Þór frá Þorlákshöfn gestir á Jakanum í kvöld

Momci og Jón Hrafn er búnir að reima á sig skautana

Þá er það heimaleikur á Jakanum og nú eru það strákarnir hann Benna Gumm sem koma til okkar. Þeim er spáð ofarlega í vetur og er það ekki innistæðulaus spá. Benni er frábær þjálfari og er með feykilega gott lið í höndunum. Þar er bland af ungum strákum með léttu mixi af  reynsluboltum.

Hér er svona létt statt okkar á þeirra liði. Þeir eru sem stendur með tvo sigra og tvö töp, og tóku Íslandsmeistara úr Grindavík í sínum síðasta leik í Dominosdeildinni og það gera ekki nema góð lið.

Þeirra stigahæstur er B.C. Smith er með 21.8 stig 4 fráköst og 5 stoðir.

Næstur honum er Robert Diggs með 14.9 stig og 11.3 fráköst og "sópar" 2.3 boltum frá körfunni í leik.

Ofvirki drengurinn hann Gummi Jóns er ekki langt á eftir með 13,0 stig og 3 fráköst.

Baráttujaxl Ísland Darri Hilmarson er með 10, 3 stig og 4,5 fráköst.  

"Gamli hundurinn" (sem er respect) Darrell Flake sem spilaði með Borgnesingum s.l. vetur töltir ekki langt á eftir með 13,9 stig og rífur niður 8,3 fráköst svona upp á gamanið.

"The Chef" Grétar Ingi Erlendson matreiðir 9,5 stig og í eftirrétt fylgja 5,8 frákost.

Og síðast en ekki síst er Baldur Þ. Ragnarsson með virðingarfyllst 3,3 stig og er frábær varnarmaður.

 Lið Þórs er snöggt og spilar hörkuvörn. Það verður verðugt vekefni að ná að stöðva þá en við eigum að vera klárir í það verkefni.

Á morgun spilar Kristján Pétur sinn fyrsta leik á þessu tímabili á Jakanum eftir að vera kominn úr meiðslum. Hann átti góða leiki í "langferðinni" um síðustu helgi og verður gaman að fá hann aftur svellkaldan á Jakann.

Leikurinn er að sjálfsögðu sýndur á KFÍ-TV og hefst útsending kl.19.00.

Áfram KFÍ

Stjórnunarstörf og sjálfboðaliðar

Það er óhætt að segja frá því að íþróttir eru vinsælar hjá almenning hér á Íslandi og að sjálfsögðu er það svo hér fyrir vestan einnig. Við eignumst hetjur í leikmönnum og þjálfurum og þau fara oftar en ekki til stærri félaga og margir  til landsliðsverkefna eins og hefur sýnt sig í íþróttasögu Vestfirðinga.

Það er þó verkefni íþrótta að krakkar eru alin upp með gildum sem sett eru upp af foreldrum og félögum sameiginlega. Þar eru grunngildin þau að standa sig vel í skóla og virða lög og reglur. Þetta hefur sýnt sig að er að takast og það er tilgangurinn fyrir þessu starfi og þá má segja að þeir sem eru við stjórnvölinn fái sín verðlaun þegar þetta tekst vel.

Það er nú svo að í stjórnum félaga er fólk við vinnu fyrir ekkert nema það að gefa af sér til samfélagsins. Það eru auðvitað allir þar með metnað og vilja ná sem lengst til að vinna til verðlauna þegar lengra er komið með iðkendur sína í eldri flokkum, en fram að því er uppeldið og félagslegu gildin í fyrirrúmi.

Það er erfitt að starfa í stjórn félaga og það getur verið ákaflega einmannalegt áhugamál þegar illa gengur, því sama hvernig fer verður að halda félaginu gangandi og þá þarf að vinna enn meira. Þarna koma sjálboðaliðar einnig inn í dæmið, því án þeirra væri stjórnin ekki virk. Verkefnin eru svo ærin að án þeirra væri ekkert gert og engir leikir spilaðir.

Það sem rekur mig til að skrifa þennan pistil núna er að fá fólk til að þakka þessu fólki fyrir sitt starf. Það kostar ekkert að stoppa einhvern á íþróttavellinum eftir leik og þakka þeim fyrir sitt starf. Það er nefnilega þannig að allt þetta fólk er án nafns og fæstir sem koma á leiki þekkja þau. Það veit enginn hver er að týna upp ruslið, manna ritaraborðið, búa til auglýsingar, baka kökurnar, hella upp á kaffið, selja miðana, sinna gæslunni og vera á moppunni. Þeirra nöfn eru ekki í dagskránni né á leikskýrslunni, en án þeirra væri enginn leikur. 

Þetta er ekki sjálfsagt mál, þessi verk eru jafn mikilvægt og þjálfarar og leikmenn eru að gera. Þetta er partur af einni heild sem gerir það að verkum að allt virkar. En þegar leikir falla okkur í hag og fögnuðurinn er úti er þetta fólk eftir við að ganga frá og gera sig svo klár fyrir næsta leik. Og það sem meira er að þetta fólk hefur gert þetta alla þessa leiki, hvort sem leikir falla okkur í hag eða ekki og svo er bara allt í einu kominn næsti leikur og hver er þetta aftur sem er þarna að týna ruslið ?

Ég er hreykinn af því að þekkja þetta fólk sem skipar stjórn KFÍ, Unglingaráð og sjálboðaliða. Og ég hvet ykkur að senda þessu fólki kveðjur og þakka þeim fyrir. Ég veit hvað margt smátt gerir meira stærra og það byrjar allt með smá brosi og klappi á bakið.

Trúið mér að það er ótrúlegt hvað fólk er til í að gera þegar það finnur fyrir smá þakklæti.

-GÞ

Sviðaveisla á laugardagskvöld

Komið og skemmtið ykkur í góðra vina hópi

Á laugardaginn 10. nóvember munu KFÍ og BÍ/Bolungarvík blása til heljarinnar sviðaveislu í sal Frímúrara og verður þetta mikið fjör.

Veislustjóri verður Halldóra Björnsdóttir leikkona

Ræðumaður er enginn annar en Halldór Halldórsson

Tónlistaratriði koma frá Hreim, Rúnari F. og Benna Sig.

Pantanir taka Samúel Samúelsson, netfang; samuel@bibol.is og Birna Lárusdóttir netfang; bil@snerpa.is

Við hvetjum alla að koma og styrkja gott málefni og skemmta sér í leiðinni.

Verð er aðeins kr.3000.- isk

Stjórn KFÍ slítur samningum við Chris Miller Williams

KFÍ þakkar Chris fyrir góða tíma

Stjórn KFÍ hefur ákveðið að slíta samningum við Chris Miller Williams, en hann hefur ekki staðið undir þeim væntingum sem gerðar voru til hans. Stjórn og Chris töluðu saman og hafa gengið frá sínu í sátt og óskum við honum velfarnaðar í næstu verkefnum.

Stjórn KFÍ

Sigur í tvíframlengdum leik

Kristján Pétur er að koma aftur með látum. Mynd: Sumarliði Ásgeirsson

KFÍ mætti Hamar í Lengjubikar karla í Hveragerði í kvöld. Liðin voru jöfn fyrir leikinn í 2-3. sæti í B-riðli keppninnar en Hamar kom gríðarlega á óvart í síðasta leik er þeir lögðu KR að velli 80-83.

Ögn skárri leikur gegn Snæfell i kvöld en tap 108-95

Momci var okkar besti maður í kvöld

Það var sama upp á teningum í kvöld eins í síðasta leik okkar gegn Snæfell. Fyrsti leikhluti heimamanna og staðan að honum loknum 26-15 og Hólmarar að fá of opin skot og lítið um "contact" hjá okkur.

Annar leikhluti var ögn skárri þrátt fyrir að heimamenn hafi komist 20 stigum yfir, þá hsysjuðu við upp buxurnar og komum til baka, unnun leikhlutann 19-21 og staðan í hálfleik 47-36.

Aftur fengu þeir fyrstu skoyin og er óhætt að segja að leikurinn hafi farið þarna. Hólmarar tóku hlutann 37-25 og við plasti ormahreinsun að hætti Hólmara, en sem betur fer sýndum við karakter og tókum þann fjórða og síðasta 26-34 og smá plástur á annars lélegum leik þar sem Snæfell tók okkur 49-31 í fráköstum sem er barasta bull.

Góðu fréttirnar eru þær að Kristján Pétur spilaði sinn fyrsta leik og skilaði sínu með 16 stig og 50% fyrir utan þriggja. Mirco var seigur og skilaði 17 stigum og 9 fráköstum. BJ sýndi líf, og var með 20 stig og 40% í þriggja. Momci er okkar bresti maður í dag. Hann skilaði 28 stigum 75% +i þriggja og 100% í vítum ásamt því að hrifsa 7 fráköst. Ungu strákarnir stóðu fyrir sínu þó þeir ahfi ekki allir sett stig, og var Leó með 3 stig og 2 fráköst og 50% í þriggja. Pance fann sig ekki í kvöld og CMW er gjörsamlea týndur með 6 stig og 3 fráköst. Það er nú þannig í þessum bolta að það gerir þetta enginn fyrir þig.

Hólmararnir voru/eru með fantagott lið og verða ofarlega. Þeir spila sem ein heild og eru að dreyfa stigaskorinu vel.og voru sjö þeirra með 6 stig eða meira sem segir margt. Ennfremur fara þeir í öll fráköst og er það mat ritara að mun meiri möguleiki sé að ná þeim þannig.

Nú er að gíra sig upp fyrir leikinn gegn Hamar annað kvöld í Lengjubikarnum. Þeir eru komnir af stað og tóku meðal annars KR á heimavelli síðast. Við erum þó vonandi klárir þótt spilaðir séu tveir leikir á einum sólarhring. Það er bara verkefni.

Áfram KFÍ

Tölfræðin

Leikurinn gegn Snæfell á laugardag kl.17.45

Pance er tilbúinn

Strákarnir komust heilir í Hólminn og rúmin heilla. Færðin var fín, smá vindur og blint á köflum en Guðni Ólafur réði ferð og keyrði af öryggi og leiddi hópinn. Við erum á góðum bílum og allir komnir í hús.

Nú er komið í ljós að leikurinn er á morgun laugardag kl.17.45. Margir hafa gefið í skyn að ekki hafi verið skynsamlegt að fara af stað. En ferðin fór vel og strákanir í góðu yfirlæti hjá frændum okkar í Hólminum.

Við fáum æfingu þar og þegar leik lýkur fara drengirnir suður og gista laugardagskvöld. Síðan er leikur gegn Hamar í Lengjubikarnum á sunnudagsköld kl.19.15 og svo er haldið heim.

Spáin er góð fyrir sunnudag og eru allir kátir og einn ef drengjunum er að undirbúa pasta með kjúlla fyrir hópinn. Svona ferðir binda menn saman og félagslegi þátturinn er dýrmætur.

Unglingaflokksleikurinn sem átti að vera fyrir sunnan gegn Breiðablik er frestað og einnig leikirnir hjá mfl. kvenna sem áttu tvo leiki úti gegn Blikum og Grindavík. Nánar verður ákveðið með nýja leikdaga eftir helgina.

Úti er veður vont

Birnir á ferð

Nú er úti veður vont og búið að fresta einum leik í Dominos deild karla. Við eigum leik gegn Snæfell annað kvöld og var ákveðið að leggja af stað í Stykkishólm í dag til leiks vegna slæmrar spár á morgun föstudag hér heima og víðar. Erum við búnir að vera í sambandi við Vegagerð og aðra sem hafa farið suður í dag til að tryggja sem bestar upplýsingar. Ef leikurinn verður ekki annað kvöld er hann settur á laugardag í staðinn í Hólminum.

Ástæða þess að lagt er af stað er að við eigum einnig leik gegn Hamar og er sá leikur á sunnudagskvöld í Hveragerði. Það er dýrt að ferðast og reynt eftir fremsta megni að takmarka ferðirnar sem farnar eru, nægar eru ferðirnar samt í vetur.

Við munum láta vita hvernig gengur að ferðast en Guðni Ó. Guðnason okkar er fararstjóri í ferðinni og traustari mann er ekki hægt að fá í þetta verkefni.

Stelpurnar í meistaraflokk eiga einnig leiki fyrir sunnan um helgina og eiga að leggja í hann á laugardag. Nánar verður skýrt frá því á morgun föstudag, en þær eiga tvo leiki fyrir sunnan gegn Breiðablik og Grindavík-b.

Og til að toppa leikina eiga strákarnir í unglingaflokk einnig leik fyrir sunnan gegn Breiðablik þannig að hægt er að segja að fjölmenni sé á ferðinni frá KFÍ þessa helgi til keppni.

Áfram KFÍ

Ískaldir á Ásvöllum

1 af 2

Stórlið KFÍ-b lagði land undir fót á helginni og hélt alla leiðina til Hafnarfjarðar þar sem þeir mættu heimamönnum og núverandi meisturum Hauka í B-liða deild karla. Í hópi Ísfirðinga í leiknum voru margir af efnilegustu leikmönnum KFÍ í gegnum árin, sem ekkert varð svo úr, í bland við léttari og frárri leikmenn af Justin Bieber kynslóðinni.

Fámennt en skemmtilegt "fjölliðamót" í minnibolta lokið

Kristján Pétur að setja upp kerfi og strákarnir fylgjast spenntir með

Enn og aftur gerist það að fjölliðamót sem haldið er út á landi hverfur nánast á nokkrum dögum. Upphaflega áttu að vera fjögur lið hér að keppa, en Fsu og Haukar drógur sig úr keppni og var þá eitt lið utan okkar í KFÍ sem skipuðu mótið.

Það voru hressir krakkar frá Ármanni sem komu hér glöð og hress og öttu kappi við KFÍ. Ármann var með A og B lið og voru þetta því þrjú lið sem kepptu. Ármann sigraði að lokum, en blandað lið þeirra setti skemmtilegan svip á með stelpur og stráka.

Kjartan Daníel í KFÍ datt illa og handleggsbrotnaði og sendum við honum baráttukveðjur.

Fyrsti leikurinn var KFÍ gegn Ármann-B og tóku heimadrengirnir þann slag, lokatölur 31-24. Allir spiluðu og áttu fínan leik.

Stig KFÍ: Hilmir 13, Hugi 8, Þorleifur 6, Egill 6 og Gísli 2. 

Seinni leikur okkar var gegn Ármann-A og þar reyndust Ármenningar mikið mun betri og sigruðu örugglega, lokatölur 29-67.

Þess ber þó að geta að við börðumst vel og var gaman að sjá Egil sem setti 18 stig vel matyaður af flottum sendingum frá Hilmi.

Stig KFÍ: Egill 18, Hilmir 9, Þorleifur 2.

Svo var að lokum leikur Ármann-A og Ármann-B þar sem nokkrir piltar frá KFÍ léku með B-liðinu og fór svo þar að B-liðið sigraði, lokatölur 36-35.

Krakkarnir skemmtu sér vel og voru þau hress og kát með daginn. það setti þó óneitanlega leiðinlegan svip á að þau fengu ekki fleiri leiki og vonum við til að svona verði ekki oft á dagskrá í vetur.