Kaffihús og kökubasar KFÍ á skírdag
Körfubolti | 14.04.2014
Á skírdag standa yngri flokkar KFÍ fyrir kaffihúsi og kökubasar í íþróttahúsinu Torfnesi í tengslum við hið árlega Páskaeggjamót KFÍ. Allur ágóði af sölunni rennur óskiptur til barna- og unglingastarfs félagsins. Svipuð fjáröflun fór fram á skírdag í fyrra og gekk vonum framar.
Heimamenn, gestir og gangandi á Skíðaviku er hvattir til að leggja leið sína í íþróttahúsið, horfa á eða spila skemmtilegan körfubolta og fá sér gott með kaffinu í leiðinni. Mótið hefst kl. 11 og þá um leið opna kaffihúsið og kökubasarinn. Opið verður frameftir degi á meðan kræsingarnar endast.
NánarAðalfundur KFÍ haldinn 23. apríl
Körfubolti | 12.04.2014Aðalfundur KFÍ 2014 verður haldinn miðvikudaginn 23. apríl, síðasta vetrardag. Fundurinn fer fram á veitingastaðnum Við Pollinn á Hótel Ísafirði og hefst kl. 18.00.
Á dagskrá fundarins verða hefðbundin aðalfundarstörf eins og kveðið er á um í 7. gr. laga félagsins:
- Kosning fundarstjóra og fundarritara.
- Skýrsla stjórnar fyrir síðastliðið starfsár.
- Lagðir fram endurskoðaðir reikningar félagsins.
- Kosning formanns til eins árs.
- Kosning tveggja stjórnarmanna til tveggja ára.
- Kosning þriggja manna í varastjórn til eins árs.
- Kosning tveggja endurskoðenda.
- Kosning nefnda.
- Lagabreytingar.
- Önnur mál.
Allir þeir sem koma að starfsemi félagsins jafnt iðkendur sem sjálfboðaliðar, foreldrar iðkenda og fylgismenn
eru hvattir til að mæta á fundinn.
8. gr. Atkvæðisréttur og kjörgengi.
Rétt til setu á aðalfundi með málfrelsi, tillögurétt og atkvæðisrétt eiga allir félagsmenn.
Rétt til kjörgengis í stjórn eiga þeir félagar sem eru orðnir 18 ára.
Aðalfundur KFÍ haldinn 23. apríl
Körfubolti | 12.04.2014
Aðalfundur KFÍ 2014 verður haldinn miðvikudaginn 23. apríl, síðasta vetrardag. Fundurinn fer fram á veitingastaðnum Við Pollinn á Hótel Ísafirði og hefst kl. 18.00.
Á dagskrá fundarins verða hefðbundin aðalfundarstörf eins og kveðið er á um í 7. gr. laga félagsins:
- Kosning fundarstjóra og fundarritara.
- Skýrsla stjórnar fyrir síðastliðið starfsár.
- Lagðir fram endurskoðaðir reikningar félagsins.
- Kosning formanns til eins árs.
- Kosning tveggja stjórnarmanna til tveggja ára.
- Kosning þriggja manna í varastjórn til eins árs.
- Kosning tveggja endurskoðenda.
- Kosning nefnda.
- Lagabreytingar.
- Önnur mál.
Allir þeir sem koma að starfsemi félagsins jafnt iðkendur sem sjálfboðaliðar, foreldrar iðkenda og fylgismenn
eru hvattir til að mæta á fundinn.
8. gr. Atkvæðisréttur og kjörgengi.
Rétt til setu á aðalfundi með málfrelsi, tillögurétt og atkvæðisrétt eiga allir félagsmenn.
Rétt til kjörgengis í stjórn eiga þeir félagar sem eru orðnir 18 ára.
Páskahlé á æfingum yngri flokka.
Körfubolti | 11.04.2014
Frá og með helginni taka yngri flokkar KFÍ páskahlé frá hefðbundnum æfingum. Þær hefjast aftur samkvæmt æfingatöflu þriðjudaginn 22. apríl. Ekki má þó gleyma Páskaeggjamóti KFÍ og Nóa Síríus sem verður á sínum stað á skírdag.
NánarPáskaeggjamót Nóa Siríusar og KFÍ
Körfubolti | 07.04.2014
Hið árlega páskaeggjamót KFÍ og Nóa Siríus fer fram venju samkvæmt á Skírdag. Hefst það kl. 11.00.
Þátttökugjaldið það sama og venjulega eða
kr. 1000 á mann í elstu flokkum
kr. 500 í yngri flokkum
kr. 0 fyrir iðkendur 16 ára og yngri hjá KFÍ
Reglur í 2 á 2 mótinu hér í meira:
Breytt æfingatafla yngri flokka
Körfubolti | 17.03.2014
Keppnistímabili meistaraflokks karla er nú lokið og Mirko farinn heim til Serbíu. Kallar þetta á nokkrar breytingar hjá yngri flokkunum en nýir þjálfarar taka við þeim flokkum sem Mirko þjálfaði. Eins eru breytingar á æfingatöflunni þar sem tímar breytast hjá 7.-9. flokki og hjá stúlkna- og drengjaflokki.
Nýja æfingatöflu má finna hér.
NánarRúnar Guðmundsson vann sér inn Ipad mini frá Pacta/Motus
Körfubolti | 15.03.2014
Það voru glaðir drengir sem skunduðu heim eftir leik kvöldsins. Ekki var kátínan með úrslitin en þeir Rúnar Guðmunddson og Björgvin Snævar Sigurðsson sem fengu að spreyta sig í bráðabana á vítalínunni og gerði litli "púkinn" sér lítið fyrir og setti sitt fyrsta skot örugglega í og Björgvin klikkaði á sínu og þar með vann Rúnar sér inn nýja og glæsilega Ipad spjaldtölvu og er þetta höfðingleg gjöf frá Pacta/Motus. Björgvin var hálf niðurlútur þegar hann gekk að velli en var kallaður til baka og fékk gjafabréf upp á 35.000 krónur í Hafnarbúðinni þannig að þeir fóri báðir kátir heim.
Glæsilegt hjá samtarfsaðilum KFÍ Pacta/Motus og kunnum við þeim bestu þakkir fyrir og er gott að eiga svona góða styrktaraðila að.
NánarStjarnan skein í kvöld á Jakanum
Körfubolti | 14.03.2014
Nú er að duga
Körfubolti | 10.03.2014
Þá er komið að síðasta heimaleik KFÍ á þessu tímabili á föstdagskvöldið 14.mars og þessi leikur er af dýrari gerðinni. Gestir okkar eru drengirnir hans Teits frá Stjörnunni úr Garðabæ og eru þeir í bullandi baráttu um sætisröðun ú úrslitakeppninni í Dominos deildinni. Okkar strákar eru að ebrjast fyrir veru sinni í deildinni og ætla sér að berjast með kjafti og klóm. Það er gríðarlega nauðsynlegt að fylla Jakann og taka þátt í leiknum með strákunum. Leiikurinn hefst kl.19.15
Það verða glæsileg verðlaun í skotleik í boði Pacta/Motus og er þar í verðlaun Ipad auk aukaverðlauna !! Og Svo er ,,Velkomin um borð" leikur Flugfélags Íslands á sínum stað þar sem heppinn áhorfandi getur skotið sig um borð. Þannig að nú er að mæta og muna að miði er möguleiki.
Að venju byrjum við á því að fá okkur í gogginn með kokkaliði KFÍ og er eldað á hinni frábæru Muurikka pönnu sem meistari Steini er með á sínum snærum.
KFÍ-TV verður að sjálfsögðu með beina útsendingu og hefst hún kl.18.50.
Áfram KFÍ
NánarForvarnarátak ÍSÍ gegn kynferðislegu ofbeldi í íþróttum
Körfubolti | 09.03.2014
Mánudaginn 17. mars kl. 16.30 stendur HSV fyrir fundi í Stjórnsýsluhúsinu Ísafirði sem er liður í forvarnarátaki ÍSÍ gegn kynferðislegu ofbeldi í íþróttum. Erindi fundarins verður í höndum Hafdísar Hinriksdótturn, íþróttakonu og meistaranema í félagsfræði, en Hafdís hefur verið vinna efni, í samvinnu við ÍSÍ, sem fjallar um forvarnir gegn kynferðislegu ofbeldi á börnum og unglingum í íþróttum.
Það er gríðalega mikilvægt að allir þjálfarar og aðilar sem á einn eða annan hátt eru að vinna með börnum og unglingum í hreyfingunni taki frá tíma á mánudag og hlýði á erindið og taki þannig á ábyrgan hátt þátt í þessari baráttu. Erindið er bæði upplýsandi, fróðlegt og skemmtileg og á eftir verður boðið upp á kaffi, meðlæti og umræður um efnið.
Hér má finna slóð þar hægt er að nálgast fræðslubækling um þetta efni.
Hér er hægt að finna viðtal við Hafdísi Hinriksdóttur þar sem hún fjallar örstutt um erindið sitt.
Nánar