Íþróttafélagið Vestri / Körfubolti / Körfubolti

Tap í fyrri leiknum gegn Hetti

Körfubolti | 18.10.2014

Birgir Örn Birgisson og lærisveinar hans mæta Hetti aftur á morgun kl. 14:00.

Fyrri viðureign KFÍ og Hattar um helgina lauk í kvöld með fimm stiga sigri gestanna. Svekkjandi tap hjá okkar strákum sem leiddur megnið af leiknum. Viðureignin var þó mjög jöfn og yfirleitt ekki nema fáein stig sem skildu liðin að. KFÍ strákar náðu þó góðum spretti í þriðja leikhluta og náðu mest 11 stiga forystu. Í síðasta leikhlutanum sýndi liðið ekki nógu mikla skynsemi og tapaði forystunni niður á síðustu mínútum leiksins og því fór sem fór.

Nánar

Tveir heimaleikir og einn útileikur um helgina

Körfubolti | 16.10.2014

Kjartan Helgi Steinþórsson leikstjórnandi KFÍ stendur í ströngu um helgina. Auk þess að spila tvo leiki með karlaliðinu eru tveir flokkar sem hann þjálfar að spila á fjölliðamótum fyrir sunnan.

Það verður í nógu að snúast hjá leikmönnum KFÍ um helgina. Karlaliðið mætir Hetti frá Egilsstöðum í tveimur heimaleikjum á laugardag og sunnudag og kvennalið KFÍ spilar sinn fyrsta leik í 1. deild gegn Stjörnunni á útivelli.

Nánar

Góð helgi hjá minnibolta stúlkna

Körfubolti | 14.10.2014

Hópurinn ásamt Evu þjálfara.

1 af 2

Um nýliðna helgi, 10.-11. október, fór fram fyrsta fjölliðamót Íslandsmótsins í minnibolta stúlkna hér á Ísafirði. KFÍ stelpur tóku á móti Ármanni og Breiðablik og voru leiknar tvær umferðir. KFÍ stelpurnar stóðu sig frábærlega í þessum fyrstu leikjum sínum á Íslandsmótinu og sýndu og sönnuðu að þær eiga framtíðna fyrir sér.

Nánar

Naumt tap gegn FSu

Körfubolti | 10.10.2014

Pance Ilievski átti góða spretti í kvöld og leiddi stigaskorun heimamanna með 20 stig.

Strákarnir í KFÍ töpuðu naumt í sínum fyrsta heimaleik gegn FSu í kvöld 71-72. Leikurinn fór seint í gang og á fyrstu fimm mínútunum voru aðeins skoruð níu stig í heildina. Það var því sannakallaður haustbragur á spilamennsku beggja liða í upphafi leiksins en þegar á leið lifnaði yfir honum og endaði með mikilli spennu í lokinn.

Nánar

„Ætlum að setja tóninn strax“ KFÍ – FSu í kvöld!

Körfubolti | 10.10.2014

Birgir Örn Birgisson og lærisveinar hans í karlaliði KFÍ eru tilbúnir í slaginn í kvöld.

Karlalið KFÍ hefur leik í 1. deildinni með heimaleik í kvöld kl. 19.15 og mætir sterku liði FSu. Að sögn Birgis Arnar Birgissonar þjálfara KFÍ er góð stemmning í hópnum fyrir leikinn. „Það er tilhlökkun og spenningur í leikmönnum að byrja fyrsta leik vetrarins. Þetta er það sem við erum búnir að vera að æfa fyrir og menn eru tilbúnir í verkefnið."

Nánar

KFÍ mætir FSu á föstudaginn

Körfubolti | 09.10.2014

Meistaraflokkur karla hefur leik í 1. deildinni á föstudaginn er þeir mæta FSu á Ísjakanum á Torfnesi. Þetta er fyrsti leikur beggja liða í deildinni.

Nánar