bar að tók á móti þeim meistaraflokkar félagsins og stjórn.

Íþróttaleikjaskóli KFÍ með þeim Árna "Íþróttaálfs" og Ernu var með aðstöðu fyrir yngstu "púkana" og var fjölmennt þar.

Meistaraflokkar KFÍ undir stjórn Péturs þjálfara var með leikjastöðvar og Kristján "gullbarki" Andrésson sem sagði meðal annars þann sannleik að Pétur Már hafi gefið tvær stoðsendingar á sínum ferli.

Tekið var við nýskráningum, seld árskort og veitingar voru slíkar að öll borðin í húsinu svignuðu undan þunganum.

Hljómsveitin Klisja sem meðal annars er skipuð drengjum úr 10. flokki KFÍ voru frábærir og spiluðu allan tímann við mikla kátínu gesta.

KFÍ vill koma á framfæri þökkum til allra sem gerðu þenna dag nog hlakkar til að hefja veturinn með keppni allra flokka. 

Fjölnir Baldursson meistari kom og tók upp á myndband daginn og er afraksturinn HÉR

Fjölskylduhátíð KFÍ laugardaginn 1. október

Fjölskyldudagur KFÍ er mikið fjör

Öllum íbúum Ísafjarðarbæjar, Bolungarvíkur og Súðavíkur, börnum jafnt sem fullorðnum er boðið á fjölskylduhátíð laugardaginn 1. október í Íþróttahúsinu á Torfnesi milli 11-13.

Dagskrá fjölskylduhátíðar KFÍ

• Meistaraflokkar félagsins verða á staðnum og taka þátt í leikjum og árita plaköt
• Þjálfarar KFÍ verða með þrautir og æfingar fyrir alla
• Íþróttaleikjaskóli Árna og Ernu verður á staðnum
• Ýmsir klassískir leikir verða á dagskrá s.s. "Stinger"
• Hljómsveitin Klysja tekur nokkur lög
• Veitingar verða í boði KFÍ

Komdu í körfu. Skráning í KFÍ er á staðnum og eru engin æfingagjöld fyrstu tvo mánuðina.

Mömmur, pabbar, afar, ömmur, frænkur, frændur, systur, bræður og vinir þeirra - Allir velkomnir í íþróttarhúsið á Torfnesi á laugardaginn.

"KÖRFUBOLTI ER FYRIR ALLA"