Ekki oft sem frétt af leiknum kemur ekki strax inn eftir leik á Jakanum

Fréttaritari KFí ákvað að taka sér það gullkorn að skrifa ekki reiður frétt og svo verður núna.

Frétt um leikinn mun því koma á morgun og þangað til áskylur fréttaritari sér þann rétt að þegja þunnu hljóði, eða öllu heldur orði.

Dominos deildin á fimmtudag og ÍR í heimsókn

Þá er komið að Domineos deildinni eftir smá hlé og eru gestir okkar að þessu sinni lið ÍR úr Breiðholtinu. Þar eru flottir drengir samankomnir með mikla reynslu og verða þeir án efa gjörsanlega klárir í viðureign þessa á Jakanum.

Hér eru þeir helstu frá ÍR.

Eric James Palm er þeirra stigahæstur og leiðir liðið með 24 stig í leik. Hann er eitruð þriggja stiga skytta með um 52% nýtingu.

Nemanja Sovic er frábær leikmaður hokinn af reynslu og er með 18 stig í leik og 7 fráköst.

Hreggviður Magnússon kann þetta allt og var undafarin tvö át með KR, en er nú kominn heim. Hann er með 14 stig í leik.

Isac Miles er nýr leikmaður ÍR en lék áður með Tindastól. Hann er mjög duglegur og spilar stöðu leikstjórnanda. Hann er með 10 stig og 5 stoðsendingar.

Sveinbjörn Claessen hefur verið óheppinn með meiðsl undanfarin ár, en er nú í toppformi og bætir við 8 stigum í leik.

Hjalti Friðriksson er öflugur og góður varnarmaður og er með 6 stig í leik og 5 fráköst.

Það er engan bilbug á okkar mönnum að finna og allir klárir í slaginn. Þetta verður án efa hörkuleikur og mikilvægur fyrir bæði lið. ÍR er með jafnmörg stig og við eða fjögur og því um fjögurra stiga leik að ræða. Við þurfum á öllum að halda á Jakann á fimmtudaginn 29. nóvember og hefst leikurinn kl.19.15

Pulsur "a la Guðni Ólafur" verða á staðnum þannig að fólk getur nært sig fyrir leik. Skotleikur Flugfélags Íslands og KFÍ verður að sjálfsögðu í boði. Þannig að nú er ekki eftir neinu að bíða.  "Upp úr sófa og inn á Jakann"

Fyrir þá sem eru fyrir utan svæðið þá er leikurinn að sjálfsögðu í beinni hjá KFÍ-TV og er hlekkur hér til hægri á síðunni, BB sjónvarp verður einnig á staðnum til að taka "háljós" af leiknum 

Áfram KFÍ

Minniboltinn vann 3 leiki af 4

Minnibolti KFÍ

Farið yfir hernaðaráætlun leiksins

Allir að hlusta

.... og berjast

1 af 4

Minniboltastrákarnir okkar gerðu góða ferð suður og unnu 3 leiki en því miður tapaðist einn á flautukörfu og því missum við af því að fara upp í C-riðil.

Baráttusigur hjá stelpunum gegn Fjölni-b í dag

Flottar í dag

Stelpurnar spiluðu sinn fyrsta heimaleik í vetur og voru gestir okkar Fjölnir-b. Bæði lið komu ákveðin til leiks og var mikil barátta um alla lausa bolta. KFÍ stelpurnar voru þó skrefinu á undan og leiddu 18-16 eftir fyrsta leikhluta.

Taflið snérist örlítið við í öðrum leikhluta og voru stelpurnar úr Fjölni duglegar að finna opin skot undir körfunni og sóttu hart. Annar leikhluti var þeirra og staðan í hálfleik hnífjöfn 31-31.

Eftir tedrykkjuna í hálfleik komu Ísdrottningarnar vel stemdar til leiks og tóku þann þriðja 21-15 og þegar haldið var til síðasta leikhlutans var staðan 52-46.

Það var þó ekkert auðvelt að hrista gestina af sér sem börðust vel og náðu að halda sér í leiknum. Fór svo að lokum að við tókum þennan og var það liðsheildin sem hélt og allir að leggja sitt af mörkum. Lokatölur 73-68 og fyrsti heimleikur endar með sigri.

Í liði KFÍ er Brittany Schoen og sýndi hún flotta atkta í dag og endaði stigahæst með 31 stig og 5 stoðsendingar. Næst henni kom Eva Margrét með 20 stig og 7 fráköst. Stefanía endaði með 7 stig og 5 fráköst. Vera var með 5 stig og 5 fráköst og Linda litla systir Evu var með 5 stig og er gríðarlegt efni og aðeins 13 ára. Sunnar var með 3 stig en var frákastahæst okkar stúlkna með 8 stykki og munar um minna í svona baráttuleik.Lilja var með 2 stig og 1 frákast. Mareller var með 5 fráköst og þar af 2 stór í sókn. Rósa og Málfríður tóku sitt hvort frákastið en stóðu vaktina vel.

Lið okkar er byggt á mjög ungum stelpum sem eiga eftir að verða enn betri. Það sem okkur vantar eru leikir, en við höfum einungis spilað þrjá leiki ef þessi er talin með og verður gaman að sjá þær þegar líður á tímabilið.

Þessi kom á liðsheild og sérstaklega í vörninni þegar mestu máli skiptir.

Tölfræðin var eilítið einkennileg hjá okkur þar sem við vorum með 29% nýtingu í tveggja stiga skotum en 40% í þriggja, 70% á línunni og 42 fráköst þar af 12 í sókn sem er mjög fínt.

Áfram KFÍ 

Búningar sem Gísli fór með í hreinsun fundnir

Hermann Hermannson eðalmaður færði KFÍ búningana sem okkur grunar að Gísli Elís Úlfarsson okkar hafi farið með í heinsun 1996. Hermann var að taka til á slökkvistöð Ísafjarðar og þar voru búningarnir tilbúnir þar. Það tók því aðeins 16 ár að fá þá heim í hús.

Á þessu tímabili voru stjörnur okkar Guðni Ólafur Guðnason, Hrafn Kristjánsson, Magnús Gautur Gíslason, Ómar Ómarsson, Ingimar Guðmundsson, Pétur Sigurðsson, Finnur Þórðarson, Baldur Ingi Jónasson, Chiedu Odiadu og Derrick Bryant.

Margir þessara kappa eru enn að. Baldur Ingi er á fullu með KR-B, Frikki er að spila með Njarðvík í Dominos deildinni. Hrafn Kristjánsson þjálfar hjá Stjörnunni, Guðni Ólafur er í stjórn KFÍ og Pétur Sigurðsson er að þjálfa hjá KFÍ sem yfirþjálfari sem á sínum tíma var algjörlega óhugsandi enda sá sem sá um búningatöskuna.

Frikki spilaði hjá okkur árið eftir og varð íþróttamaður Ísafjarðar í kjöri þá. Hrafn og Baldur þjálfuðu báðir mfl. KFÍ og Nú er Pétur við verki og Guðni Ólafur er í stjórn KFÍ. Það er ekki dónaleg innheimta frá góðum drengjum til félagsins og körfuboltans á Íslandi.

Það er mikil nostalgía sem fylgir svona fundi og koma minningarnar til baka í bunkum. Á þessum tíma vorum við fyrsta félagið sem datt í hug að selja hvern leikmann eða öllu heldur hvern einstakan búning á sitthvort fyrirtæki og þótti mjög sniðugt þar sem hvert fyrirtæki fékk mikla athygli og er þetta ekki vitlaus hugmynd fyrir körfuna í dag. Við munum þó að þetta var algjör nýjung hjá KKÍ og fengum við sérstakt leyfi til þessa framkvæmda.

Nú liggjum við undir feld með hvað skal gera við búningana.

Málþing um konur og íþróttir var haldið í íþróttamiðstöðinni laugardaginn 17. nóvember

Birna hér að störfum á málþinginu

Birna Lárusdóttir stjórnarkona okkar sat málþing sem haldið var um s.l. helgi og var mjög fróðlegt að sitja fundinn og verður  gaman að sjá niðurstöðurnar og samantekt þegar þær liggja fyrir. Hér fyri neðan er smá frétt um þingið.

Málþing um konur og íþróttir var haldið í íþróttamiðstöðinni laugardaginn 17. nóvember. Um var að ræða tvö boðsþing þar sem umræðuefnið á fyrra þinginu var konur í stjórnunarstöðum innan íþróttahreyfingarinnar og á því síðara var rætt um brottfall stúlkna úr íþróttum. Helga Magnúsdóttir, sem situr í framkvæmdastjórn ÍSÍ og framkvæmdastjórn EHF, Þorgerður Laufey Diðriksdóttir, formaður fimleikasambandsins og Helga Steinunn Guðmundsdóttir, ritari framkvæmdarstjórnar ÍSÍ ávörpuðu þingin. 

Þingfulltrúar ræddu málefnin, deildu reynslu sinni  og komu með tillögur að úrbótum, leiðum og verkefnum. 

BB sjónvarp með meistara Fjölni á leiknum í gær

KFÍ-TV og BB saman

Fjölnir Baldursson hjá BB sjónvarp var á leiknum í gær og tók upp skemmtilegt myndband sem er hér fyrir neðan.

Myndbandi hjá Fjölni er HÉR

Allt annar bragur á leik KFÍ

Mirko sýndi sitt rétta andlit í kvöld

Það er greinilegt að breytingar sem gerðar voru hjá KFÍ eru jákvæðar. Bros sást hjá leikmönnum, þjálfara og stuðningsfólki okkar og heilt yfir var leikur okkar drengja miklu mun betri en sést hefur í vetur. Snæfell sýndi þó af hverju þeir eru toppliðið og kláruðu leikinn á hárrettum tíma, lokatölur 74-87.

Dameir Pitts er klárlega leikmaðurinn sem okkur hefur vantað. Hann er ekta leikstjórnandi og sýndi flotta takta í kvöld. Hann er þó enn á lókal tíma heima fyrir og á eftir að jafna svefn og venjur að okkar venjum. Hann skilaði þó fínum leik og var óheppinn að fá ekki meira frá dómurum í kvöld en ansi oft var stuggað við honum og slegið. En eigi síður skilaði hann 23 stigum tók 5 fráköst og var með 4 stoðsendingar.

Maður leiks KFÍ í kvöld var þó "gamli" maðurinn Mirko Stefán sem setti 17 stig tók 11 fráköst var með 2 stoðsendingar og stal 4 boltum. Kristján Pétur var flottur með 14 stig og 7 fráköst. Ty var með 9 stig og 10 fráköst, Jón Hrafn var með 6 stig og 6 fráköst. Hlynur Hreins setti 5 stig tók 3 fráköst var með 6 stoðsendingar og var með 2 stolna. Það flotta í kvöld var að við tókum 46 fráköst gegn 38 Snæfells og það hefur verið dragbítur á leik okkar.

Snæfell er með þéttan hóp af eðalmannskap og þar er varla hægt að tak einn út, en þó verður að velja Svein Arnar sem þeirra bestan, þó meðal jafningja og steig upp þegar mest þurfti. Tölfræðin er hér fyrir neðan. Það er þó víst að Snæfell r liðið til að sigra þessar vikurnar og verða erfiðir í vetur.

Eins og ég gat um áður er liðið að koma saman eiginlega upp á nýtt  sem liðog er þetta eru flott fyrirheit um framhaldið í vetur. Þegar Pitts og Hlynur finna taktinn með Ty og co verður gaman að sjá liðið. Það er ekki hægt að ætlast til of mikils á fyrsta sprettinum og þolinmæði er dyggð.

Nú er bara að byggja á þessu

Áfram KFÍ

Tölfræðin

Topplið Snæfells í heimsókn á Jakann

Damier er mættur á Jakann

Sunnudagskvöldið 18.nóvember kemur topplið Snæfells í heimsókn á Jakann og er það liður í Lengjubikarnum. Leikurinn hefst kl.19.15.

Lið Snæfells trjónir á toppi Dominos deildarinnar verðskuldað og hafa einungis tapað einum leik þar. Í Lengjubikarnum eru þeir einnig á toppi B-riðils og eru með einn tapleik á bakinu.

Í liði Snæfells eru toppleikmenn í öllum stöðum. Þeirra helstu vopn er að bekkurinn er djúpur, en hér eru þeirra helstu menn

Asim McQueen er þeirra stigahæstu og reyndar með flest fráköst eða 17.8 stig og 9.8 fráköst

Jay Threat er leikstjórnandi þeirra og með 16.0 stig og 5.8 stoðsendingar

Nonni Mæju er ekki langt á eftir með 15.8 stig og 5.8 fráköst

Haffi Gunn er að standa sig frábærlega og er að skila 11.2 stigum

Sveinn Arnar eru búinn að vera með flott mót og er með 11.0 stig í leik

Pálmi Freyr er með 10.0 stig og bræðurnir Stefán Karel er með 7.4 og Óli Torfa með 5.4.

Þjálfari Snæfells er hinn flotti Ingi Þór sem er heldur betur búinn að sýna hve góður hann er með frábærum árangri beggja meistaraflokksliða Snæfells.

Við erum með ungt og skemmtilegt lið hjá KFÍ og ætlum að verða flottir í vetur. Það hafa verið ýmsir þröskuldar á vegi okkar en við klífum þá og tökumst á við verkefnin sem bíða okkar. Damier er mættur í leikstjórnanda hlutverkið og hann á eftir að gera góðan vetur. 

Það verður enginn svikinn af því að mæta á Jakann á sunnudag og sjá flotta pilta spila.

Áfram KFÍ

,,að koma saman er upphafið"

Svona byrjar þetta og svo höldum við saman

Það er og hefur verið lenska hér á landi að vera alltaf kominn á leik hjá sínu liði þegar vel gengur, en þegar verr gengur þá týnist fólk í burtu og fer að finna að öllu. Það er óhjákvæmilega skemmtilegra þegar vel gengur og gaman að því þegar sigrar koma í hús, en það er mikilvægast að styðja við bakið á sínu liði þegar gengið er ekki jafn gott, þá þurfa menn á hjálp að halda.

Íþróttafólk okkar leggur gríðarlega mikið á sig til þess að æfa og keppa fyrir sitt félag og það á að vera okkar að vera á bak við okkar fólk hvernig sem gengur. Það er marg sannað að stuðningfólk hefur mikið að segja um gengi liða og betri bakhjarl er varla hægt að hugsa sér en þann sem kallar inn á völlinn ,,koma svo" og ,,áfram KFÍ".

Okkar félag hefur fengið að finna fyrir misjöfnu gengi í vetur og því miður er það svo í lottói leikmanna þá koma upp atvik sem verða til þess að breytinga er þörf. Það hafa mörg önnur lið þurft að skipta úr mönnum og það varð KFÍ að gera og þetta gerir engin að gamni sínu, enda bæði kostnaðarsamt og óskemmtilegt. Við misstum einnig einn okkar drengja í erfið veikindi í hans fjölskyldu og sem félag sem rekur stefnu sem er fjölskylduvæn þá stöndum við á bak við hann algjörlega í hans málum og eigum von á honum aftur þegar hans mál eru útkljáð heima fyrir. Þeir hinir tveir sem urðu frá að hverfa frá KFÍ voru einfaldlega ekki að skila sínu hlutverki og er það miður.

Nú höfum við fengið þá Tyrone Bradshaw og Damier Pitts í þeirra stað auk þess sem Hlynur Hreinsson er kominn aftur. Ungu strákarnir hafa verið að stíga upp og er þar til dæmis hægt að benda á Stefán Diego sem heldur betur vann sig inn í liðið en meiddist illa og er á batavegi, Guðmundur Guðmundsson sem einnig var að finna sig, en meiddist einnig. Óskar Kristjánsson er að koma sterkari til leiks og svo erum við með pattana Hauk og Hákon klára.

Það segir sig sjálft að það tekur tíma að búa til lið og við fengum því miður ekki tækifæri til þess að undirbúa lið okkar sem skildi í haust vegna anna þjálfara okkar með landsliðinu. Nú kjósum við að horfa á verkefni vertrarins sem hálfleik. það eru einungis fjögur stig sem skilja að lið í fimmta sæti og það ellefta og er því allt opið í þessu móti. Þarna eru lið sem "ættu" að vera mikið mun ofar en við, en samt eru þau í botnbaráttu ? Svona er boltinn. Misjafnt er gengi liða og væntingar og árangur haldast ekki alltaf í hendur. En lið gefast ekkert upp, enda er það auðvelda leiðin út.

Það sem félag okkar vantar er að jákvætt fylgi og að jákvæður stuðningur komi frá fólki. Við þurfum að berjast í þessu saman og saman tökum við sigrum og tapi.  Þetta er langhlaup og stigin eru talinn í mars og það er langt í þann mánuð.

Komum til leiks í framhaldinu og sýnum strákunum okkar hvatningu. Það er allt of auðvelt að vera neikvæður og það er enn auðveldara að finna blóraböggla og hafa allt á hornum sér. En jákvæðni er leiðin til árangurs.

Áfram KFÍ.